Salmo 149
Ang Kanta sa Pagdayaw
1Dayawa ang Ginoo!
Magkanta kamo sang bag-o nga kanta sa Ginoo.
Dayawa siya sa pagtililipon sang iya matutom nga katawhan.
2Magkalipay ang mga taga-Israel tungod sang ila Manunuga.
Magkinasadya ang katawhan sang Zion149:2 Zion: ukon, Jerusalem. tungod sang ila Hari.
3Magdayaw sila sa iya nga may pagsinaot;
kag magtukar sila sang tamborin kag mga arpa sa pagdayaw sa iya.
4Kay nagakalipay ang Ginoo sa iya katawhan;
ginapadunggan niya sila nga mga kubos paagi sa pagpadaog sa ila.
5Magkalipay sila nga matutom sa iya tungod sang ila pagdaog;
magkanta sila sa kalipay bisan sa ila mga hiligdaan.
6Magdayaw sila sing mabaskog sa Dios samtang nagauyat sila sang matalom nga mga espada,
7sa pagpanimalos kag pagsilot sa mga katawhan sang mga nasyon,
8sa pagkadena sang ila mga hari kag mga pangulo,
9sa pagsilot sa ila suno sa ginsugo sang Dios.
Ini para sa kadayawan sang tanan nga iya matutom nga katawhan.
Dayawa ang Ginoo!
Psalm 149
1Praise the Lord.
Sing a new song to the Lord.
Sing praise to him in the assembly of his faithful people.
2Let Israel be filled with joy because God is their Maker.
Let the people of Zion be glad because he is their King.
3Let them praise his name with dancing.
Let them make music to him with harps and tambourines.
4The Lord takes delight in his people.
He awards with victory those who are humble.
5Let his faithful people be filled with joy because of that honor.
Let them sing for joy even when they are lying in bed.
6May they praise God with their mouths.
May they hold in their hands a sword that has two edges.
7Let them pay the nations back.
Let them punish the people of the earth.
8Let them put the kings of those nations in chains.
Let them put their nobles in iron chains.
9Let them carry out God’s sentence against those nations.
This will bring glory to all his faithful people.
Praise the Lord.
