อิสยาห์ 50 – TNCV & GKY

Mehia ma Isiraeli

150:1 Gũcook 24:1; Math 18:2550:1 Isa 46:3; Arom 9:30-31Jehova ekũũria atĩrĩ,

“Marũa marĩa maitũguo aaheirwo ma gũtigana nake,

o macio monanagia atĩ nĩndamũteire-rĩ, marĩ ha?

Kana nĩ mũndũ ũrĩkũ wa arĩa ndaarĩ thiirĩ nao ndakwendeirie?

Nĩ ũndũ wa mehia manyu-rĩ, nĩkĩo mwendirio;

nĩ ũndũ wa ũrĩa mwagararĩte watho,

nĩkĩo nyina wanyu aateirwo.

250:2 Ndar 11:23; Thaam 14:22Rĩrĩa ndokire-rĩ, nĩ kĩĩ gĩatũmire haage mũndũ o na ũmwe?

Ningĩ rĩrĩa ndetanire-rĩ, nĩ kĩĩ gĩatũmire haage mũndũ o na ũmwe wanjĩtĩkire?

Kaĩ guoko gwakwa gwakuhĩhĩte, nĩguo kũremwo nĩkũmũkũũra?

Nĩ hinya njagĩte wa kũmũhonokia?

Ikũũma rĩakwa riiki nĩrĩtũmaga iria rĩhũe,

o na ngatũma njũũĩ ituĩke werũ;

thamaki ciakuo ikabutha nĩ kwaga maaĩ,

na igakua nĩ nyoota.

350:3 Kũg 6:12; Thaam 10:22Niĩ humbaga igũrũ nguo ya nduma,

na ngarĩkunĩkĩra na nguo ya ikũnia.”

4Mwathani Jehova nĩaahete rũrĩmĩ rwa andũ arĩa marutĩtwo maũndũ,

nĩguo menyage ũrĩa ciugo ciakwa ingĩhota gũteithia andũ arĩa anogu.

Anjarahũraga rũciinĩ o rũciinĩ,

akaarahũra matũ makwa thikĩrĩrie nĩguo ndĩĩrute ta andũ arĩa marutagwo maũndũ.

550:5 Math 26:39; Joh 14:31Mwathani Jehova nĩahingũrĩte matũ makwa,

na niĩ ndirĩ ndamũremera;

ndicookete na thuutha.

650:6 Luk 22:63; Math 26:67Ndaneanire mũgongo wakwa kũrĩ andũ arĩa maahũũraga,

kĩreru gĩakwa ngĩkĩnengera arĩa maangũũraga nderu;

ndiahithire ũthiũ wakwa atĩ nĩguo ndikanyũrũrio,

kana ndige gũtuĩrwo mata.

750:7 Ezek 3:8-9Tondũ Mwathani Jehova nĩwe ũndeithagia-rĩ,

ndirĩ hĩndĩ ngaaconorithio.

Nĩ ũndũ ũcio ndũmĩte ũthiũ wakwa ũikare ũũmĩte o ta ihiga rĩa nyaigĩ,

na nĩnjũũĩ ndirĩ hĩndĩ ngaaconorithio.

850:8 Ayub 13:19; Arom 8:32-34Ningĩ ũrĩa ũnduuaga mũthingu arĩ hakuhĩ.

Nũũ ũngĩgĩĩthitanga?

Nĩoke tũrũgamane nake!

Ningĩ ũrĩa ũngĩnjiirithia akĩrĩ we ũ?

Mũndũ ũcio nĩarekwo akĩĩngʼethere!

950:9 Isa 41:10; Ayub 13:28Atĩrĩrĩ, Mwathani Jehova nĩwe ũndeithagia.

Ũrĩa ũngĩndua mwĩhia akĩrĩ ũũ?

Andũ acio othe magaathira o ta ũrĩa nguo ĩthiraga;

makaarĩĩo nĩ memenyi, mathire biũ.

1050:10 Thim 1:7; Atũm 26:18Nũũ thĩinĩ wanyu wĩtigĩrĩte Jehova,

na wathĩkagĩra kiugo kĩa ndungata yake?

Mũndũ ũrĩa ũthiiagĩra nduma-inĩ,

ũrĩa ũtarĩ na ũtheri,

nĩakĩĩhoke rĩĩtwa rĩa Jehova,

na egiritanie na Ngai wake.

1150:11 Isa 65:13-15; Thim 26:27No rĩrĩ, rĩu inyuĩ arĩa othe mwakagia mwaki,

na mũkeehe imũrĩ igwakana-rĩ,

thiĩi, mũgerere ũtheri-inĩ wa mwaki wanyu,

na wa imũrĩ cia mwaki ũrĩa mũgwatĩtie.

Ũndũ ũyũ nĩguo mũkaamũkĩra kuuma guoko-inĩ gwakwa:

Mũgaakoma thĩ na mĩnyamaro.