EKITABO III
Zabbuli 73–89
Zabbuli 73
Zabbuli ya Asafu.
173:1 Mat 5:8Ddala Katonda mulungi eri Isirayiri
n’eri abo abalina omutima omulongoofu.
2Naye nze amagulu gange gaali kumpi okutagala
era n’ebigere byange okuseerera.
373:3 a Zab 37:1; Nge 23:17 b Yob 21:7; Yer 12:1Kubanga nakwatirwa ab’amalala obuggya;
bwe nalaba ababi nga bagaggawala nnyo.
4Kubanga tebalina kibaluma;
emibiri gyabwe miramu era minyirivu.
573:5 Yob 21:9Tebeeraliikirira kabi konna ng’abalala.
So tebalina kibabonyaabonya.
673:6 a Lub 41:42 b Zab 109:18Amalala kyegavudde gabafuukira ng’omukuufu ogw’omu bulago,
n’obukambwe ne bubafuukira ekyambalo.
773:7 Zab 17:10Bagezze n’amaaso gaabwe ne gazimbagatana;
balina bingi okusinga bye beetaaga.
873:8 Zab 17:10; Yud 16Baduula era emboozi zaabwe zijjudde eby’okujooga.
Batiisatiisa abalala n’okubeeragirako.
9Emimwa gyabwe gyolekedde eggulu;
n’ennimi zaabwe zoogera eby’okwewaanawaana buli wantu.
10Abantu ba Katonda kyebava babakyukira
ne banywa amazzi mangi.
11Era ne beebuuza nti, “Katonda bino abimanyi atya?
Ali Waggulu Ennyo abitegeera?”
1273:12 Zab 49:6Aboonoonyi bwe bafaanana bwe batyo;
bulijjo babeera mu ddembe, nga beeyongera kugaggawala.
1373:13 a Yob 21:15; 34:9 b Zab 26:6Ddala omutima gwange ngukuumidde bwereere obutayonoona,
n’engalo zange ne nzinaaba obutaba na musango.
14Naye mbonaabona obudde okuziba,
era buli nkya mbonerezebwa.
15Singa ŋŋamba nti njogere bwe nti,
nandibadde mukuusa eri omulembe guno ogw’abaana bo.
1673:16 Mub 8:17Bwe nafumiitiriza ntegeere ensonga eyo;
nakisanga nga kizibu nnyo,
1773:17 a Zab 77:13 b Zab 37:38okutuusa lwe nalaga mu watukuvu wa Katonda,
ne ntegeera enkomerero y’ababi.
1873:18 Zab 35:6Ddala obatadde mu bifo ebiseerera;
obasudde n’obafaafaaganya.
1973:19 Is 47:11Nga bazikirizibwa mangu nga kutemya kikowe!
Entiisa n’ebamalirawo ddala!
2073:20 a Yob 20:8 b Zab 78:65Bali ng’omuntu azuukuse n’ategeera nti yaloose buloosi;
era naawe bw’otyo, Ayi Mukama,
bw’oligolokoka olinyooma embeera yaabwe omutali nsa.
21Omutima gwange bwe gwanyiikaala,
n’omwoyo gwange ne gujjula obubalagaze,
2273:22 a Zab 49:10; 92:6 b Mub 3:18n’aggwaamu okutegeera ne nfuuka ataliiko kye mmanyi,
ne mba ng’ensolo obusolo mu maaso go.
23Newaakubadde ebyo biri bwe bityo naye ndi naawe bulijjo;
gw’onkwata ku mukono gwange ogwa ddyo.
2473:24 a Zab 48:14 b Zab 32:8Mu kuteesa kwo onkulembera,
era olintuusa mu kitiibwa.
2573:25 Baf 3:8Ani gwe nnina mu ggulu, wabula ggwe?
Era tewali na kimu ku nsi kye neetaaga bwe mba naawe.
2673:26 a Zab 84:2 b Zab 40:12Omubiri gwange n’omutima gwange biyinza okulemwa;
naye Katonda ge maanyi g’omutima gwange,
era ye wange ennaku zonna.
2773:27 Zab 119:155Kale laba, abo bonna abatakussaako mwoyo balizikirira;
kubanga bonna abatakwesiga obamalirawo ddala.
2873:28 a Beb 10:22; Yak 4:8 b Zab 40:5Naye nze kye nsinga okwetaaga kwe kubeera okumpi ne Katonda wange.
Ayi Mukama Katonda, nkufudde ekiddukiro kyange;
ndyoke ntegeezenga abantu bonna ebikolwa byo eby’ekyewuunyo.
