Nagpangayo sang Bulig si Mordecai kay Ester
1Sang mahibaluan ni Mordecai ang ginaplano kontra sa ila, gin-gisi niya ang iya bayo sa kasubo. Dayon nagsuksok siya sang sako, nagbutang sang abo sa iya ulo, kag nagsulod sa siyudad nga nagahilibion sing tudo gid. 2Pero hasta lang siya sa guwa sang puwertahan sang palasyo tungod kay wala sing bisan sin-o nga ginatugutan nga magsulod sa palasyo nga nagasuksok sang sako. 3Ang mga Judio sa kada probinsya nga nakabati sang mando sang hari naghilibion sing tudo gid. Nagpuasa sila kag naghinibi nga nagapanalambiton. Madamo sa ila ang nagsuksok sang sako kag naghigda sa abo.
4Sang ginsugiran si Ester sang iya mga suluguon nga babayi kag sang mga opisyal nga nagaatipan sa iya parte kay Mordecai, natublag gid siya. Gani ginpadal-an niya sang bayo si Mordecai agod ilisan ang sako nga iya ginasuksok. Pero wala ini ginbaton ni Mordecai. 5Tungod sadto, ginpatawag ni Ester si Hatac, nga isa sa mga opisyal sang hari nga gintugyanan sa pag-atipan sa iya. Ginsugo niya siya nga hibaluon kon ano ang problema ni Mordecai ngaa nagaamo siya sina.
6Gani ginkadtuan ni Hatac si Mordecai sa may plasa sang siyudad, sa atubangan sang puwertahan sang palasyo. 7Ginsugid ni Mordecai sa iya ang tanan nga natabo kag kon pila nga kuwarta ang ginpromisa ni Haman nga ihatag sa talaguan sang manggad sang ginharian, sa paglaglag sa mga Judio. 8Ginhatagan siya ni Mordecai sang isa ka kopya sang mando sang hari nga ginbantala sa Susa, agod ipakita kay Ester. Ginsilingan man siya ni Mordecai nga isaysay kay Ester ang tanan nga natabo kag pangabayon si Ester nga magkadto sa hari sa pagpakitluoy nga kaluy-an ang iya mga kasimanwa.
9Nagbalik si Hatac kay Ester kag ginsugid niya ang tanan nga ginsiling ni Mordecai. 10Dayon ginpabalik ni Ester si Hatac kay Mordecai kag ginpasiling ini: 11“Nahibaluan sang tanan nga opisyal sang hari kag sang tanan nga tawo sa bug-os nga ginharian nga ang bisan sin-o nga magpalapit sa hari sa sulod nga lagwerta, lalaki man ukon babayi, nga wala ginpatawag pagapatyon, luwas lang kon untayon sang hari ang iya bulawan nga bulobaston sa sina nga tawo. Kag ako mismo isa na ka bulan nga wala ginpatawag sang hari.”
12Sang ginsugiran si Mordecai sang ginpasiling ni Ester, 13amo ini ang sabat nga ginpasiling niya: “Indi ka maghunahuna nga ikaw lang ang maluwas sa tanan nga Judio tungod kay dira ka nagaestar sa palasyo. 14Kay bisan maghipos-hipos ka lang sa sini nga tion, may iban nga magbulig kag magluwas sa mga Judio, pero ikaw iya kag ang imo mga paryente malaglag. Pero basi pa lang nahimo ka nga rayna para maluwas mo ang imo kapareho nga mga Judio.”
15Amo ini ang ginpasiling ni Ester kay Mordecai, 16“Lakat ka, kag tipuna ang tanan nga Judio diri sa Susa kag magpuasa kamo para sa akon. Indi kamo magkaon ukon mag-inom adlaw-gab-i, sa sulod sang tatlo ka adlaw. Mapuasa man ako kag ang akon mga suluguon nga babayi. Pagkatapos makadto ako sa hari bisan pa nga kontra ini sa kasuguan. Bahala na kon patyon ako.”
17Gani naglakat si Mordecai kag gintuman niya ang tanan nga ginsiling ni Ester.
末底改求以斯帖帮忙
1末底改得知这事，就撕裂衣服，披上麻衣，头蒙灰尘，在城中行走，放声痛哭， 2一直走到宫门前才停住，因为穿麻衣的不可进宫门。 3王的命令和谕旨传到各省，各地的犹太人极其悲伤，他们禁食、哭泣、哀号，许多人身披麻衣躺在灰中。
4以斯帖王后的宫女和太监把这事禀告她，她非常难过，便为末底改送去衣服，让他换下麻衣，他却不肯接受。 5于是，以斯帖把王派来服侍她的一个名叫哈他革的太监召来，叫他去见末底改，查明事情的原委。 6哈他革就到宫门前的广场见末底改， 7末底改便将自己的遭遇及哈曼为灭绝犹太人而捐入国库的银子数目都告诉了他。 8末底改还把一份在书珊城颁布的要消灭犹太人的谕旨抄本交给哈他革，让他给以斯帖看，并嘱咐她去见王，为自己的同胞向王求情。 9哈他革回去把末底改的话告诉以斯帖。 10以斯帖便吩咐哈他革回复末底改说： 11“王的所有臣仆和各省人民都知道有一条法令，不论男女，未蒙宣召擅入内院去见王的必被处死，除非王向他伸出金杖，他才能活命。现在我已有三十天未蒙王召见了。”
12末底改听到以斯帖捎来的话后， 13便回复她说：“你别以为在宫里就比其他犹太人安全。 14如果此时你闭口不语，犹太人必从别处得解脱，蒙拯救，但你和你父亲一家必灭亡。谁知道你得了王后之位不是为了今日之时呢？”
15以斯帖派人回复末底改说： 16“你去召集书珊城所有的犹太人为我禁食，三天三夜不吃不喝，我和我的宫女也要这样禁食。然后，我要违例去见王，我若死就死吧。”
17于是，末底改便去照以斯帖的一切吩咐行事。
