Zabbuli 25
Zabbuli ya Dawudi.
125:1 Zab 86:4Eri ggwe, Ayi Mukama,
gye ndeeta okusaba kwange.
225:2 Zab 41:11Neesiga ggwe, Ayi Mukama, tondeka kuswala mu maaso g’abalabe bange. Tobaganya kumpangula.
325:3 Is 49:23Ddala ddala abakwesiga tebaajulirirenga,
naye ab’enkwe baliswazibwa.
425:4 Kuv 33:13Njigiriza nga bwe nnaakolanga, Ayi Mukama,
ondage amakubo go mwe nnaatambuliranga.
5Onjigirizenga okunywerera ku mazima go, era onkulemberenga mu byonna;
kubanga ggwe Katonda, ow’obulokozi bwange
era essuubi lyange liri mu ggwe olunaku lwonna.
625:6 Zab 103:17; Is 63:7, 15Jjukira, Ayi Mukama, okusaasira kwo okunene, n’okwagala kwo okungi,
kubanga byava dda.
725:7 a Yob 13:26; Yer 3:25 b Zab 51:1Tojjukira bibi byange
n’obujeemu bwange eby’omu buvubuka bwange.
Onzijukire, Ayi Mukama,
ng’okwagala kwo gye ndi bwe kuli, kubanga oli mulungi.
825:8 a Zab 92:15 b Zab 32:8Mukama mulungi, era wa mazima,
noolwekyo ayigiriza aboonoonyi ekkubo lye.
925:9 a Zab 23:3 b Zab 27:11Abawombeefu abaluŋŋamya mu kkubo ettuufu
n’abayigiriza ekkubo lye.
1025:10 a Zab 40:11 b Zab 103:18Amakubo ga Mukama gonna gajjudde okwagala n’amazima
eri abo abagondera endagaano ye n’ebiragiro bye.
1125:11 Zab 31:3; 79:9Olw’erinnya lyo, Ayi Mukama,
onsonyiwe ebibi byange, kubanga bingi.
1225:12 Zab 37:23Omuntu wa ngeri ki atya Katonda?
Oyo gw’anaayigirizanga okukwata ekkubo lye yamulondera.
1325:13 a Nge 19:23 b Zab 37:11Obulamu bwe bunajjuzibwanga emikisa gya Katonda,
era bazzukulu be ensi eriba yaabwe.
1425:14 a Nge 3:32 b Yk 7:17Mikwano gya Mukama be bo abamugondera;
anaababikkuliranga ekyama eky’endagaano ye.
1525:15 Zab 141:8Ntunuulira Mukama buli kiseera,
kubanga yekka y’anzigya mu kabi.
1625:16 Zab 69:16Nkyukira, Ayi Mukama, onkwatirwe ekisa,
kubanga nsigadde bw’omu, era ndi munafu.
1725:17 Zab 107:6Obuyinike bweyongedde mu mutima gwange;
mponya okweraliikirira kwange.
1825:18 2Sa 16:12Tunuulira ennaku endiko, weetegereze obulumi bwange;
onzigyeko ebibi byange byonna.
1925:19 Zab 3:1Laba abalabe bange nga bwe beeyongedde obungi
n’okunkyawa kwe bankyawamu!
2025:20 Zab 86:2Labiriranga obulamu bwange, obamponye;
tondekanga mu buswavu,
kubanga ggwe kiddukiro kyange.
2125:21 Zab 41:12Amazima n’obulongoofu bindabirirenga,
essubi lyange liri mu ggwe.
2225:22 Zab 130:8Nunula Isirayiri, Ayi Katonda,
omuwonye emitawaana gye gyonna.