144:1 2Sam 7:22; Atiir 6:13Twanaigua na matũ maitũ Wee Ngai,
tũkĩĩrwo nĩ maithe maitũ
ũrĩa wekire matukũ-inĩ mao,
o matukũ macio ma tene.
244:2 Thaam 15:17; Thab 80:9Nĩwaingatire ndũrĩrĩ na guoko gwaku,
na ũgĩcooka kũhaanda maithe maitũ kuo;
Wee nĩwanyariirire irĩndĩ iria ingĩ,
na ũgĩtũma maithe maitũ magaacĩre.
344:3 Josh 24:12; Gũcook 4:37Matiegwatĩire bũrũri ũcio na hinya wa rũhiũ rwao,
o na ti icoka ciao ciamaheire ũhootani;
no nĩ guoko gwaku kwa ũrĩo, ĩĩ nĩ gĩcoka gĩaku,
na ũtheri wa gĩthiithi gĩaku, nĩgũkorwo nĩwamendete.
4Wee nĩwe Mũthamaki wakwa na Ngai wakwa,
ũrĩa wathagĩrĩra Jakubu ũhootani.
544:5 Josh 23:5Wee nĩwe ũtũhotithagia kũhoota thũ ciitũ;
nĩ ũndũ wa rĩĩtwa rĩaku tũrangagĩrĩria arĩa marĩ muku na ithuĩ.
644:6 Kĩam 48:22; Hos 1:7Ndiĩhokaga ũta wakwa,
rũhiũ rwakwa rwa njora ti ruo rũngĩĩhootanĩra;
744:7 Gũcook 20:4; Ayub 8:22no Wee nĩwe ũtũtooranagĩria harĩ thũ ciitũ,
ũgagĩconorithia acio matũthũire.
8Ngai nĩwe tũtindaga tũkĩĩrahĩra mũthenya wothe,
na tũgũtũũra tũgoocaga rĩĩtwa rĩaku nginya tene.
944:9 Thab 43:2; Josh 7:12No rĩu nĩũtũtiganĩirie na ũgatũconorithia;
nĩũtigĩte gũtwaranaga na mbũtũ ciitũ cia ita.
1044:10 Alaw 26:17; Atiir 2:14Nĩwatũmire tũũrĩre thũ ciitũ,
o icio itũthũire igetahĩra indo ciitũ.
11Ũtũrekereirie tũtambuurwo ta ngʼondu,
na ũgatũhurunja harĩ ndũrĩrĩ.
1244:12 Isa 52:3Wendetie andũ aku ta kĩndũ tũhũ,
ndũrĩ uumithio wonete nĩ ũguo ũmendetie.
1344:13 2Maũ 29:8; Ezek 23:32Nĩũtũmĩte tũmenwo nĩ andũ arĩa tũhakanĩte nao,
tũgatuĩka a kũnyararwo na gũthekererwo nĩ arĩa matũthiũrũrũkĩirie.
14Nĩũtũmĩte tũtuĩke a kuunagwo thimo nĩ ndũrĩrĩ;
tũgagĩtuĩka a kũinainagĩrio mĩtwe nĩ andũ.
1544:15 Kĩam 30:23Ndindaga njonokete mũthenya wothe,
ngahumbwo nĩ thoni ũthiũ wothe,
1644:16 Thab 42:10; Arom 12:19nĩ ũndũ wa inyũrũri cia andũ arĩa maanyũrũragia na makaanuma,
tondũ wa thũ ĩrĩa ĩrenda kwĩrĩhĩria.
1744:17 Gũcook 6:12; Thim 3:1Twakorirwo nĩ maũndũ macio mothe,
o na gũtuĩka tũtiariganĩirwo nĩwe,
o na kana tũgĩthaahia kĩrĩkanĩro gĩaku.
18Ngoro ciitũ iticookete na thuutha;
makinya maitũ matiumĩte njĩra-inĩ yaku.
1944:19 2Maũ 14:13; Ayub 3:5No ũtũhehenjete, na ũgatũtua imamo cia mbwe,
na ũgatũhumbĩra na nduma nene.
2044:20 Atiir 3:7; Jer 5:19Tũngĩkorwo nĩtwariganĩirwo nĩ rĩĩtwa rĩa Ngai witũ,
o na kana tũkĩambararia moko kũrĩ ngai ngʼeni-rĩ,
21githĩ Ngai ndangĩamenyire ũhoro ũcio,
kuona atĩ nĩamenyaga hitho cia ngoro?
2244:22 Arom 8:36No nĩ ũndũ waku tũtindaga tũngʼetheire gĩkuũ mũthenya wothe;
tũtuĩtwo ta ngʼondu cia gũthĩnjwo.
2344:23 Thab 7:6Wee Mwathani, arahũka! Ũgĩkomete nĩkĩ?
Wĩyarahũre! Ndũgatũtiganĩrie nginya tene.
2444:24 Gũcook 32:20; Maca 5:20Ũhithĩte ũthiũ waku nĩkĩ,
na ũkariganĩrwo nĩ mathĩĩna maitũ na kũhinyĩrĩrio gwitũ?
2544:25 Thab 119:25Tũrũndĩtwo rũkũngũ-inĩ;
mĩĩrĩ iitũ ĩkĩnyiitanĩte na thĩ.
2644:26 Ndar 10:35; Thab 26:11Arahũka ũtũteithie;
tũkũũre tondũ wa wendani waku ũtathiraga.
