Zabbuli 120
Oluyimba nga balinnya amadaala.
1120:1 Zab 102:2; Yon 2:2Nkoowoola Mukama nga ndi mu nnaku,
era n’annyanukula.
2120:2 a Nge 12:22 b Zab 52:4Omponye, Ayi Mukama,
emimwa egy’obulimba,
n’olulimi olw’obukuusa.
3Onooweebwa ki,
era onookolebwa otya, ggwe olulimi olukuusa?
4120:4 Zab 45:5Onoofumitibwa n’obusaale obwogi obw’omulwanyi omuzira,
n’oyokerwa ku manda ag’omuti entaseesa.
5120:5 Lub 25:13; Yer 49:28Ndabye ennaku, kubanga mbeera mu Meseki;
nsula mu weema za Kedali!
6Ndudde nnyo
mu bantu abakyawa eddembe.
7Nze njagala mirembe,
naye bwe njogera bo baagala ntalo.
