Ihooya rĩa kũũria Ũtugi wa Ngai
Thaburi ya Ariũ a Kora
185:1 GũcookWee Jehova, nĩ wekire bũrũri waku wega;
nĩwacookeirie Jakubu ũtonga wake.
2Nĩwarekeire andũ aku waganu wao,
na ũkĩhumbĩra mehia mao mothe.
385:3 Thaam 32:12; Gũcook 13:17Nĩweheririe mangʼũrĩ maku mothe,
na ũgĩthirwo nĩ marakara maku mahiũ.
4Tũma tũgaacĩre rĩngĩ, Wee Ngai Mũhonokia witũ,
na ũtige gũikara ũtũrakarĩire.
585:5 Thab 50:21Ũgũtũũra ũtũrakarĩire nginya tene?
Marakara maku megũkinyĩra njiarwa na njiarwa?
685:6 Afil 3:1Kaĩ ũtangĩtũrurumũkia ngoro ciitũ,
nĩguo andũ aku magũkenere?
7Wee Jehova-rĩ, tuonie wendo waku ũrĩa ũtathiraga,
na ũtũhe ũhonokio waku.
885:8 Alaw 26:6; 2Athe 3:16Nĩngũthikĩrĩria njigue ũrĩa Mũrungu, o we Jehova, ekuuga;
eranagĩra thayũ kũrĩ andũ ake, o acio ake aamũre:
no ndũkareke macookerere ũrimũ wao.
985:9 Isa 46:13; Zek 2:5Ti-itherũ ũhonokio wake ũrĩ hakuhĩ na arĩa mamwĩtigĩrĩte,
nĩgeetha riiri wake ũtũũre bũrũri-inĩ witũ.
1085:10 Thab 72:2-3; Isa 32:17Wendo na wĩhokeku nĩicemanĩtie;
ũthingu na thayũ nĩikĩmumunyanĩte.
11Wĩhokeku ũkunũkaga kuuma na thĩ,
naguo ũthingu ũcũthagĩrĩrie ũrĩ o igũrũ.
1285:12 Thab 84:11; Jak 1:17Ti-itherũ Jehova no aheane kĩndũ o gĩothe kĩega,
naguo bũrũri witũ ũciarage magetha maguo.
13Ũthingu nĩguo ũmũthiiaga mbere,
ũkahaaragĩria makinya make njĩra.
