Ang Pulong Sang Dios

Isaias 11

Ang Malinong nga Ginharian

1Ang harianon nga mga kaliwat ni David[a] pareho sa kahoy nga gin-utod. Pero subong nga nagapanalingsing ang puno sang kahoy nga gin-utdan, magaabot man ang isa ka bag-o nga hari halin sa kaliwat ni David. Magagahom sa iya ang Espiritu sang Ginoo sa paghatag sa iya sang kaalam, pag-intiendi, abilidad sa pagplano, gahom, ihibalo, kag pagtahod sa Ginoo. Kag igakalipay niya ang pagtahod sa Ginoo. Indi siya maghukom suno lang sa iya nakita ukon sa mga sugid-sugid lang. Hatagan niya sang matarong nga paghukom ang mga imol kag apinan niya sila sa ila kinamatarong. Paagi sa iya pagmando, silutan niya ang kalibutan kag magakalamatay ang malaot nga mga tawo. Ara permi sa iya ang pagkamatarong kag pagkamasaligan[b] pareho sang wagkos ukon paha nga ginasuksok.

May kalinong sa iya nga paghari. Magapuyo ang mabangis nga ido[c] upod sa karnero. Magaluko ang leopardo upod sa kanding. Magaupod ang tinday sang baka kag ang bata sang leon, kag isa ka gamay nga bata ang magaatipan[d] sa ila. Magaupod kaon ang baka kag ang oso,[e] kag ang ila mga bata magaupdanay sa pagluko. Ang leon magaharab sang dagami pareho sa baka. Bisan maghampang ang lapsag malapit sa buho sang man-og nga dalitan, ukon bisan pa igulo sang bata ang iya kamot sa buho sang man-og, indi siya maano. Wala na sing may magpanghalit ukon magpangguba sa akon balaan nga bukid. Kay ang mga tawo sa kalibutan mapun-an sang ihibalo parte sa Ginoo, subong nga ang dagat puno sang tubig.

10 Magaabot ang adlaw nga ang bag-o nga hari nga kaliwat ni David[f] mangin pareho sa isa ka bandera nga tanda sa mga nasyon nga magtipon sila. Magatipon sila sa iya, kag mangin bantog ang iya ginaestaran. 11 Sa sina man nga adlaw, gamiton liwat sang Ginoo ang iya gahom sa pagpabalik sang mga nabilin niya nga katawhan sa Asiria, Egipto, Patros, Etiopia,[g] Elam, Babilonia, Hamat, kag sa mga isla.[h]

12 Bayawon sang Ginoo ang isa ka bandera sa pagpakita sa mga nasyon nga ginatipon na niya ang katawhan sang Israel kag Juda halin sa nagkalain-lain nga bahin sang kalibutan. 13 Madula na ang kahisa sang Israel sa Juda kag ang kainit sang Juda sa Israel. 14 Magaisa sila sa pagsalakay sa mga Filistinhon sa nakatundan. Salakayon man nila ang mga nasyon sa sidlangan kag panguhaon ang mga pagkabutang sini. Sakupon nila ang Edom kag Moab, kag ang mga Ammonhon magapasakop man sa ila. 15 Pamalahon sang Ginoo ang Dagat sang Egipto, kag padal-an niya sang mainit nga hangin ang Suba sang Eufrates agod mahimo na lang ini nga pito ka magagmay nga mga ililigan sang tubig nga puwede matabok sang tawo nga ginaubog lang. 16 Subong nga may malapad nga dalan nga gin-agyan ang katawhan sang Israel sang paghalin nila sa Egipto, may malapad man nga dalan para sa mga nabilin niya nga katawhan sa Asiria.

Notas al pie

  1. 11:1 David: sa Hebreo, Jesse, nga amo ang amay ni David.
  2. 11:5 pagkamasaligan: ukon, pagkamatutom.
  3. 11:6 mabangis nga ido: sa English, wolf.
  4. 11:6 magaatipan: ukon, magatuytoy.
  5. 11:7 oso: sa English, bear.
  6. 11:10 David: Tan-awa ang footnote sa bersikulo 1.
  7. 11:11 Etiopia: sa Hebreo, Cush.
  8. 11:11 isla: ukon, lugar nga malapit sa dagat; ukon, malayo nga lugar.

The Message

Isaiah 11

A Green Shoot from Jesse’s Stump

11-5 A green Shoot will sprout from Jesse’s stump,
    from his roots a budding Branch.
The life-giving Spirit of God will hover over him,
    the Spirit that brings wisdom and understanding,
The Spirit that gives direction and builds strength,
    the Spirit that instills knowledge and Fear-of-God.
Fear-of-God
    will be all his joy and delight.
He won’t judge by appearances,
    won’t decide on the basis of hearsay.
He’ll judge the needy by what is right,
    render decisions on earth’s poor with justice.
His words will bring everyone to awed attention.
    A mere breath from his lips will topple the wicked.
Each morning he’ll pull on sturdy work clothes and boots,
    and build righteousness and faithfulness in the land.

A Living Knowledge of God

6-9 The wolf will romp with the lamb,
    the leopard sleep with the kid.
Calf and lion will eat from the same trough,
    and a little child will tend them.
Cow and bear will graze the same pasture,
    their calves and cubs grow up together,
    and the lion eat straw like the ox.
The nursing child will crawl over rattlesnake dens,
    the toddler stick his hand down the hole of a serpent.
Neither animal nor human will hurt or kill
    on my holy mountain.
The whole earth will be brimming with knowing God-Alive,
    a living knowledge of God ocean-deep, ocean-wide.

10 On that day, Jesse’s Root will be raised high, posted as a rallying banner for the peoples. The nations will all come to him. His headquarters will be glorious.

11 Also on that day, the Master for the second time will reach out to bring back what’s left of his scattered people. He’ll bring them back from Assyria, Egypt, Pathros, Ethiopia, Elam, Sinar, Hamath, and the ocean islands.

12-16 And he’ll raise that rallying banner high, visible to all nations,
    gather in all the scattered exiles of Israel,
Pull in all the dispersed refugees of Judah
    from the four winds and the seven seas.
The jealousy of Ephraim will dissolve,
    the hostility of Judah will vanish—
Ephraim no longer the jealous rival of Judah,
    Judah no longer the hostile rival of Ephraim!
Blood brothers united, they’ll pounce on the Philistines in the west,
    join forces to plunder the people in the east.
They’ll attack Edom and Moab.
    The Ammonites will fall into line.
God will once again dry up Egypt’s Red Sea,
    making for an easy crossing.
He’ll send a blistering wind
    down on the great River Euphrates,
Reduce it to seven mere trickles.
    None even need get their feet wet!
In the end there’ll be a highway all the way from Assyria,
    easy traveling for what’s left of God’s people—
A highway just like the one Israel had
    when he marched up out of Egypt.