สดุดี 81 – TNCV & GKY

Rwĩmbo rwa Gũkũngũĩra Gĩathĩ

Thaburi ya Asafu

181:1 Thab 66:1Inĩrai Ngai, o we hinya witũ, nĩ ũndũ wa gũkena;

anĩrĩrai mũinĩre Ngai wa Jakubu!

281:2 Thaam 15:20; Ayub 21:12Ambĩrĩriai kũina, hũũrai kĩhembe,

na mũhũũre kĩnanda kĩa mũgeeto kĩrĩa kĩgambi wega, o na gĩa kĩnũbi.

381:3 Neh 10:33Huhai coro hĩndĩ ya Karũgamo ka Mweri,

na ningĩ rĩrĩa mweri waiganana, mũthenya ũrĩa wa Gĩathĩ giitũ;

4ũyũ nĩ watho wa kĩrĩra gĩa kũrũmĩrĩrwo kũrĩ Isiraeli,

o guo watho wa Ngai wa Jakubu.

581:5 Thaam 11:4We nĩaũhaandire ũtuĩke kĩrĩra harĩ Jusufu

hĩndĩ ĩrĩa aathiire gũtharĩkĩra bũrũri wa Misiri,

kũrĩa twaiguire mwario tũtaamenyire.

6Ekuuga atĩrĩ, “Nĩndeheririe mũrigo kuuma ciande-inĩ ciao;

moko mao nĩndameheririe kuuma thĩinĩ wa gĩkabũ.

781:7 Thaam 17:7Wangaĩire ũrĩ na mĩnyamaro na niĩ ngĩkũhatũra,

ngĩgwĩtĩka ndĩ thĩinĩ wa mũrurumo wa ngwa;

ndakũgeririe ũrĩ kũu maaĩ-inĩ ma Meriba.

8“Inyuĩ andũ akwa, iguai ngĩmũkaania,

naarĩ korwo no mũũthikĩrĩrie, inyuĩ Isiraeli!

981:9 Thaam 20:3Mũtikanagĩe na ngai ngʼeni gatagatĩ-inĩ kanyu;

mũtikanainamĩrĩre ngai ya kũngĩ.

1081:10 Ezek 2:8; Thab 107:9Nĩ niĩ Jehova Ngai waku,

ũrĩa wakũrutire bũrũri wa Misiri.

Athamia kanua gaku na nĩngũkũhe gĩa kũrĩa.

11“No andũ akwa matiigana gũũthikĩrĩria;

Isiraeli ndaigana kũnjathĩkĩra.

1281:12 Atũm 7:42; Arom 1:24Nĩ ũndũ ũcio ngĩmarekereria marũmĩrĩre ũremi wa ngoro ciao,

na marũmagĩrĩre mwĩĩro wao ene.

1381:13 Gũcook 5:29“Korwo andũ akwa no maathikĩrĩrie,

korwo Isiraeli no marũmĩrĩre njĩra ciakwa,

14ndamatooreria thũ ciao o na ihenya,

na njũkĩrĩre andũ arĩa marĩ muku nao na ũndũ wa guoko gwakwa!

15Andũ arĩa mathũire Jehova mangĩĩthuna marĩ mbere yake,

na iherithia rĩao rĩtũũre nginya tene.

1681:16 Gũcook 32:14No inyuĩ ingĩmũhe ngano ĩrĩa njega mũno mũrĩĩage;

ingĩmũhũũnagia na ũũkĩ wa kuuma rwaro-inĩ rwa ihiga.”