Mĩario ya Ayubu
1Ningĩ Ayubu agĩcookia, akiuga atĩrĩ:
29:2 Arom 3:30“Ti-itherũ nĩnjũũĩ ũhoro ũcio nĩ wa ma.
No rĩrĩ, mũndũ angĩhota atĩa gũkorwo arĩ mũthingu mbere ya Mũrungu?
3O na korwo mũndũ enda gũkararania na Ngai-rĩ,
ndangĩhota kũmũcookeria kĩũria o na kĩmwe harĩ ciũria ngiri.
49:4 Dan 2:20; 2Maũ 13:12Ũũgĩ wake nĩ mũingĩ mũno, na ũhoti wake nĩ mũnene.
Nũũ wanaregana nake akĩgaacĩra?
59:5 Math 17:20; Mik 1:4Eeheragia irĩma itekũmenya,
na agacingʼaũrania nĩ kũrakara.
69:6 Ahib 12:26; Isa 2:21Athingithagia thĩ ĩkoima handũ hayo,
na akainainia itugĩ ciayo.
79:7 Isa 34:4; Zef 1:15Aathaga riũa rĩkaaga kũratha;
nake agiragĩrĩria ũtheri wa njata.
89:8 Kĩam 1:1, 8; Joh 6:19Nĩwe watambũrũkirie igũrũ arĩ o wiki,
na athiiaga agĩkinyangaga makũmbĩ ma iria.
9Nĩwe Mũũmbi wa njata iria ciĩtagwo Nduba, na Karaũ,
na Kĩrĩmĩra, o na ikundi cia njata cia mwena wa gũthini.
109:10 Gũcook 6:22; Jer 32:20Nĩekaga magegania matangĩmenyeka,
na akaringa ciama itangĩtarĩka.
119:11 Ayub 23:8-9; 35:14Rĩrĩa aahĩtũkĩra harĩa ndĩ, ndingĩmuona;
o na rĩrĩa aathiĩra harĩa ndĩ ndimenyaga.
129:12 Ndar 23:20; Isa 45:9; Arom 9:20Angĩgutha kĩndũ-rĩ, nũũ ũngĩhota kũmũgiria?
Nũũ ũngĩmũũria atĩrĩ, ‘Nĩ atĩa ũreka?’
139:13 Ayub 10:15; Isa 30:7Ngai ndahingagĩrĩria marakara make;
o na arĩa maateithagĩrĩria Rahabu nĩmamũinamagĩrĩra.
14“Niĩ-rĩ, ndaakĩhota atĩa kũmũkararia?
Ingĩruta kũ ciugo cia kũmũcookeria?
159:15 Ayub 8:5; Thab 50:6O na korwo ndihĩtĩtie-rĩ, ndingĩhota kũmũcookeria ũndũ;
ũrĩa ingĩĩka no gũthaitha ingĩthaitha Mũnjiirithia anjiguĩre tha.
16O na ingĩamwĩtire nake anjĩtĩke-rĩ,
ndingĩĩtĩkia nĩangĩathikĩrĩirie.
179:17 Thab 10:10; Jon 1:4We angĩamemendire na kĩhuhũkanio,
na aingĩhie ironda ciakwa hatarĩ gĩtũmi.
18Ndarekaga njookererwo nĩ mĩhũmũ,
no nĩahatagĩrĩria na mathĩĩna.
19Korwo no ũhoro wa hinya-rĩ, we arĩ hinya mũno!
Na korwo no ũhoro wa ciira wa kĩhooto-rĩ, nũũ ũngĩmwĩta?
20O na korwo ndiahĩtĩtie-rĩ, kanua gakwa no kandue mũhĩtia;
korwo ndiarĩ na ũcuuke-rĩ, nĩkangĩanduire mũhĩtia.
219:21 Kĩam 6:9; Ndar 11:15“O na gũtuĩka ndirĩ na ũcuuke-rĩ, ndikwĩrĩrĩra;
muoyo wakwa nĩndĩwagĩire kĩene.
229:22 Koh 9:2, 3; Ezek 21:3Ũhoro no ũrĩa ũmwe; nĩkĩo ndĩroiga atĩrĩ,
‘Aniinaga arĩa matarĩ ũcuuke o na akaniina arĩa aaganu.’
23Hĩndĩ ĩrĩa ihũũra rĩarehe gĩkuũ kĩa narua,
nĩathekagĩrĩra kũũrwo nĩ hinya kwa arĩa matarĩ na mahĩtia.
249:24 Ayub 10:3; Thab 73:12Hĩndĩ ĩrĩa bũrũri wagĩa moko-inĩ ma andũ aaganu,
nĩahingaga aciirithania maitho.
Akorwo ti we-rĩ, nũũ wĩkaga ũguo?
259:25 Ayub 7:6; Isa 18:2“Matukũ makwa marahanyũka gũkĩra mũkinyia-ũhoro;
mombũkaga matarĩ na gĩkeno o na kĩnini.
269:26 Thab 46:3; Hab 1:8Mahĩtũkaga na ihenya mũno ta tũtarũ twa irura,9:26 Tũtarũ tũtaarĩ tũnene twa ithanjĩ twathondekagĩrwo Misiri.
kana ta nderi igũcuuhũkĩra kĩndũ gĩa kũrĩa.
27Ingiuga atĩrĩ, ‘Nĩngũriganĩrwo nĩ mateta makwa,
nĩngũtiga gũtukia gĩthiithi, ngene,’
289:28 Thaam 34:7no ngeetigĩra mĩnyamaro yakwa yothe,
nĩgũkorwo nĩnjũũĩ ndũkandua atĩ ndiĩhĩtie.
29Kuona atĩ nĩndĩkĩtie gũtuuo mũhĩtia-rĩ,
nĩ kĩĩ gĩgũtũma ndĩĩnogie tũhũ?
309:30 Mal 3:2; Jer 2:22O na ingĩĩthamba na thabuni,
na ndĩĩthambe moko na igata-rĩ,
31no ũndikirie irima rĩa gĩcoro
nĩgeetha o na nguo ciakwa iithũũre.
329:32 Arom 9:20; Koh 6:10“We ti mũndũ ta niĩ atĩ nĩguo ndĩmũcookerie,
nĩguo tũngʼethanĩre igooti-inĩ.
339:33 1Sam 2:25Naarĩ korwo nĩ harĩ mũndũ ũngĩtũiguithania,
atũigĩrĩre guoko gwake ithuĩ eerĩ,
349:34 Thab 39:10mũndũ wa kũnjehereria rũthanju rwa Ngai,
nĩgeetha ndigacooke kũmakio nĩ itebeebania rĩake.
35Hĩndĩ ĩyo nĩingĩacooka kwaragia itekũmwĩtigĩra,
no ũrĩa ndariĩ rĩu-rĩ, ndingĩhota.