Yeremia 13 – NEN & KSS

Mkanda Wa Kitani

1Hili ndilo Bwana aliloniambia: “Nenda ununue mkanda wa kitani, ujivike kiunoni mwako, lakini usiuache uguse maji.” 2Kwa hiyo nikanunua mkanda, kama Bwana alivyoniagiza, nikajivika kiunoni.

313:3 Yer 33:1Ndipo neno la Bwana likanijia kwa mara ya pili: 413:4 Mwa 2:14“Chukua mkanda ulionunua ambao umeuvaa kiunoni mwako, uende sasa Frati uufiche ndani ya ufa mdogo kwenye mwamba.” 513:5 Kut 40:16Ndipo nikaenda na kuuficha ule mkanda huko Frati, kama Bwana alivyoniamuru.

6Baada ya siku nyingi Bwana akaniambia, “Nenda sasa Frati ukauchukue ule mkanda niliokuambia uufiche huko.” 713:7 Isa 64:6; Yer 24:8; Mao 3:45Hivyo nikaenda Frati na kuuchimbua ule mkanda kutoka pale nilipokuwa nimeuficha, lakini sasa ulikuwa umeharibika na haufai tena kabisa.

8Ndipo neno la Bwana likanijia: 913:9 Law 26:19; Mt 23:12; Lk 1:51“Hili ndilo Bwana asemalo: ‘Vivyo hivyo ndivyo nitakavyokiharibu kiburi cha Yuda na kiburi kikuu cha Yerusalemu. 1013:10 Mhu 9:3; Yer 16:12; Kum 8:19; 9:14; 22:21; 3:17; Amu 10:13; Eze 15:3Watu hawa waovu, wanaokataa kusikiliza maneno yangu, wafuatao ukaidi wa mioyo yao na kufuata miungu mingine kuitumikia na kuiabudu, watakuwa kama mkanda huu ambao haufai kabisa! 1113:11 Kut 19:5-6; Isa 63:12; 43:21; 65:12; Yer 33:9; 7:26; 32:20Kwa maana kama vile mkanda ufungwavyo kiunoni mwa mtu, ndivyo nilivyojifunga nyumba yote ya Israeli na nyumba yote ya Yuda,’ asema Bwana, ‘ili wawe watu wangu kwa ajili ya utukufu wangu, sifa na heshima yangu. Lakini hawajasikiliza.’

Viriba Vya Mvinyo

12“Waambie: ‘Hili ndilo Bwana, Mungu wa Israeli, asemalo: kila kiriba inapasa kijazwe mvinyo.’ Kama wao wakikuambia, ‘Kwani hatujui kwamba kila kiriba inapasa kijazwe mvinyo?’ 1313:13 Za 60:3; Isa 29:9; Eze 23:32-34; Za 75:8; Yer 25:18; 51:57Kisha uwaambie, ‘Hili ndilo asemalo Bwana: nitawajaza ulevi wote waishio katika nchi hii, pamoja na wafalme waketio juu ya kiti cha enzi cha Daudi, makuhani, manabii na wale wote waishio Yerusalemu. 1413:14 Isa 9:17; Yer 16:5; Isa 9:19-21; Mao 2:21; Eze 7:4; Zek 11:6Nitawagonganisha kila mmoja na mwenzake, baba na wana wao, asema Bwana. Sitawarehemu wala kuwahurumia ili niache kuwaangamiza.’ ”

Tishio La Kutekwa

15Sikieni na mzingatie,

msiwe na kiburi,

kwa kuwa Bwana amenena.

1613:16 Yos 7:19; Law 26:37; 1Sam 2:9; Isa 59:9; Yer 23:12; Za 82:5Mpeni utukufu Bwana Mungu wenu,

kabla hajaleta giza,

kabla miguu yenu haijajikwaa

juu ya vilima vitakavyotiwa giza.

Mlitarajia nuru,

lakini ataifanya kuwa giza nene

na kuibadili kuwa huzuni kubwa.

1713:17 Yer 14:18; Mal 2:2; Za 80:1; Yer 29:1Lakini kama hamtasikiliza,

nitalia sirini

kwa ajili ya kiburi chenu;

macho yangu yatalia kwa uchungu,

yakitiririka machozi,

kwa sababu kundi la kondoo la Bwana

litachukuliwa mateka.

1813:18 Yer 21:11; Mao 5:16; 2Fal 24:18; 2:19; Eze 16:12Mwambie mfalme na mamaye,

“Shukeni kutoka kwenye viti vyenu vya enzi,

kwa kuwa taji zenu za utukufu

zitaanguka kutoka vichwani mwenu.”

1913:19 Yer 52:30; Law 26:31; Yer 20:4Miji iliyoko Negebu itafungwa,

wala hapatakuwa na mtu wa kuifungua.

Watu wa Yuda wote watapelekwa uhamishoni,

wakichukuliwa kabisa waende mbali.

2013:20 Yer 6:22; 23:2; Hab 1:6Inua macho yako uone

wale wanaokuja kutoka kaskazini.

Liko wapi lile kundi ulilokabidhiwa,

kondoo wale uliojivunia?

2113:21 Za 41:9; Oba 1:7; Yer 4:30; 20:10; 38:22; 4:31Utasema nini Bwana atakapowaweka juu yako

wale ulioungana nao kama marafiki wako maalum?

Je, hutapatwa na utungu kama mwanamke

aliye katika utungu wa kuzaa?

2213:22 Yer 9:2-6; 16:10-12; Nah 3:5-6; 1Fal 9:9; Isa 20:4; Eze 16:37; 23:26Nawe kama ukijiuliza,

“Kwa nini haya yamenitokea?”

Ni kwa sababu ya dhambi zako nyingi

ndipo marinda yako yameraruliwa

na mwili wako umetendewa vibaya.

23Je, Mkushi aweza kubadili ngozi yake

au chui kubadili madoadoa yake?

Vivyo hivyo nawe huwezi kufanya mema

wewe uliyezoea kutenda mabaya.

2413:24 Ay 27:21; 1:19; Law 26:33“Nitawatawanya kama makapi

yapeperushwayo na upepo wa jangwani.

2513:25 Ay 20:29; Mt 24:51; Mik 3:11; Isa 17:10; Za 106:19-21Hii ndiyo kura yako,

fungu nililokuamuria,”

asema Bwana,

“kwa sababu umenisahau mimi

na kuamini miungu ya uongo.

2613:26 Mao 1:6-8; Hos 2:10; Eze 16:37; Nah 3:5Nitayafunua marinda yako mpaka juu ya uso wako

ili aibu yako ionekane:

2713:27 Yer 2:20; Eze 23:29; 6:13; Hos 8:5; Isa 57:7uzinzi wako na kulia kwako kama farasi kulikojaa tamaa,

ukahaba wako usio na aibu!

Nimeyaona matendo yako ya machukizo

juu ya vilima na mashambani.

Ole wako, ee Yerusalemu!

Utaendelea kuwa najisi mpaka lini?”