115:1 Nge 25:15Okuddamu n’eggonjebwa kumalawo ekiruyi,
naye ekigambo eky’obukambwe kisaanuula obusungu.
215:2 Nge 12:23Olulimi lw’omugezi lwogera by’amagezi,
naye akamwa k’abasirusiru kafukumula busirusiru bwereere.
315:3 a 2By 16:9 b Yob 31:4; Beb 4:13 c Yob 34:21; Yer 16:17Amaaso ga Mukama galaba buli wantu,
alaba abatuukirivu n’abakozi b’ebibi.
4Olulimi oluzimba muti gwa bulamu,
naye olulimi olulimba lubetenta omutima.
515:5 Nge 13:1Omusirusiru anyooma okubuulirirwa kwa kitaawe,
naye omutegeevu assaayo omwoyo eri okunenyezebwa.
615:6 Nge 8:21Mu nnyumba y’omutuukirivu mubaamu obugagga bungi,
naye omukozi w’ebibi by’afuna, bimuleetera emitawaana.
7Akamwa k’amagezi kabunyisa okumanya,
naye omutima gw’abasirusiru si bwe gukola.
815:8 a Nge 21:27; Is 1:11; Yer 6:20 b nny 29Ssaddaaka y’aboonoonyi ya muzizo eri Mukama,
naye okusaba kw’abalongoofu lye ssanyu lye.
915:9 Nge 21:21; 1Ti 6:11Ekkubo ly’omwonoonyi lya muzizo eri Mukama,
naye Mukama ayagala oyo anoonya obutuukirivu.
1015:10 Nge 1:31-32; 5:12Oyo aleka ekkubo ettuufu alikangavvulwa n’amaanyi,
n’oyo akyawa okunenyezebwa alifa.
1115:11 a Yob 26:6; Zab 139:8 b 2By 6:30; Zab 44:21Okufa n’okuzikirira biri mu maaso ga Mukama,
n’okulaba alaba nnyo emitima gy’abaana b’abantu!
1215:12 Am 5:10Omunyoomi tayagala kunenyezebwa,
era teeyeebuuza ku b’amagezi.
1315:13 Nge 12:25; 17:22; 18:14Omutima omusanyufu guleeta essanyu ku maaso,
naye omutima omunyiikaavu gunafuya emmeeme.
1415:14 Nge 18:15Omutima omutegeevu gunoonya okumanya,
naye akamwa k’abasirusiru kalya busirusiru.
1515:15 nny 13Omuntu bw’aba omunyiikaavu, buli kimu kimwononekera,
naye omutima omusanyufu gujaguza buli kaseera.
1615:16 Zab 37:16-17; Nge 16:8; 1Ti 6:6Okuba n’akatono ng’otya Mukama,
kusinga okuba n’ebingi naye ng’oli mu mitawaana.
1715:17 Nge 17:1Okulya emmere ng’eriko enva endiirwa awali okwagalana,
kisinga okuliirako ebyassava awali obukyayi.
1815:18 a Nge 26:21 b Lub 13:8Omuntu asunguwala amangu asaanuula oluyombo,
naye omugumiikiriza akakkanya embeera.
1915:19 Nge 22:5Ekkubo ly’omugayaavu lijjula amaggwa,
naye ekkubo ly’omutuukirivu golokofu.
2015:20 Nge 10:1Omwana omugezi asanyusa kitaawe,
naye omuntu omusirusiru anyooma nnyina.
2115:21 Nge 10:23Obusirusiru ssanyu eri oyo atalina magezi,
naye omuntu ategeera atambulira mu kkubo eggolokofu.
2215:22 Nge 11:14Awatali kuluŋŋamizibwa entegeka zifa,
naye awali abawi b’amagezi abangi ziyitamu.
2315:23 a Nge 12:14 b Nge 25:11Okuddamu obulungi kisanyusa,
era kirungi ekigambo ekirungi okujjira mu kiseera ekituufu.
24Ekkubo ery’obulamu liyimusa omugezi,
ne limuziyiza okukka emagombe.
2515:25 a Nge 12:7 b Ma 19:14; Zab 68:5-6; Nge 23:10-11Mukama azikiriza ennyumba y’ab’amalala,
kyokka akuuma ensalo za nnamwandu.
2615:26 Nge 6:16Enkwe za muzizo eri Mukama,
naye ebigambo ebisaanidde, bimusanyusa.
2715:27 Kuv 23:8; Is 33:15Oyo anoonya okugaggawalira mu bukyamu aleetera ennyumba ye emitawaana,
naye oyo akyawa enguzi aliba mulamu.
2815:28 1Pe 3:15Omutima gw’omutuukirivu gufumiitiriza bye gunaayanukula,
naye akamwa k’omwonoonyi kafubutula ebitasaana.
2915:29 Zab 145:18-19Mukama ali wala n’aboonoonyi,
naye awulira okusaba kw’abatuukirivu.
30Amaaso agajjudde essanyu gasanyusa omutima,
n’amawulire amalungi galeetera amagumba obulamu.
3115:31 nny 5Oyo assaayo omwoyo eri okunenyezebwa okuleeta obulamu,
alituula wamu n’abagezi.
3215:32 Nge 1:7Agayaalirira okubuulirirwa yeerumya yekka,
naye oyo assaayo omwoyo eri okunenyezebwa afuna okutegeera.
3315:33 a Nge 1:7 b Nge 18:12Okutya Mukama kuyigiriza omuntu amagezi,
n’obwetoowaze kye kitiibwa ky’omuntu oyo.