Salmo 71
Isugid ang mga Ginhimo sang Dios Hasta San-o
1Ginoo, sa imo ako nagapangayo sang proteksyon.
Indi pag-itugot nga mahuy-an ako.
2Buligi ako kag luwasa tungod kay matarong ka.
Pamatii ako kag luwasa.
3Protektari ako kay pareho ka sa palalipdan nga bato;
sa imo ako permi magadangop.
Magsugo ka nga luwason ako, kay ikaw ang akon palalipdan nga bato kag mabakod nga palanaguan.
4O Dios ko, luwasa ako sa kamot sang malaot kag mapintas nga mga tawo.
5Kay ikaw ang akon paglaom, O Ginoong Dios.
Halin sang bata pa ako, nagasalig na ako sa imo.
6Halin sang akon pagkatawo nagasalig ako sa imo kag ginaprotektaran mo ako.71:6 ginaprotektaran mo ako: Amo ini sa Septuagint, pero sa Hebreo indi klaro.
Dayawon ko ikaw sa wala sing katapusan.
7Nangin halimbawa ang akon kabuhi sa madamo, tungod kay ikaw ang akon malig-on nga manugprotektar.
8Dayawon ko permi ang imo pagkagamhanan.
9Indi ako pagsikwaya kon tigulang na ako.
Indi ako pagpabay-i kon maluya na ako.
10Kay ang akon mga kaaway nagatipon kag nagaestoryahanay parte sa akon;
gusto nila ako nga patyon.
11Nagasiling sila, “Ginpabay-an na siya sang Dios,
gani lagson ta siya kag dakpon
kay wala sing may magbulig sa iya.”
12O Dios ko, indi ka magpalayo sa akon;
buligi ako gilayon.
13Kabay pa nga ang mga nagaakusar sa akon mahuy-an kag malaglag.
Kabay pa nga ang gusto maghalit sa akon, mahuy-an kag yagutaon.
14Pero ako iya, O Dios, magalaom permi sa imo,
kag dugangan ko pa gid ang pagdayaw sa imo.
15Isugid ko permi ang imo matarong nga ginahimo nga amo ang pagluwas sa imo katawhan,
bisan indi ko ini matungkad.
16Magakadto ako sa imo templo, Ginoong Dios, kag magdayaw sa imo tungod sang imo gamhanan nga mga ginhimo.
Ibantala ko ang imo lamang pagkamatarong.
17O Dios, halin sang bata pa ako, gintudluan mo na ako parte sang imo makatilingala nga mga binuhatan,
kag hasta subong ginasugid ko ini.
18Kag bisan tigulang na ako kag ubanon, indi ako pagpabay-i, O Dios,
samtang ginabantala ko ang imo gahom kag kusog sa masunod nga henerasyon.
19Ang imo pagkamatarong, O Dios, indi matungkad.
Makatilingala ang imo mga ginhimo;
wala gid sing may pareho sa imo.
20Bisan ginapaeksperiensya mo ako sang madamo nga mga pag-antos, hatagan mo ako liwat sang bag-o nga kabuhi;
daw pareho ako sa patay nga buhion mo liwat.
21Himuon mo ako nga labi pa ka dungganon,
kag lipayon mo ako liwat.
22O Dios ko, tungod sang imo katutom dayawon ko ikaw paagi sa pagtukar sang arpa.
Kantahan ko ikaw sang mga pagdayaw nga ginatukaran sang arpa, O Balaan nga Dios sang Israel.
23Magahugyaw ako sa kalipay samtang nagakanta ako sang mga pagdayaw sa imo
tungod kay ginluwas mo ako.
24Isugid ko permi ang imo pagkamatarong,
kay ang mga gusto maghalit sa akon nahuy-an kag nagsalasala.
Psalm 71
1In you, Lord, I have taken refuge;
let me never be put to shame.
2In your righteousness, rescue me and deliver me;
turn your ear to me and save me.
3Be my rock of refuge,
to which I can always go;
give the command to save me,
for you are my rock and my fortress.
4Deliver me, my God, from the hand of the wicked,
from the grasp of those who are evil and cruel.
5For you have been my hope, Sovereign Lord,
my confidence since my youth.
6From my birth I have relied on you;
you brought me forth from my mother’s womb.
I will ever praise you.
7I have become a sign to many;
you are my strong refuge.
8My mouth is filled with your praise,
declaring your splendour all day long.
9Do not cast me away when I am old;
do not forsake me when my strength is gone.
10For my enemies speak against me;
those who wait to kill me conspire together.
11They say, ‘God has forsaken him;
pursue him and seize him,
for no-one will rescue him.’
12Do not be far from me, my God;
come quickly, God, to help me.
13May my accusers perish in shame;
may those who want to harm me
be covered with scorn and disgrace.
14As for me, I shall always have hope;
I will praise you more and more.
15My mouth will tell of your righteous deeds,
of your saving acts all day long –
though I know not how to relate them all.
16I will come and proclaim your mighty acts, Sovereign Lord;
I will proclaim your righteous deeds, yours alone.
17Since my youth, God, you have taught me,
and to this day I declare your marvellous deeds.
18Even when I am old and grey,
do not forsake me, my God,
till I declare your power to the next generation,
your mighty acts to all who are to come.
19Your righteousness, God, reaches to the heavens,
you who have done great things.
Who is like you, God?
20Though you have made me see troubles,
many and bitter,
you will restore my life again;
from the depths of the earth
you will again bring me up.
21You will increase my honour
and comfort me once more.
22I will praise you with the harp
for your faithfulness, my God;
I will sing praise to you with the lyre,
Holy One of Israel.
23My lips will shout for joy
when I sing praise to you –
I whom you have delivered.
24My tongue will tell of your righteous acts
all day long,
for those who wanted to harm me
have been put to shame and confusion.
