Bepɔ Ebal Afɔrebukyia
1Mose ne Israel mpanimfoɔ hyɛɛ ɔmanfoɔ no sɛ, “Monni mmara a mede rema mo ɛnnɛ yi nyinaa so. 2Sɛ motwa Yordan kɔduru asase a Awurade, mo Onyankopɔn de rema mo no so a, monhyehyɛ aboɔ akɛseɛ na momfa akaadoo nsra ho. 3Sɛ motwa Yordan kɔ asase a Awurade, mo Onyankopɔn de rema mo no so, asase a ɛwoɔ ne nufosuo resene so no so a, montwerɛ mmara no nyinaa ngu so sɛdeɛ Awurade, mo agyanom Onyankopɔn, hyɛɛ mo bɔ no. 4Na sɛ motwa Yordan a, monhyehyɛ aboɔ no wɔ Ebal bepɔ so sɛdeɛ merehyɛ mo ɛnnɛ yi na momfa akaadoo no mfa ho. 5Monsi afɔrebukyia, aboɔ afɔrebukyia wɔ hɔ mma Awurade, mo Onyankopɔn. Mommfa dadeɛ biribiara nka. 6Momfa aboɔ nkunkuma nsi Awurade, mo Onyankopɔn afɔrebukyia no na mommɔ ɔhyeɛ afɔdeɛ wɔ so mma Awurade, mo Onyankopɔn. 7Mommɔ asomdwoeɛ afɔdeɛ nso wɔ so na momfa anigyeɛ nnidi wɔ hɔ wɔ Awurade, mo Onyankopɔn, anim. 8Montwerɛ mmara no mu nhyehyɛeɛ nyinaa pɛpɛɛpɛ ngu aboɔ a wɔde akaadoo aka so no so.”
Nnome A Ɛfiri Bepɔ Ebal So
9Afei, Mose ne Lewifoɔ asɔfoɔ kasa kyerɛɛ Israelfoɔ no sɛ, “Ao Israel, monyɛ komm na montie! Ɛnnɛ, moabɛyɛ Awurade, mo Onyankopɔn manfoɔ. 10Monyɛ ɔsetie mma Awurade, mo Onyankopɔn, na monni ne mmara ne nʼahyɛdeɛ a mede rema mo ɛnnɛ yi so.”
11Saa ɛda no ara, Mose hyɛɛ ɔmanfoɔ no sɛ,
12Sɛ motwa Asubɔnten Yordan a, Simeon, Lewi, Yuda, Isakar, Yosef ne Benyamin mmusuakuo na wɔnnyina Gerisim bepɔ so nhyira ɔman no. 13Ruben, Gad, Aser, Sebulon, Dan ne Naftali mmusuakuo nso nnyina Ebal bepɔ so nnome.
14Na afei, Lewifoɔ nteam ngu nnipa a wɔwɔ Israel nyinaa so sɛ:
15“Nnome nka onipa a ɔbɛyɛ ohoni a wɔasene anaa deɛ wɔagu de ahyɛ kɔkoam. Saa ahoni adwumfoɔ nsaano nnwuma yi yɛ Awurade akyiwadeɛ.”
Na ɔman no nyinaa bɛgye so sɛ, “Amen!”
16“Nnome nka obiara a ɔbɛbu nʼagya anaa ne maame animtia.”
Na ɔman no nyinaa bɛgye so sɛ, “Amen!”
17“Nnome nka obiara a ɔsesa hyeɛ nam so bɔ ne yɔnko korɔno.”
Na ɔman no nyinaa bɛgye so sɛ, “Amen!”
18“Nnome nka obiara a ɔma onifirani fom ɛkwan.”
Na ɔman no nyinaa bɛgye so sɛ, “Amen!”
19“Nnome nka obiara a ɔsisi ahɔhoɔ, nwisiaa ne akunafoɔ.”
Na ɔman no nyinaa bɛgye so sɛ, “Amen!”
20“Nnome nka obiara a ɔne nʼagya yere bɛda, ɛfiri sɛ, wagu nʼagya mpa ho fi.”
Na ɔman no nyinaa bɛgye so sɛ, “Amen!”
21“Nnome nka obiara a ɔne aboa bɛda.”
Na ɔman no nyinaa bɛgye so sɛ, “Amen!”
22“Nnome nka obiara a ɔne ne nuabaa bɛda, sɛ ɔyɛ nʼagya babaa anaa ne maame babaa.”
Na ɔman no nyinaa bɛgye so sɛ, “Amen!”
23“Nnome nka obiara a ɔne nʼase baa bɛda.”
Na ɔman no nyinaa bɛgye so sɛ, “Amen!”
24“Nnome nka obiara a ɔbɛkum ɔfoforɔ wɔ kɔkoam.”
Na ɔman no nyinaa bɛgye so sɛ, “Amen!”
25“Nnome nka obiara a ɔgye apaabɔdeɛ na ɔkum onipa a ɔnyɛɛ bɔne biara.”
Na ɔman no nyinaa bɛgye so sɛ, “Amen!”
26“Nnome nka obiara a wanni mmaransɛm yi so na wannye anto mu.”
Na ɔman no nyinaa bɛgye so sɛ, “Amen!”
The Altar on Mount Ebal
1Moses and the elders of Israel commanded the people: “Keep all these commands that I give you today. 2When you have crossed the Jordan into the land the Lord your God is giving you, set up some large stones and coat them with plaster. 3Write on them all the words of this law when you have crossed over to enter the land the Lord your God is giving you, a land flowing with milk and honey, just as the Lord, the God of your ancestors, promised you. 4And when you have crossed the Jordan, set up these stones on Mount Ebal, as I command you today, and coat them with plaster. 5Build there an altar to the Lord your God, an altar of stones. Do not use any iron tool on them. 6Build the altar of the Lord your God with fieldstones and offer burnt offerings on it to the Lord your God. 7Sacrifice fellowship offerings there, eating them and rejoicing in the presence of the Lord your God. 8And you shall write very clearly all the words of this law on these stones you have set up.”
Curses From Mount Ebal
9Then Moses and the Levitical priests said to all Israel, “Be silent, Israel, and listen! You have now become the people of the Lord your God. 10Obey the Lord your God and follow his commands and decrees that I give you today.”
11On the same day Moses commanded the people:
12When you have crossed the Jordan, these tribes shall stand on Mount Gerizim to bless the people: Simeon, Levi, Judah, Issachar, Joseph and Benjamin. 13And these tribes shall stand on Mount Ebal to pronounce curses: Reuben, Gad, Asher, Zebulun, Dan and Naphtali.
14The Levites shall recite to all the people of Israel in a loud voice:
15“Cursed is anyone who makes an idol—a thing detestable to the Lord, the work of skilled hands—and sets it up in secret.”
Then all the people shall say, “Amen!”
16“Cursed is anyone who dishonors their father or mother.”
Then all the people shall say, “Amen!”
17“Cursed is anyone who moves their neighbor’s boundary stone.”
Then all the people shall say, “Amen!”
18“Cursed is anyone who leads the blind astray on the road.”
Then all the people shall say, “Amen!”
19“Cursed is anyone who withholds justice from the foreigner, the fatherless or the widow.”
Then all the people shall say, “Amen!”
20“Cursed is anyone who sleeps with his father’s wife, for he dishonors his father’s bed.”
Then all the people shall say, “Amen!”
21“Cursed is anyone who has sexual relations with any animal.”
Then all the people shall say, “Amen!”
22“Cursed is anyone who sleeps with his sister, the daughter of his father or the daughter of his mother.”
Then all the people shall say, “Amen!”
23“Cursed is anyone who sleeps with his mother-in-law.”
Then all the people shall say, “Amen!”
24“Cursed is anyone who kills their neighbor secretly.”
Then all the people shall say, “Amen!”
25“Cursed is anyone who accepts a bribe to kill an innocent person.”
Then all the people shall say, “Amen!”
26“Cursed is anyone who does not uphold the words of this law by carrying them out.”
Then all the people shall say, “Amen!”
