1Ningĩ Jehova akĩĩra Ayubu atĩrĩ:
240:2 Ayub 13:3; Arom 9:20“Mũndũ ũrĩa ũrũaga na Mwene-Hinya-Wothe-rĩ, no amũrute mahĩtia?
Ũcio ũkararagia Ngai-rĩ, nĩakĩmũcookerie!”
3Nake Ayubu agĩcookeria Jehova, akĩmwĩra atĩrĩ:
440:4 Atiir 18:19; Ayub 29:9“Niĩ ndiagĩrĩire o na hanini; ndaakĩhota atĩa gũgũcookeria?
Nĩndehumbĩra kanua na guoko.
5Nĩndaririe rĩmwe, no ndirĩ na macookio;
o na ngĩaria rĩa keerĩ, no ndirĩ na ũndũ ũngĩ nguuga.”
640:6 Thaam 14:21; Ayub 38:1Ningĩ Jehova akĩarĩria Ayubu arĩ kĩhuhũkanio-inĩ, akĩmwĩra atĩrĩ:
740:7 Ayub 38:3“Wĩhotore ta mũndũ mũrũme;
nĩngũkũũria ciũria, nawe ũkĩnjookerie.
840:8 Arom 3:3; Ayub 2:3“Gũtua ciira gwakwa na kĩhooto-rĩ, githĩ no ũkũmenererie?
Githĩ no ũndue mwĩhia nĩgeetha wee ũtuĩke ndwĩhĩtie?
9Wee-rĩ, ũrĩ na guoko ta kwa Mũrungu?
Wee wahota kũruruma na mũgambo ta wake?
1040:10 Thab 104:1Ta kĩĩgemie na riiri na ũkengi,
na wĩhumbe gĩtĩĩo na ũnene.
1140:11 Zef 1:18; Isa 2:11, 12, 17Rekereria marakara mahiũ ma mangʼũrĩ maku,
wone mũndũ o wothe mwĩtĩĩi ũmũharũrũkie,
1240:12 1Sam 2:7; Zek 10:5rora mũndũ o wothe mwĩtĩĩi na ũmũnyiihie,
ũmemende andũ arĩa aaganu o harĩa marũngiĩ.
1340:13 Ndar 16:31-34Mathike othe hamwe tĩĩri-inĩ;
ũmoohe mothiũ na nduma kũu mbĩrĩra-inĩ.
1440:14 Thaam 15:6; Isa 41:10Hĩndĩ ĩyo niĩ mwene nĩngetĩkania nawe
atĩ guoko gwaku mwene kwa ũrĩo no gũkũhonokie.
15“Ta rora nyamũ ĩrĩa ĩtagwo Behemothu,40:15 Ĩno yarĩ nyamũ ĩmwe ya iria ciatũũraga thĩ tene. (O na 41:1)
ĩyo ndoombire hamwe nawe,
na ĩrĩĩaga nyeki ta ndegwa.
1640:16 Ayub 39:11Nĩ hinya ũigana atĩa ĩrĩ naguo njohero,
na nĩ ũhoti mũnene atĩa ũrĩ mĩkiha-inĩ yayo ya nda!
17Ĩinagia mũtingʼoe wayo ta mũtarakwa;
nga cia ciero ciayo ciohanĩtio hamwe ta mĩhĩndo.
18Mahĩndĩ mayo mahaana ta mĩberethi ya gĩcango,
nacio ciĩga ciayo cihaana ta irungʼo cia kĩgera.
1940:19 Ayub 41:33; Kĩam 3:24Nĩyo nyamũ ya mbere harĩ ciũmbe cia Mũrungu,
no rĩrĩ, Mũũmbi wayo nowe ũngĩmĩkuhĩrĩria na rũhiũ rwake rwa njora.
2040:20 Thab 104:14Irĩma ĩmĩheaga maciaro maacio,
na nyamũ ciothe cia gĩthaka itũũhagĩra gũkuhĩ na kũu.
2140:21 Kĩam 41:2; Ayub 8:11Ĩkomaga rungu rwa mahũa ma maaĩ-inĩ,
ĩĩhithĩte thĩinĩ wa ithanjĩ kũrĩa kũrĩ mũtondo.
22Mahũa macio ma maaĩ-inĩ makamĩhitha;
nakĩo kĩĩruru kĩa mĩtĩ ya irura hũgũrũrũ-inĩ cia karũũĩ gĩkamĩthiũrũrũkĩria.
2340:23 Isa 8:7; Josh 3:1Rĩrĩa rũũĩ ruoka na nditi, ndĩmakaga;
nĩngitĩre, o na Rũũĩ rwa Jorodani rũngĩmĩiyũrĩrĩra nginya kanua.
2440:24 2Ath 19:28Kũrĩ mũndũ ũngĩhota kũmĩnyiita rĩrĩa ĩĩhũũgĩte,
kana amĩtege, amĩtũrĩkie iniũrũ na amĩĩkĩre kĩana kĩa rũrigi?