Psalm 66
For the director of music. A song. A psalm.
1Shout for joy to God, all the earth!
2Sing the glory of his name;
make his praise glorious.
3Say to God, “How awesome are your deeds!
So great is your power
that your enemies cringe before you.
4All the earth bows down to you;
they sing praise to you,
they sing the praises of your name.”66:4 The Hebrew has Selah (a word of uncertain meaning) here and at the end of verses 7 and 15.
5Come and see what God has done,
his awesome deeds for mankind!
6He turned the sea into dry land,
they passed through the waters on foot—
come, let us rejoice in him.
7He rules forever by his power,
his eyes watch the nations—
let not the rebellious rise up against him.
8Praise our God, all peoples,
let the sound of his praise be heard;
9he has preserved our lives
and kept our feet from slipping.
10For you, God, tested us;
you refined us like silver.
11You brought us into prison
and laid burdens on our backs.
12You let people ride over our heads;
we went through fire and water,
but you brought us to a place of abundance.
13I will come to your temple with burnt offerings
and fulfill my vows to you—
14vows my lips promised and my mouth spoke
when I was in trouble.
15I will sacrifice fat animals to you
and an offering of rams;
I will offer bulls and goats.
16Come and hear, all you who fear God;
let me tell you what he has done for me.
17I cried out to him with my mouth;
his praise was on my tongue.
18If I had cherished sin in my heart,
the Lord would not have listened;
19but God has surely listened
and has heard my prayer.
20Praise be to God,
who has not rejected my prayer
or withheld his love from me!
Salimo 66
Kwa mtsogoleri wa mayimbidwe. Salimo.
1Fuwulani kwa Mulungu ndi chimwemwe, dziko lonse lapansi!
2Imbani ulemerero wa dzina lake;
kumutamanda kwake kukhale kwaulemerero.
3Nenani kwa Mulungu, “Ntchito zanu ndi zoopsa ndithu!
Mphamvu yanu ndi yayikulu kwambiri
kotero kuti adani anu amawerama pamaso panu.
4Dziko lonse lapansi limaweramira inu;
limayimba matamando kwa Inu;
limayimba matamando pa dzina lanu.”
Sela.
5Bwerani mudzaone zimene Mulungu wachita,
ntchito zanu ndi zoopsa ndithu pakati pa anthu.
6Iye anasandutsa nyanja kukhala malo owuma,
iwo anawoloka pa madzi ndi mapazi.
Bwerani, tiyeni tikondwere mwa Iye.
7Iye amalamulira ndi mphamvu zake mpaka muyaya,
maso ake amayangʼanira anthu a mitundu ina.
Anthu owukira asadzitukumule.
8Tamandani Mulungu wathu, inu mitundu ya anthu,
mulole kuti mawu a matamando ake amveke;
9Iye watchinjiriza miyoyo yathu
ndi kusunga mapazi athu kuti angaterereke.
10Pakuti Inu Mulungu munatiyesa;
munatiyenga ngati siliva.
11Inu mwatilowetsa mʼndende
ndi kutisenzetsa zolemera pa misana yathu.
12Inu munalola kuti anthu akwere pa mitu yathu;
ife tinadutsa mʼmoto ndi mʼmadzi,
koma Inu munatibweretsa ku malo a zinthu zochuluka.
13Ine ndidzabwera ku Nyumba yanu ndi nsembe zopsereza
ndi kukwaniritsa malumbiro anga.
14Malumbiro amene milomo yanga inalonjeza
ndi pakamwa panga panayankhula pamene ndinali pa mavuto.
15Ndidzapereka nsembe nyama zonenepa kwa Inu
ndi chopereka cha nkhosa zazimuna;
ndidzapereka ngʼombe zamphongo ndi mbuzi.
Sela
16Bwerani ndipo mudzamve inu nonse amene mumaopa Mulungu.
Ndidzakuwuzani zimene Iyeyo wandichitira.
17Ndinafuwula kwa Iye ndi pakamwa panga,
matamando ake anali pa lilime panga.
18Ndikanasekerera tchimo mu mtima mwanga
Ambuye sakanamvera;
19koma ndithu Mulungu wamvetsera
ndipo watchera khutu ku mawu a kupempha kwanga.
20Matamando akhale kwa Mulungu
amene sanakane pemphero langa
kapena kuletsa chikondi chake pa ine!
