Ũnene na Wega wa Ngai
Thaburi ya Daudi
1145:1 Thab 30:1; Thab 54:6Nĩngũgũtũũgĩria, Wee Ngai wakwa Mũthamaki;
ndĩrĩĩgoocaga rĩĩtwa rĩaku tene na tene.
2O mũthenya ndĩrĩkũgoocaga
na ngumagie rĩĩtwa rĩaku tene na tene.
3145:3 2Sam 22:4; Ayub 5:9Jehova nĩwe mũnene, na nowe wagĩrĩire kũgoocwo mũno;
ũnene wake gũtirĩ mũndũ ũngĩhota kũũtuĩria.
4Rũciaro rũmwe nĩrũkarahĩra rũrĩa rũngĩ maũndũ marĩa waneka;
nĩrũkamenyithanagia ũhoro wa ciĩko ciaku cia hinya.
5Nĩmakaaria ũhoro wa ũkaru wa ũnene waku ũrĩa ũrĩ riiri,
na niĩ ndaranagie ũhoro wa ciĩko ciaku cia magegania.
6145:6 Gũcook 32:3Nĩmarĩheanaga ũhoro wa ũhoti wa maũndũ maku ma kũmakania,
na niĩ hunjagie ũhoro wa ũnene wa ciĩko ciaku.
7145:7 Thaam 18:9; Thab 138:5Nĩmagakũngũĩra wega waku mũingĩ,
na maine ũhoro wa ũthingu waku makenete.
8145:8 Thab 86:15Jehova nĩ mũtugi na nĩ mũigua-tha,
ndahiũhaga kũrakara, na aiyũrĩtwo nĩ wendo.
9145:9 1Maũ 16:34; Mar 10:18Jehova nĩ mwega harĩ andũ othe;
nĩaiguagĩra tha kĩrĩa gĩothe ombĩte.
10Wee Jehova, kĩrĩa gĩothe ũmbĩte nĩkĩrĩkũgoocaga;
andũ aku arĩa aamũre nĩmarĩgũkumagia.
11145:11 Thaam 15:2Nĩmarĩheanaga ũhoro wa riiri wa ũthamaki waku,
na maaragie ũhoro wa hinya waku,
12nĩgeetha andũ othe mamenye ũhoro wa ciĩko ciaku cia hinya,
o na ũkaru wa ũthamaki waku, ũrĩa ũrĩ riiri.
13145:13 2Pet 1:11; 1Akor 1:9Ũthamaki waku nĩ ũthamaki wa gũtũũra tene na tene,
naguo wathani waku ũtũũraga nginya njiarwa ciothe.
Jehova nĩ mwĩhokeku harĩ ciĩranĩro ciake ciothe,
na nĩendete kĩrĩa gĩothe ombĩte.
14145:14 Thab 146:8Jehova nĩanyiitagĩrĩra arĩa othe maragũa,
na agatiira arĩa othe mainamĩte.
15145:15 Ayub 28:5; Math 6:26Maitho ma andũ othe nĩwe macũthĩrĩirie,
na nĩũmaheaga irio ciao hĩndĩ ĩrĩa yagĩrĩire.
16Ũkũnjũraga guoko gwaku,
na ũkahingĩria kĩndũ gĩothe kĩrĩ muoyo mabataro makĩo.
17145:17 Thaam 9:27; Ezar 9:15Jehova nĩ mũthingu njĩra-inĩ ciake ciothe,
na nĩendete kĩrĩa gĩothe ombĩte.
18145:18 Ndar 23:21Jehova arĩ hakuhĩ na andũ arĩa othe mamũkayagĩra,
arĩa othe mamũkayagĩra na ma.
19Arĩa othe mamwĩtigagĩra nĩamahingagĩria mabataro mao;
nĩaiguaga kĩrĩro kĩao na akamahonokia.
20145:20 Thab 31:23Jehova nĩamenyagĩrĩra arĩa othe mamwendete,
no arĩa othe aaganu nĩkũniina akaamaniina.
21Kanua gakwa karĩaragia gakagooca Jehova.
Kĩũmbe o gĩothe nĩgĩkĩgooce rĩĩtwa rĩake itheru
nginya tene na tene.
