Isaaya 26 – LCB & KLB

Oluyimba olw’Okutendereza

126:1 a Is 14:32 b Is 60:18Mu biro ebyo oluyimba luno luliyimbibwa mu nsi ya Yuda.

Tulina ekibuga eky’amaanyi;

Katonda assaawo obulokozi

okuba bbugwe waakyo n’ekigo kyakyo.

226:2 Is 54:14; 58:8; 62:2Ggulawo wankaaki,

eggwanga ettukuvu liyingire,

eggwanga erikuuma okukkiriza.

3Mukama alikuuma mirembe

oyo amaliridde okumwesiga mu mutima gwe.

426:4 Is 12:2; 50:10Weesigenga Mukama ennaku zonna,

kubanga emirembe giri waggulu mu Mukama, Mukama Katonda oyo atoowaza.

526:5 Is 25:12Mukama lwe lwazi olutaggwaawo,

akkakkanya ekibuga eky’amalala,

akissa wansi ku ttaka,

n’akisuula mu nfuufu.

626:6 Is 3:15Kirinnyirirwa

ebigere by’abanyigirizibwa,

n’ebisinde by’abaavu.

726:7 Is 42:16Ekkubo ly’abatuukirivu ttereevu;

Ggwe atuukiridde, olongoosa olugendo lw’omutuukirivu.

826:8 a Is 56:1 b Is 12:4Weewaawo Mukama Katonda tukulindirira

nga tutambulira mu mateeka go,

era erinnya lyo n’okumanyibwa kwo

kwe kwegomba kw’emitima gyaffe.

926:9 a Zab 63:1; 78:34; Is 55:6 b Mat 6:33Omwoyo gwange gukuyaayaanira mu kiro,

omwoyo gwange gukunoonyeza ddala.

Bw’osalira ensi omusango,

abantu b’ensi bayiga obutuukirivu.

1026:10 a Is 32:6 b Is 22:12-13; Kos 11:7; Yk 5:37-38; Bar 2:4Omukozi w’ebibi ne bw’akolerwa ebyekisa,

tayiga butuukirivu.

Ne bw’abeera mu nsi ey’abatuukiridde,

yeeyongera kukola bibi, era talaba kitiibwa kya Mukama Katonda.

1126:11 a Is 44:9, 18 b Beb 10:27Mukama Katonda omukono gwo guyimusibbwa waggulu,

naye tebagulaba.

Ka balabe obunyiikivu bwo eri abantu bo baswazibwe,

omuliro ogwaterekerwa abalabe bo ka gubamalewo.

12Mukama Katonda, otuteekerateekera emirembe,

n’ebyo byonna bye tukoze, ggw’obitukoledde.

1326:13 a Is 2:8; 10:5, 11 b Is 63:7Ayi Mukama Katonda waffe, abafuzi abalala batufuze nga wooli naye erinnya lyo lyokka lye tussaamu ekitiibwa.

1426:14 a Ma 4:28 b Is 10:3Baafa, tebakyali balamu;

egyo emyoyo egyagenda tegikyagolokoka.

Wababonereza n’obazikiriza,

wabasaanyizaawo ddala bonna, ne watabaawo akyabajjukira.

1526:15 Is 33:17Ogaziyizza eggwanga, Ayi Mukama Katonda

ogaziyizza eggwanga.

Weefunidde ekitiibwa,

era ogaziyizza ensalo zonna ez’ensi.

1626:16 Kos 5:15Mukama Katonda, bajja gy’oli mu nnaku yaabwe,

bwe wabakangavvula,

tebaasobola na kukusaba mu kaama.

1726:17 Yk 16:21Ng’omukyala ow’olubuto anaatera okuzaala,

bw’alumwa n’akaaba mu bulumi,

bwe tutyo bwe twali mu maaso go, Ayi Mukama Katonda.

1826:18 a Is 33:11; 59:4 b Zab 17:14Twali lubuto, twalumwa,

naye twazaala mpewo

Tetwaleeta bulokozi ku nsi,

tetwazaala bantu ba nsi.

1926:19 a Is 25:8; Bef 5:14 b Ez 37:1-14; Dan 12:2Naye abafiira mu ggwe balirama,

emibiri gyabwe girizuukira.

Mugolokoke,

muleekaane olw’essanyu.

Ssuulwe wo ali ng’omusulo ogw’oku makya,

ensi erizaala abafudde.

2026:20 a Kuv 12:23 b Zab 91:1, 4 c Zab 30:5; Is 54:7-8Mugende abantu bange muyingire mu bisenge byammwe

muggalewo enzigi zammwe.

Mwekweke okumala akabanga katono,

okutuusa ekiruyi kye lwe kirimuggwaako.

2126:21 a Yud 14 b Mi 1:3 c Is 13:9, 11; 30:12-14 d Yob 16:18; Luk 11:50-51Weewaawo laba Mukama Katonda ava mu kifo kye gy’abeera

okubonereza abantu b’ensi olw’ebibi byabwe.

Ensi erikwekula omusaayi ogwagiyiikako,

era teriddayo nate kukweka abattibwa.