Salmo 41:7-13 HLGN

Select book
Select chapter

Salmo 41:7-13

Ang tanan nga akig sa akon nagahutikay kontra sa akon,

kag nagahunahuna sila sing malain kontra sa akon.

Nagasiling sila, “May malala siya nga balatian,

gani indi na gid siya makabangon pa.”

Bisan ang suod ko nga abyan nga ginasaligan ko gid kag nagasalo sa akon sa pagkaon nagtraidor sa akon.

Pero ikaw, Ginoo, kaluoyi ako;

ayuha ako agod nga makabalos ako sa akon mga kaaway.

Dayon mahibaluan ko nga nalipay ka sa akon, kay wala makadaog ang akon mga kaaway sa akon.

Tungod kay wala ako sing may ginahimo nga malain, ginatipigan mo ang akon kabuhi sa wala sing katapusan.

Dalayawon ang Ginoo, ang Dios sang Israel, sa wala sing katapusan. Amen! Amen!

Read More of Salmo 41