Chipembedzo Chabodza Nʼchopanda Phindu
1Mawu amene Yehova anayankhula kwa Yeremiya ndi awa, 2“Ima pa chipata cha Nyumba ya Yehova ndipo kumeneko ukalalikire uthenga uwu:
“ ‘Imvani mawu a Yehova, inu nonse anthu a ku Yuda amene mumalowa pa chipata ichi kudzapembedza Yehova. 3Yehova Wamphamvuzonse, Mulungu wa Israeli akuti: Konzani makhalidwe anu ndi zochita zanu, ndipo ndidzakulolani kukhala pa malo ano. 4Musamakhulupirire mawu anu achinyengo onena kuti, ‘Ino ndi Nyumba ya Yehova, Nyumba ya Yehova, Nyumba ya Yehova!’ 5Ngati mutasinthadi makhalidwe anu ndi zochita zanu, ndi kumachitirana zolungama, 6ngati mutaleka kuzunza mlendo, ana amasiye kapena akazi amasiye ndi kuleka kupha anthu osalakwa pa malo ano, ndipo ngati muleka kutsatira milungu ina, kuti ingakuwonongeni, 7Ine ndidzakulolani kukhala pa malo ano, mʼdziko limene ndinapatsa makolo anu mpaka muyaya. 8Koma onani, inu mukudalira mawu abodza amene alibe phindu.
9“Kodi inu muziba ndi kupha, kuchita chigololo ndi kulumbira monama, kufukiza lubani kwa Baala ndi kutsatira milungu ina imene simunayidziwe, 10ndipo kenaka nʼkubwera kudzayima pamaso panga mʼNyumba ino, Nyumba imene imadziwika ndi Dzina langa, inu nʼkumati, ‘Tapulumuka.’ Mwapulumuka kuti muzichitabe zonyansazi? 11Kodi Nyumba ino imene imadziwika ndi Dzina langa, yasanduka phanga la anthu olanda zinthu anzawo mwachifwamba inu mukuona? Komatu ndakhala ndi kuziona zonsezi! akutero Yehova.”
12“ ‘Pitani tsopano ku malo anga ku Silo, malo amene poyamba ankadziwika ndi Dzina langa, ndipo mukaone zimene ndinachita kumeneko chifukwa cha kuyipa kwa anthu anga Aisraeli. 13Tsono popeza munkachita zonsezi, ngakhale Ine kukuyankhulani koma inu osamvera, kukuyitanani koma inu osayankha, 14choncho ndidzachita pa Nyumba imene imadziwika ndi Dzina langayi, Nyumba ya Yehova imene mumayidalira, malo amene ndinapereka kwa inu ndi makolo anu, zomwe ndinachita ku Silo. 15Ndidzakuthamangitsani pamaso panga, ngati momwe ndinachitira abale anu onse, anthu a Efereimu.’ ”
16“Choncho iwe Yeremiya usawapempherere anthu awa ngakhale kuwapepesera kapenanso kuwapembedzera; usandidandaulire, chifukwa Ine sindidzakumvera. 17Kodi sukuona zimene akuchita mʼmizinda ya ku Yuda ndi mʼmisewu ya ku Yerusalemu? 18Ana akutorera nkhuni, abambo akusonkha moto, ndipo amayi akukanda ufa kuti aphike makeke oti akapereke nsembe kwa mfumukazi yazakumwamba. Iwo amathira nsembe ya zakumwa kwa milungu ina kuti andipsetse mtima. 19Koma kodi akuvutitsa Ine? Kodi sakungodzivuta okha, ndi kudzichititsa manyazi? akutero Yehova.”
20“Nʼchifukwa chake Ambuye Yehova akuti: Ndidzatsanulira mkwiyo wanga pa Nyumba yangayi, anthu, nyama, mitengo ndi zipatso zomwe. Mkwiyowo udzakhala ngati moto wosazimitsika.
21“Yehova Wamphamvuzonse, Mulungu wa Israeli akuti: Wonjezerani nsembe zanu zopsereza pa nsembe zanu zinazo ndipo mudye nyama yakeyo! 22Pakuti pamene ndinatulutsa makolo anu ku Igupto ndi kuyankhula nawo, sindinawalamulire kuti azipereka nsembe zopsereza kapena nsembe zinazo, 23koma ndinawalamula kuti: Mverani Ine, ndipo ndidzakhala Mulungu wanu ndipo inu mudzakhala anthu anga. Muzitsata zonse zimene ndakulamulirani, ndipo zinthu zidzakuyenderani bwino. 24Koma anthuwo sanamvere kapena kulabadira; mʼmalo mwake anapitirira kusamvera ndi mitima yawo yoyipa. Iwo anabwerera mʼmbuyo mʼmalo mopita patsogolo. 25Kuyambira tsiku limene makolo awo anachoka ku Igupto mpaka lero lino, ndakhala ndikuwatumizira atumiki anga, aneneri. 26Koma anthuwo sanandimvere kapena kusamalira. Anawumitsa mitima yawo ndi kuchita zoyipa kuposa makolo awo.
27“Ngakhale iwe uwawuze zonsezi koma sadzakumvera. Ngakhale uwayitane koma sadzakuyankha. 28Nʼchifukwa chake udzawawuze kuti, ‘Uwu ndi mtundu wa anthu umene sunamvere Yehova Mulungu wake, wosalola kulangizidwa. Choonadi chatha; chazimirira pa milomo yawo.’
29“Tsono meta tsitsi lako ndi kulitaya. Ulire kwambiri pa zitunda zopanda zomera, pakuti Yehova waukana ndi kuwusiya mʼbado umene wamukwiyitsawu.”
Chigwa cha Imfa
30“Anthu a ku Yuda achita zoyipa pamaso panga, akutero Yehova. Ayimika mafano awo onyansa mʼnyumba imene imadziwika ndi Dzina langa ndipo ayipitsa. 31Amanga nsanja yopembedzera Tofeti mʼChigwa cha Hinomu kuti apserezereko ana awo aamuna ndi aakazi. Zimenezi Ine sindinawalamulire ngakhale kuziganizira nʼkomwe. 32Nʼchifukwa chake masiku akubwera, akutero Yehova, pamene anthu sadzawatchulanso malowo Tofeti kapena Chigwa cha Hinomu, koma adzawatchula Chigwa cha Imfa, chifukwa adzakwirira anthu akufa ku Tofeti mpaka osapezekanso malo owayika. 33Ndipo mitembo ya anthu amenewa idzakhala chakudya cha mbalame zamlengalenga ndi zirombo zakuthengo, ndipo palibe wina amene adzazipirikitse. 34Ndidzathetsa nyimbo zonse zachisangalalo ndi zachikondwerero mʼmizinda ya ku Yuda ndi mʼmisewu ya ku Yerusalemu. Sikudzamvekanso mawu a chikondwerero a mkwatibwi ndi mkwati pakuti dzikolo lidzasanduka chipululu.”
聖殿講道
1耶和華對耶利米說： 2「你站在耶和華殿的門口這樣宣告，『從這些門進殿敬拜耶和華的猶大人啊，你們要聽耶和華的話。 3以色列的上帝——萬軍之耶和華說，你們改過自新，我便讓你們在這裡安居。 4你們不要相信那些謊言，說這是耶和華的殿，這是耶和華的殿，這是耶和華的殿。
5「『如果你們真正改過自新，彼此公平相待， 6不欺壓異鄉人和孤兒寡婦，不在這地方濫殺無辜，不拜其他神明自取毀滅， 7我便讓你們在這塊我永遠賜給你們祖先的土地上安居。
8「『然而，你們竟相信那些空洞的謊言。 9你們偷盜、謀殺、通姦、起假誓、向巴力獻祭、拜素不認識的神明， 10然後來到這用來敬拜我的殿，站在我面前說自己安全了，以為可以繼續做可憎之事。 11難道這用來敬拜我的殿在你們眼中竟成了賊窩？這些事，我都看在眼裡。這是耶和華說的。
12「『你們去我曾選為我名所在之地的示羅，看看我是怎樣因我以色列子民的罪而懲罰那地方的。 13我對你們的所作所為一再提出警告，你們卻充耳不聞；我呼喚你們，你們卻不回應。這是耶和華說的。 14因此，我要像對付示羅一樣對付你們所倚靠的這用來敬拜我的殿，對付我賜給你們和你們祖先的土地。 15我要把你們從我面前趕走，好像從前趕走你們的弟兄以法蓮7·15 「以法蓮」此處指「北國以色列」。人一樣。』」
16耶和華說：「耶利米啊，不要為這些百姓禱告，不要替他們哀求，不要為他們向我祈求，因為我必不聽。 17你沒有看見他們在猶大各城和耶路撒冷街道上所做的事嗎？ 18孩子拾柴，父親點火，婦人揉麵做餅向天后獻祭，向別的神明奠酒，惹我發怒。 19耶和華說，『難道他們是在惹我發怒嗎？難道他們不是自害己身，自取羞辱嗎？』 20主耶和華說，『我要向這地方的人、牲畜、田野的樹木和地裡的出產發怒，發烈怒，如無法熄滅的火。』」
21以色列的上帝——萬軍之耶和華說：「你們把平安祭連同燔祭都拿去吃吧！ 22因為我把你們祖先帶出埃及的時候，並沒有吩咐他們獻燔祭或其他祭物， 23只吩咐他們，『你們要聽從我的話，我就做你們的上帝，你們做我的子民；你們遵行我的吩咐，就必蒙福。』 24他們卻掩耳不聽，一意孤行，任意行惡，越來越壞。 25從你們的祖先離開埃及那天起，一直到今天，我日復一日地差遣我的僕人——眾先知到你們那裡， 26但你們掩耳不聽，頑固不化，比你們的祖先更邪惡。 27耶利米啊，你將這番話告訴他們，他們也不會聽；你向他們呼籲，他們也不會回應。 28你要對他們說，『你們這些國民不聽你們上帝耶和華的話，不肯受管教，口中毫無真理。
29『你們要剪掉頭髮，
在光禿的山上哀哭，
因為耶和華已棄絕這惹祂發怒的百姓。』」
30耶和華說：「猶大人做了我視為邪惡的事，把可憎的偶像放在用來敬拜我的聖殿中，玷污了聖殿。 31他們在欣嫩子谷的陀斐特建造邱壇，焚燒自己的兒女。我從未吩咐他們這樣做，連想都沒想過。這不是我的吩咐，我也從未這樣想過。 32因此，看啊，時候將到，那地方必不再叫陀斐特或欣嫩子谷，而要叫殺戮谷。那裡要埋葬死人，直到無處可埋。這是耶和華說的。 33飛鳥和走獸必吃這百姓的屍體，無人驅趕牠們。 34我要使猶大各城和耶路撒冷街上的歡樂聲、新郎和新娘的歡笑聲全部消失，因為大地必荒涼。」
