Kũgooca Ngai nĩ ũndũ wa Ũnene Wake
1135:1 Neh 7:73Goocai Jehova.
Goocai rĩĩtwa rĩa Jehova;
inyuĩ ndungata cia Jehova-rĩ, mũgoocei,
2inyuĩ mũtungataga thĩinĩ wa nyũmba ya Jehova,
o inyuĩ mũrũgamaga nja-inĩ cia nyũmba ya Ngai witũ.
3135:3 Thab 119:68; Thab 147:1Goocai Jehova, nĩgũkorwo Jehova nĩ mwega;
inai mũgooce rĩĩtwa rĩake, nĩgũkorwo nĩ rĩega.
4135:4 Thaam 19:5; Tit 2:14Nĩgũkorwo Jehova nĩethuurĩire Jakubu atuĩke wake,
agathuura Isiraeli atuĩke igai rĩake kĩũmbe.
5Niĩ nĩnjũũĩ atĩ Jehova nĩ mũnene,
atĩ Mwathani witũ nĩ mũnene gũkĩra ngai ciothe.
6135:6 Thab 115:3; Math 6:10Jehova ekaga ũrĩa wothe ekwenda,
kũu igũrũ na gũkũ thĩ,
o na kũu iria-inĩ o na kũrĩa guothe kũriku mũno.
7135:7 Jer 10:13; Zek 10:1Nĩwe ũtũmaga matu mambate kuuma ituri-inĩ cia thĩ;
nĩwe ũtũmaga kũgĩe heni irehanĩte na mbura,
na akarehe rũhuho kuuma mĩthithũ-inĩ yake.
8135:8 Thaam 4:23Nĩwe waringire marigithathi ma Misiri,
marigithathi ma andũ na ma nyamũ.
9135:9 Thab 136:10-15Wee Misiri, nĩwe watũmire thĩinĩ waku kũringwo ciama na morirũ,
agĩũkĩrĩra Firaũni na ndungata ciake ciothe.
10135:10 Ndar 21:21-25; Thab 136:17-21Nĩwe waringire ndũrĩrĩ nyingĩ
na akĩũraga athamaki maarĩ hinya:
11135:11 Ndar 21:21; Josh 12:7-24nĩo Sihoni mũthamaki wa Aamori,
na Ogu mũthamaki wa Bashani,
o na athamaki othe a Kaanani;
12akĩheana bũrũri wao ũtuĩke igai,
ũtuĩke igai kũrĩ andũ ake a Isiraeli.
13Rĩĩtwa rĩaku, Wee Jehova, rĩtũũraga nginya tene,
ngumo yaku, Wee Jehova, ĩgakinyĩra njiarwa na njiarwa.
14135:14 1Sam 24:15; Gũcook 32:36Nĩgũkorwo Jehova nĩagaciirĩrĩra andũ ake,
na aiguĩre ndungata ciake tha.
15135:15 Kũg 9:20; Jer 1:16Mĩhianano ya ndũrĩrĩ ĩthondeketwo na betha na thahabu,
o wĩra wa moko ma andũ.
16Nĩĩrĩ tũnua, no ndĩaragia,
nĩĩrĩ maitho, no ndĩonaga;
17135:17 Hab 2:19nĩĩrĩ matũ, no ndĩiguaga,
o na ndĩrĩ mĩhũmũ tũnua-inĩ twayo.
18Andũ arĩa mamĩthondekaga makaahaana o tayo,
na noguo arĩa othe mamĩĩhokaga makaahaana.
19Inyuĩ nyũmba ya Isiraeli, goocai Jehova;
Inyuĩ nyũmba ya Harũni, goocai Jehova;
20Inyuĩ nyũmba ya Lawi, goocai Jehova;
inyuĩ arĩa mũmwĩtigĩrĩte, goocai Jehova.
21135:21 Thab 134:3Jehova arogoocwo kuuma Zayuni,
o we ũtũũraga kũu Jerusalemu.
Goocai Jehova.