1Mũndũ ũrĩa wothe wendete ũtaaro nĩendete ũmenyi,
no ũrĩa ũthũire gũkaanio nĩ mũndũ mũkĩĩgu.
2Mũndũ ũrĩa mwega nĩatugagwo nĩ Jehova,
no mũndũ mwara Jehova amũtuaga mũndũ mwĩhia.
312:3 Thim 10:25Mũndũ ndangĩhota kwĩhaanda na maũndũ ma waganu,
no ũrĩa mũthingu ndangĩenyenyeka.
412:4 Ruth 3:11Mũtumia ũrĩa ngatha nĩwe thũmbĩ ya mũthuuri wake,
no mũtumia ũconorithagia mũthuuri wake atariĩ ta ũbuthu mahĩndĩ-inĩ make.
5Mĩbango ya andũ arĩa athingu nĩ ya kĩhooto,
no ũtaaro wa andũ arĩa aaganu nĩ wa maheeni.
612:6 Thim 11:9Ndeto cia andũ arĩa aaganu nĩ cia kuohia andũ mamaite thakame,
no mĩario ya andũ arĩa arũngĩrĩru nĩĩmahonokagia.
7Andũ aaganu mangʼaũranagio magathira biũ,
no nyũmba ya mũndũ ũrĩa mũthingu ĩtũũraga ĩrĩ nũmu.
812:8 Isa 19:14Mũndũ agaathagĩrĩrio kũringana na ũũgĩ wake,
no andũ marĩ meciiria mogomu nĩmamenagwo.
9Kaba mũndũ ũrĩa wonagwo ta atarĩ bata no nĩ arĩ ndungata,
gũkĩra ũrĩa wĩtuaga atĩ nĩ mũndũ wa bata, na ndarĩ gĩa kũrĩa.
1012:10 Ndar 22:29Mũndũ mũthingu nĩamenyagĩrĩra muoyo wa nyamũ yake,
no maũndũ marĩa ma tha ma ũrĩa mwaganu nĩ ma kũnyariirana.
1112:11 Thim 28:19Mũndũ ũrĩa ũrĩmaga mũgũnda wake nĩarĩkoragwo na irio nyingĩ,
no ũrĩa ũhanyũkanagia na maũndũ ma tũhũ nĩagĩte gũkũũrana maũndũ.
12Arĩa aaganu meriragĩria indo iria itahĩtwo nĩ andũ arĩa ooru,
no mĩri ya arĩa athingu nĩĩgaacagĩra.
13Mũndũ mũũru ategagwo nĩ mĩario ya wĩhia wake,
no mũndũ mũthingu nĩahonokaga kuuma thĩĩna-inĩ.
1412:14 Thim 13:2Mũndũ nĩaiyũragwo nĩ maciaro mega ma kanua gake,
ti-itherũ, o ta ũrĩa agunagwo nĩ wĩra wa moko make.
15Njĩra ya mũndũ mũkĩĩgu yonekaga yagĩrĩire harĩ we,
no mũndũ mũũgĩ nĩathikagĩrĩria mataaro.
1612:16 1Sam 25:25; Thim 29:11Mũndũ mũkĩĩgu onanagia marakara make o rĩmwe,
no mũndũ mũbaarĩrĩri aarumwo ndatindanagĩrĩra.
17Mũira wa ma arutaga o ũira wa ma,
no mũira ũtarĩ wa ma aaragia maheeni.
1812:18 Thab 55:21Ciugo iteciirĩtio itheecaga ta rũhiũ rwa njora,
no rũrĩmĩ rwa mũndũ ũrĩa mũũgĩ nĩkũhonia rũhonagia.
19Mĩromo ĩrĩa yaragia ma ĩtũũraga nginya tene,
no rũrĩmĩ rwa maheeni nĩ rwa kahinda o kanini.
2012:20 Arom 14:19Ngoro cia arĩa mathugundaga gwĩka ũũru ciyũrĩtwo nĩ maheeni,
no gĩkeno nĩ kĩa andũ arĩa matũmaga thayũ ũgaacĩre.
2112:21 Ayub 4:7Gũtirĩ ũũru ũngĩkora andũ arĩa athingu,
no arĩa aaganu maiyũrĩtwo nĩ thĩĩna.
22Mĩromo ĩrĩa ĩheenanagia nĩ kĩndũ kĩrĩ magigi harĩ Jehova,
no nĩakenagio nĩ andũ arĩa maaragia ma.
2312:23 Thim 10:14; Thab 38:5Mũndũ mũbaarĩrĩri nĩahithaga ũmenyi wake,
no ngoro cia andũ arĩa akĩĩgu ĩmemerekagia ũrimũ.
24Moko ma mũndũ ũrĩ kĩyo nĩmo magaathana,
no kĩgũũta gĩkaarutithio wĩra wa ũkombo.
2512:25 Thim 15:13Ũritũ wa ngoro nĩũhatagĩrĩria mũndũ,
no ciugo njega nĩitũmaga akene.
26Mũndũ mũthingu nĩataaraga arata ake,
no njĩra ya arĩa aaganu nĩ kũmahĩtithia ĩmahĩtithagia.
27Mũndũ kĩgũũta o na ndahĩhagia nyama cia ũguĩmi wake,
no mũndũ ũrĩ kĩyo onaga indo ciake irĩ cia goro.
28Muoyo wonekaga na njĩra ya ũthingu;
na njĩra-inĩ ĩyo-rĩ, kũrĩ muoyo ũtagaathira.
1Whoever loves discipline loves knowledge,
but whoever hates correction is stupid.
2Good people obtain favour from the Lord,
but he condemns those who devise wicked schemes.
3No-one can be established through wickedness,
but the righteous cannot be uprooted.
4A wife of noble character is her husband’s crown,
but a disgraceful wife is like decay in his bones.
5The plans of the righteous are just,
but the advice of the wicked is deceitful.
6The words of the wicked lie in wait for blood,
but the speech of the upright rescues them.
7The wicked are overthrown and are no more,
but the house of the righteous stands firm.
8A person is praised according to their prudence,
and one with a warped mind is despised.
9Better to be a nobody and yet have a servant
than pretend to be somebody and have no food.
10The righteous care for the needs of their animals,
but the kindest acts of the wicked are cruel.
11Those who work their land will have abundant food,
but those who chase fantasies have no sense.
12The wicked desire the stronghold of evildoers,
but the root of the righteous endures.
13Evildoers are trapped by their sinful talk,
and so the innocent escape trouble.
14From the fruit of their lips people are filled with good things,
and the work of their hands brings them reward.
15The way of fools seems right to them,
but the wise listen to advice.
16Fools show their annoyance at once,
but the prudent overlook an insult.
17An honest witness tells the truth,
but a false witness tells lies.
18The words of the reckless pierce like swords,
but the tongue of the wise brings healing.
19Truthful lips endure for ever,
but a lying tongue lasts only a moment.
20Deceit is in the hearts of those who plot evil,
but those who promote peace have joy.
21No harm overtakes the righteous,
but the wicked have their fill of trouble.
22The Lord detests lying lips,
but he delights in people who are trustworthy.
23The prudent keep their knowledge to themselves,
but a fool’s heart blurts out folly.
24Diligent hands will rule,
but laziness ends in forced labour.
25Anxiety weighs down the heart,
but a kind word cheers it up.
26The righteous choose their friends carefully,
but the way of the wicked leads them astray.
27The lazy do not roast12:27 The meaning of the Hebrew for this word is uncertain. any game,
but the diligent feed on the riches of the hunt.
28In the way of righteousness there is life;
along that path is immortality.
