Si Abraham kag si Abimelec
1Naghalin sila ni Abraham sa Mamre kag nagkadto sa Negev. Didto sila nag-estar sa tunga-tunga sang Kadesh kag Shur. Sang ulihi, nagsaylo sila sa Gerar. 2Samtang didto sila, ang pakilala ni Abraham kay Sara sa mga tawo utod niya siya. Gani ginpakuha ni Haring Abimelec sang Gerar si Sara.
3Isa ka gab-i, nagpakita ang Dios kay Abimelec paagi sa isa ka damgo. Siling niya, “Mapatay ka tungod kay ginkuha mo ina nga babayi nga may bana na.” 4Pero tungod kay wala pa matandog ni Abimelec si Sara, nagsiling siya, “Ginoo, ngaa patyon mo ako kag ang akon katawhan? Wala ako sing sala. 5Nagsiling man abi si Abraham nga utod niya si Sara kag si Sara nagsiling man nga utod niya si Abraham. Inosente gid ako kag wala gid ako sing malain nga tuyo sa pagkuha kay Sara.” 6Nagsabat ang Dios, “Huo, nakahibalo ako nga wala ka sing malain nga tuyo, gani wala ako magtugot nga matandog mo siya agod indi ka makasala sa akon. 7Pero dapat ibalik mo siya sa iya bana tungod ang iya bana isa ka propeta, kag pangamuyuan ka niya agod indi ka mapatay. Pero kon indi mo gani siya pag-ibalik, ginapaandaman ko ikaw nga daan nga mapatay ka gid pati ang tanan mo nga katawhan.”
8Aga pa gid sang madason nga adlaw, ginpatawag ni Abimelec ang tanan niya nga mga opisyal kag ginsugiran parte sa iya nga damgo. Kag hinadlukan gid sila. 9Dayon ginpatawag ni Abimelec si Abraham kag ginpamangkot, “Ano bala ining ginhimo mo sa amon? Ano bala ang akon sala sa imo nga ginbutang mo sa dako nga paglapas ang akon bug-os nga ginharian? Indi husto ang imo ginhimo. 10Pero ngaa bala ginhimo mo ini?” 11Nagsabat si Abraham, “Abi ko wala gid sing bisan isa diri nga nagatahod sa Dios, gani naghunahuna ako nga basi patyon ninyo ako agod makuha ninyo ang akon asawa. 12Matuod gid man nga mag-utod kami, pero sa amay lang kag indi sa iloy, kag ginpangasawa ko siya. 13Sang ginsilingan ako sang Dios nga maghalin sa panimalay sang akon amay, ginhambalan ko si Sara nga ipakilala niya nga mag-utod kami bisan diin kami magkadto. Sa sini nga paagi mapakita niya ang iya paghigugma sa akon.”
14Ginbalik ni Abimelec si Sara kay Abraham, kag ginhatagan pa niya si Abraham sang mga karnero, baka, kag mga ulipon nga babayi kag lalaki. 15Dayon nagsiling siya kay Abraham, “Handa ako nga paestaron kamo sa akon duta. Mag-estar kamo bisan diin nga gusto ninyo.” 16Nagsiling man siya kay Sara, “Hatagan ko ang imo utod sang 1,000 ka bilog nga pilak bilang pamatuod sa tanan ninyo nga kaupdanan nga wala ko ikaw matandog kag agod indi sila maghunahuna nga nakahimo ka sang malain.”
17-18Tungod sa pagkuha ni Abimelec kay Sara, ginbuot sang Ginoo nga indi makabata ang tanan nga babayi sa iya panimalay. Gani nagpangamuyo si Abraham sa Dios, kag gin-ayo sang Dios ang asawa ni Abimelec kag ang iya mga ulipon nga mga babayi agod makabata sila liwat. Gin-ayo man sang Dios si Abimelec sa iya balatian.
亚伯拉罕与亚比米勒
1亚伯拉罕从幔利迁往南地，住在加低斯和书珥之间。在基拉耳寄居期间， 2他称妻子撒拉是自己的妹妹。基拉耳王亚比米勒派人带走了撒拉。
3晚上，上帝在梦中对亚比米勒说：“你的死期到了，因为你带来的那个女人是别人的妻子。” 4亚比米勒还没有亲近撒拉，因此他说：“主啊，难道你要毁灭一个无辜的国家吗？ 5那人亲口对我说这女人是他妹妹，她也说那人是她哥哥。我问心无愧，没有做错。” 6上帝在梦中对他说：“我知道你问心无愧，所以我才阻止你，不让你亲近她，免得你得罪我。 7现在你要把那人的妻子还给他，他是个先知，他会为你祷告，使你活命。要知道，如果你不这样做，你和你的人民都必死。”
8亚比米勒清早起来召来他的臣仆，把这件事情告诉他们，他们听了都十分害怕。 9亚比米勒召见亚伯拉罕，对他说：“你为什么要害我们？我什么地方得罪了你？你竟使我和我的人民陷入大罪！你不该这样做。” 10又说：“你为什么这样做？” 11亚伯拉罕回答说：“因为我想这里的人不敬畏上帝，他们必为了夺我妻子而杀我。 12况且，她真是我的妹妹，与我同父异母，后来做了我的妻子。 13上帝吩咐我离开家乡到外面漂泊的时候，我对她说，‘无论我们到哪里，你都要说我是你哥哥，这就是你对我的恩情。’”
14于是，亚比米勒带来牛、羊和男女仆婢送给亚伯拉罕，并把他妻子撒拉还给他， 15又对他说：“我的国土就在你面前，你想住在哪里都可以。” 16亚比米勒对撒拉说：“我给你哥哥十一公斤银子，在你家人面前证明你是清白的，你没有做错什么。”
17亚伯拉罕祈求上帝，上帝就治好了亚比米勒，也使他妻子和众婢女恢复了生育能力。 18原来耶和华因为亚伯拉罕的妻子撒拉这件事，使亚比米勒宫中所有的妇女都不能生育。
