Nyĩmbo cia Kũgooca
1Na rĩrĩ, mũthenya ũcio nĩũkoiga atĩrĩ,
“Nĩngũkũgooca, Wee Jehova.
O na gũtuĩka nĩwaandakarĩire-rĩ,
nĩũnjehereirie marakara maku na ũkaahooreria.
212:2 Ayub 13:15; Thaam 15:2Ti-itherũ Mũrungu nĩwe ũhonokio wakwa;
nĩwe ndĩrĩĩhokaga na ndigage gwĩtigĩra.
Jehova, o we Jehova, nĩwe hinya wakwa na rwĩmbo rwakwa;
nĩatuĩkĩte ũhonokio wakwa.”
312:3 Joh 4:10, 14; Thaam 15:25Mũrĩtahaga maaĩ ithima-inĩ cia ũhonokio mũkenete.
412:4 Thab 105:1; Jer 10:17Mũthenya ũcio nĩmũkoiga atĩrĩ:
“Cookeriai Jehova ngaatho, kaĩrai rĩĩtwa rĩake;
menyithaniai ndũrĩrĩ-inĩ ũrĩa ekĩte,
na mũhunjie muuge atĩ rĩĩtwa rĩake nĩ itũũgĩrie mũno.
512:5 Thaam 15:1; Thab 98:1Inĩrai Jehova, nĩgũkorwo nĩekĩte maũndũ marĩ riiri;
na mũtũme ũndũ ũcio ũmenywo nĩ thĩ yothe.
612:6 Zek 2:10; Zef 3:14-17Anĩrĩrai mũine mũrĩ na gĩkeno, inyuĩ andũ a Zayuni,
nĩgũkorwo Ũrĩa Mũtheru wa Isiraeli, o ũcio ũrĩ gatagatĩ-inĩ kanyu, nĩ mũnene mũno.”
