Jahua pachamantaca ishqui huillajcunami shamushca
1Chai qʼuipaca, medina vara shina carrizota ñucaman cushpami, cashna nirca: «Jatari, Diospaj huasitapish, altartapish medigri. Chai huasipi Diosta adoracujcunatapish yupagri. 2Ashtahuanpish Diospaj huasi canllataca, ama medishpa, saquinguilla. Chaica, mana israelcunaman cushcami. Paicunami, Diospajlla caj pueblotaca, chuscu chunga ishqui quillata sarushpa charingacuna. 3Cutin ñucaca, ñucamanta huillaj ishqui runacunatami, chaipi huillachun cachasha. Paicunami, llaqui churanacunata churarishca, 1.260 punllacunacama ñucamanta huillangacuna.»
4Chai ishqui huillajcunaca, cai pachata ricucuj Taita Diospaj ñaupajpi shayacuj ishqui olivos yuracunapish, ishqui candelerocunapishmi. 5Paicunata maijan imata rurasha nijpica, shimimanta ninata llujshichishpami, paicunata pʼiñajcunataca rupachishpa tucuchinga. Maijanpish paicunata imata rurasha nijca, chashnallatajmi huañuna can. 6Chai huillajcunaca, Dios ima nishcata paicuna huillacui punllacunapi ama tamyachun, jahua pachatapish huichcai tucunmi, yacucunatapish yahuarman tigrachi tucunmi. Cai pachatapish paicuna mashna cutin llaquichisha nishpapish, shujtaj shujtaj llaquicunahuan llaquichi tucunmi.
7Huillanata paicuna ña tucuchijpica, manchanana jatun animalmi jatun jutcumanta llujshimushpa, paicunahuan macanacunga. Pai mishashpami, chai ishqui huillajcunataca huañuchinga. 8Chai ishqui huillajpaj huañushca aichacunaca, jatun pueblo plazapimi siricunga. Apunchij Jesustaca, chai pueblollapitajmi chacatashca carca. Chai jatun puebloca, ima cashcata yuyachingapaj Sodoma shutihuanpish, Egipto shutihuanpish rijsishca pueblomi. 9Paicunata huañuchishpaca, mana pambachun saquingacunachu. Quimsa punlla chaupi punllacamami, chaipica siricungacuna. Chaimantami paicunapaj aichacunataca, chʼican, chʼican gentecunapish, chʼican chʼican aillucunapish, chʼican chʼican rimaita rimajcunapish, tucui llajtacunapi causacujcunapish ricuracungacuna. 10Dios ima nishcata huillaj chai ishqui runacunaca cai pachapi causacujcunataca, jatun llaquicunahuanmi llaquichishca carca. Chaimantami paicunata huañuchishcata ricushpaca, cai pachapi causacujcunaca, jatunta cushicungacuna. Caishujman chaishujman imatapish carachun cachangacunami.
11Chashna cajpipish, quimsa punlla chaupi punlla qʼuipaca, Taita Diosmi causaita cuj espirituta cacharca. Chai espíritu paicunapi yaicujpimi, causarishpa shayarircacuna. Chaita ricujcunataca, tucuicunatami jatun manchai japirca. 12Paicunaca: «Caiman huichiyamuichij» nishpa, jahua pachamanta sinchita caparishcatami uyarcacuna. Caparijta uyaihuanmi, pʼuyupi jahua pachaman huichiyarcacuna. Chaitaca, paicunata pʼiñajcunapish ricurcacunami.
13Chai horasllatajmi, jatun allpa chujchui jatarijpi, chai pueblo huasicunaca, chungapi chaupishca shuj parte huasicuna urmarca. Chaimantami 7.000 huañurca. Chaipi mana huañujcunaca, manchaihuan chujchushpami, jahua pacha Taita Diostaca sumajyachircacuna.
14Caihuanmi, puntapaj cati ‘¡Ai!’ nishca llaquica tucurin. Ñallami ishquipaj cati ‘¡Ai!’ nishca llaquicunapish shamugrin.
Sujtapaj cati angelmi trompetapi tocashca
15Sujtapaj cati angelpish trompetapi tocajpica, jahua pachapimi cashna nishpa sinchita caparishca uyarirca:
«Cunantajca, tucui allpa pacha llajtacunaca,
ñami ñucanchijta Mandaj Diospajpish, Paipaj Cristopajpish tucushca.
Cunanmantaca, Paimari huiñai huiñaita mandanga» nircacunami.
16Shina nijpica, Taita Diospaj ñaupajpi paicunapaj tiyarinapi tiyacuj ishqui chunga chuscu yuyajcunaca pambacama cumurishpami, Taita Diostaca adorarcacuna.
17Cashnami nircacuna:
«Tucuita Rurai Tucuj Mandaj Dioslla,
Quiquintami pagui nipanchij.
Quiquinca cunanpish, sarunpish Quiquinllatajmi cangui.
Quiquinllatajmi catingui.
Cunatajca, tucuita mandanata callarishcanguitajmari.
18Tucui llajtacunapi causajcuna pʼiñarishpa jatarijpimi,
Quiquinca pʼiñarishpa llaquichina tucushcangui.
Huañushcacunatapish paicuna imalla rurashcata
Quiquin ricuchina punllami chayamushca.
Shinallataj Quiquinta servij, Quiquin ima nishcata huillajcunamanpish,
Quiquinta manchaj, Quiquinpajlla causaj uchillacunaman,
jatuncunamanpish, allita cuna punllamari chayamushca.
Cai pachata tucuchijcunata chingachinapish,
ñamari chayamushca» nircacunami.
19Chai qʼuipami, jahua pachapica Diospaj huasi pascarirca. Chai ucupica, Dios-huan ari ninacushca quillcata huaquichishca Cajonmi ricurirca. Chai ricuricujpica, manchanayajtami relamparca, huajyarca, cʼulun nirca, allpapish chujchurca, jatun rundupishmi urmarca.
The Two Witnesses
1I was given a long stick that looked like a measuring rod. I was told, “Go and measure the temple of God. And measure the altar where the people are worshiping. 2But do not measure the outer courtyard. That’s because it has been given to the Gentiles. They will take over the holy city for 42 months. 3I will appoint my two witnesses. And they will prophesy for 1,260 days. They will be dressed in the rough clothes people wear when they’re sad.” 4The witnesses are “the two olive trees” and the two lampstands. And “they stand in front of the Lord of the earth.” (Zechariah 4:3,11,14) 5If anyone tries to harm them, fire comes from their mouths and eats up their enemies. This is how anyone who wants to harm them must die. 6These witnesses have power to close up the sky. Then it will not rain while they are prophesying. They also have power to turn the waters into blood. And they can strike the earth with every kind of plague. They can do this as often as they want to.
7When they have finished speaking, the beast that comes up from the Abyss will attack them. He will overpower them and kill them. 8Their bodies will lie in the main street of the great city. It is also the city where their Lord was nailed to a cross. The city is sometimes compared to Sodom or Egypt. 9For three and a half days, people will stare at their bodies. These people will be from every tribe and nation, no matter what language they speak. They will refuse to bury them. 10Those who live on the earth will be happy about this. That’s because those two prophets had made them suffer. The people will celebrate by sending one another gifts.
11But after the three and a half days, the breath of life from God entered the witnesses. They both stood up. Terror struck those who saw them. 12Then the two witnesses heard a loud voice from heaven. It said to them, “Come up here.” They went up to heaven in a cloud. Their enemies watched it happen.
13At that same time there was a powerful earthquake. A tenth of the city crumbled and fell. In the earthquake, 7,000 people were killed. Those who lived through it were terrified. They gave glory to the God of heaven.
14The second terrible judgment has passed. The third is coming soon.
The Seventh Trumpet
15The seventh angel blew his trumpet. There were loud voices in heaven. They said,
“The kingdom of the world has become
the kingdom of our Lord and of his Messiah.
He will rule for ever and ever.”
16The 24 elders were sitting on their thrones in front of God. They fell on their faces and worshiped God. 17They said,
“Lord God who rules over all, we give thanks to you.
You are the God who is and who was.
We give you thanks.
That’s because you have begun to rule with your great power.
18The nations were angry,
and the time for your anger has come.
The time has come to judge the dead.
It is time to reward your servants the prophets
and your people who honor you.
There is a reward for all your people,
both great and small.
It is time to destroy those who destroy the earth.”
19Then God’s temple in heaven was opened. Inside it the wooden chest called the ark of his covenant could be seen. There were flashes of lightning, rumblings and thunder, an earthquake and a severe hailstorm.
