Salmo 97
Ang Ginoo Labaw sa Tanang Pangulo
1Nagahari ang Ginoo!
Busa angay nga maglipay ang kalibotan, apil na ang mga isla.
2Gilibotan siya sa mabagang dag-om,
ug nagahari siya sa katarong ug kaangayan.
3Nagauna kaniya ang kalayo ug gilamoy niini ang iyang mga kaaway sa palibot.
4Ang iyang kilat midan-ag sa kalibotan;
nakita kini sa mga tawo ug nangurog sila sa kahadlok.
5Natunaw nga daw kandila ang kabukiran diha sa presensya sa Ginoo, ang Ginoo nga nagagahom sa tibuok kalibotan.
6Nagapadayag ang kalangitan nga siya matarong,
ug ang tanang katawhan nakakita sa iyang pagkagamhanan.
7Naulawan ang tanang nagasimba sa mga imahen ug nagapasigarbo sa mga dios.
Kamong tanang mga dios, moyukbo kamo sa pagsimba sa Dios.
8Ginoo, nadungog sa mga lumulupyo sa Zion97:8 Zion: mao usab ang Jerusalem. ug sa uban pang mga lungsod sa Juda nga silotan mo ang ilang mga kaaway,
busa nangalipay sila.
9Kay ikaw, Ginoo, nga Labing Halangdong Dios, nagagahom sa tibuok kalibotan.
Gipasidunggan ka labaw sa tanang mga dios.
10Ang mga nagahigugma sa Ginoo angay nga masilag sa daotan.
Kay ginatipigan sa Ginoo ang kinabuhi sa iyang matinumanon nga katawhan.
Ug ginaluwas niya sila gikan sa kamot sa mga daotan.
11Ang kaayo sa Dios sama sa adlaw nga nagasidlak sa mga matarong
ug nagahatag ug kalipay kanila.
12Kamong mga matarong, paglipay kamo tungod sa gihimo sa Ginoo kaninyo.
Dayega ninyo siya isip paghinumdom sa iyang pagkabalaan.
Psalm 97
1The Lord reigns, let the earth be glad;
let the distant shores rejoice.
2Clouds and thick darkness surround him;
righteousness and justice are the foundation of his throne.
3Fire goes before him
and consumes his foes on every side.
4His lightning lights up the world;
the earth sees and trembles.
5The mountains melt like wax before the Lord,
before the Lord of all the earth.
6The heavens proclaim his righteousness,
and all peoples see his glory.
7All who worship images are put to shame,
those who boast in idols—
worship him, all you gods!
8Zion hears and rejoices
and the villages of Judah are glad
because of your judgments, Lord.
9For you, Lord, are the Most High over all the earth;
you are exalted far above all gods.
10Let those who love the Lord hate evil,
for he guards the lives of his faithful ones
and delivers them from the hand of the wicked.
11Light shines97:11 One Hebrew manuscript and ancient versions (see also 112:4); most Hebrew manuscripts Light is sown on the righteous
and joy on the upright in heart.
12Rejoice in the Lord, you who are righteous,
and praise his holy name.
