Ihooya rĩa Mũndũ Ũtarĩ Ũcuuke
Ihooya rĩa Daudi
117:1 Thab 30:10; Isa 29:13Wee Jehova, ta igua gũthaithana gwakwa kwa ũthingu;
thikĩrĩria gũkaya gwakwa.
Tega gũtũ ũigue ihooya rĩakwa,
tondũ rĩtiumanĩte na mĩromo ya maheeni.
2Ituĩro rĩakwa rĩa kĩhooto nĩrĩkiume kũrĩ wee;
maitho maku nĩmakĩone o ũndũ ũrĩa wagĩrĩire.
317:3 Ayub 23:10; Thab 39:1O na ũngĩthuthuuria ngoro yakwa na ũnduĩrie ũtukũ,
o na ũngĩngeria, ndũrĩ ũndũ mũũru ũngĩona;
nĩnduĩte atĩ ndikehia na kanua gakwa.
4Ha ũhoro wa ciĩko cia andũ,
na ũndũ wa uuge wa mĩromo yaku
niĩ ndũũrĩte ndĩrigagĩrĩria
njĩra cia andũ arĩa mendete haaro.
517:5 Thab 44:18; Gũcook 32:35Makinya makwa nĩmarũmĩtie njĩra ciaku;
magũrũ makwa matirĩ matenderũka.
6Wee Mũrungu, ngũkayagĩra tondũ nĩũnjĩtĩkaga;
ndegera gũtũ na ũigue ihooya rĩakwa.
717:7 Thab 31:21Tũma magegania ma wendo waku mũnene monekane,
Wee ũhonokanagia na guoko gwaku kwa ũrĩo
arĩa moragĩra harĩwe kuuma kũrĩ thũ ciao.
817:8 Gũcook 32:10; Isa 34:15Menyagĩrĩra niĩ ta kĩũma kĩa riitho rĩaku;
hitha kĩĩruru-inĩ kĩa mathagu maku
9ndigakorwo nĩ andũ arĩa aaganu arĩa maatharĩkagĩra,
na kuuma kũrĩ thũ cia muoyo wakwa iria cindigiicĩirie.
1017:10 Thab 73:7; 1Sam 2:3Nĩmahinganĩtie ngoro ciao nyũmũ,
na tuo tũnua twao tũkaaria na mwĩgaatho.
11Maahĩtĩte, rĩu nĩmandigiicĩirie,
mangũũrĩire maitho, mone mweke wa kũnũnda.
1217:12 Jer 5:6; Kĩam 49:9Mahaana ta mũrũũthi ũhũtĩire ndĩa yaguo,
makahaana ta mũrũũthi mũnene woheirie kĩrĩa ũrenda kũnyiita.
1317:13 Ndar 10:35Arahũka, Wee Jehova, mangʼethere, ũmahoote;
ndeithũra na rũhiũ rwaku rwa njora kuuma kũrĩ andũ arĩa aaganu.
1417:14 Luk 16:8; Isa 2:7Wee Jehova, honokia na guoko gwaku kuuma kũrĩ andũ ta acio,
ũũhonokie kuuma kũrĩ andũ a thĩ ĩno arĩa irĩhi rĩao rĩrĩ o muoyo-inĩ ũyũ tũrĩ.
Ũniinagĩra andũ arĩa wendete ngʼaragu ũkamahũũnia;
ciana ciao irĩ na cia kũigana,
na nĩmaigagĩra ciana cia ciana ciao mũthiithũ.
1517:15 Thab 3:5; 1Joh 3:2Na niĩ-rĩ, nĩngeyonera ũthiũ waku na ũthingu;
rĩrĩa ngokĩra-rĩ, nĩngaĩiganwo nĩgũkuona ũrĩa ũtariĩ.