NHOMA A ƐTO SO ANAN
Nnwom 90–106
Dwom 90
Onyankopɔn nipa Mose mpaebɔ.
1Awurade, wo na woayɛ yɛn tenabea
awo ntoatoaso nyinaa mu.
2Ansa na wɔrebɛbɔ mmepɔw
anaasɛ worebɛda asase ne wiase adi no,
na woyɛ Onyankopɔn fi mmeresanten kosi mmeresanten.
3Woma adesamma san dan mfutuma,
ka se, “Mo adesamma, monsan nkɔ mfutuma mu.”
4Mfirihyia apem yɛ wʼani so sɛ
da koro a abɛsen mprempren,
anaasɛ anadwo mu dɔnhwerew kakraa bi.
5Wopra nnipa kɔ, wɔ owu nna mu;
wɔte sɛ sare a afefɛw anɔpa,
6ɛfefɛw yɛ frɔmfrɔm anɔpa de,
nanso anwummere ɛwo na etwintwam.
7Yɛresa wɔ wʼabufuw ano
na wʼanibere abɔ yɛn hu.
8Wode yɛn amumɔyɛ asi wʼanim,
na yɛn kokoa mu bɔne da wʼanim hann no mu.
9Yɛn nna nyinaa twa mu wɔ wʼabufuwhyew mu;
na yɛde awerɛhowdi na ewie yɛn mfe.
10Yɛn nkwa nna si mfe aduɔson,
anaasɛ aduɔwɔtwe, sɛ yɛwɔ ahoɔden a;
na mu ahohoahoade yɛ ɔhaw ne awerɛhow,
na etwa mu ntɛmntɛm, na yetu kɔ.
11Sɛ anka yebehu sɛ wʼabufuw mu tumi te ɛ!
Wʼabufuwhyew kɛse te sɛnea wo ho suro te.
12Ma yenhu yɛn nna kan sɛnea ɛte,
na yɛanya nyansa koma.
13Tɔ wo bo ase, Awurade, enkosi da bɛn?
Hu wʼasomfo mmɔbɔ.
14Ma wʼadɔe a ɛnsa da no mmee yɛn adekyee mu,
na yɛde anigye ato dwom adi ahurusi yɛn nna nyinaa mu.
15Ma yɛn ani nnye nna bebree sɛ nna dodow a wode yɛn kɔɔ amanehunu mu no,
sɛ mfirihyia dodow a yehuu ateetee no.
16Ma wʼasomfo nhu wo nneyɛe
na wɔn mma nhu wʼanuonyam.
17Ma Awurade yɛn Nyankopɔn adom no ntena yɛn so;
na yɛn nsa ano adwuma nyɛ yiye mma yɛn;
yiw, ma yɛn nsa ano adwuma nyɛ yiye.
Book IV
Psalms 90–106
Psalm 90
A prayer of Moses, the man of God.
1Lord, from the very beginning
you have been like a home to us.
2Before you created the whole world and the mountains were made,
from the beginning to the end you are God.
3You turn human beings back to dust.
You say to them, “Return to dust.”
4To you a thousand years
are like a day that has just gone by.
They are like a few hours of the night.
5Yet you sweep people away, and they die.
They are like new grass that grows in the morning.
6In the morning it springs up new,
but by evening it’s all dried up.
7Your anger destroys us.
Your burning anger terrifies us.
8You have put our sins right in front of you.
You have placed our secret sins where you can see them clearly.
9You have been angry with us all of our days.
We groan as we come to the end of our lives.
10We live to be about 70.
Or we may live to be 80, if we stay healthy.
But even our best days are filled with trouble and sorrow.
The years quickly pass, and we are gone.
11If only we knew the power of your anger!
It’s as great as the respect we should have for you.
12Teach us to realize how short our lives are.
Then our hearts will become wise.
13Lord, please stop punishing us!
How long will you keep it up?
Be kind to us.
14Satisfy us with your faithful love every morning.
Then we can sing for joy and be glad all our days.
15Make us glad for as many days as you have made us suffer.
Give us joy for as many years as we’ve had trouble.
16Show us your mighty acts.
Let our children see your glorious power.
17May the Lord our God always be pleased with us.
Lord, make what we do succeed.
Please make what we do succeed.
