Mĩario ya Ayubu
1Nake Ayubu akĩũria atĩrĩ:
2“Mũkũũnyariira nginya-rĩ,
mũkĩĩhehenjaga na ciugo?
319:3 Kĩam 31:7; Ayub 6:9Rĩu mũrĩ kũndetia maita ikũmi;
mũũtharĩkĩire mũtarĩ na thoni.
4Angĩkorwo nĩ ma atĩ nĩhĩtĩtie njĩra,
ihĩtia rĩakwa rĩgũikara rĩrĩ thĩĩna wakwa.
519:5 Thab 35:26Mũngĩkorwo ti-itherũ nĩmũgwĩtũũgĩria igũrũ rĩakwa,
na mũgĩe na mweke wa kũnjũkĩrĩra nĩ ũndũ wa ũguo njonorithĩtio,
619:6 Ayub 18:8no kĩmenyei atĩ Ngai nĩwe ũũhĩtĩirie,
akandigiicĩria na wabu wake.
719:7 Thab 22:2; Hab 1:2-4“O na gũtuĩka nĩngayaga ngoiga atĩrĩ, ‘Ndĩĩmũhĩtĩrie!’ Niĩ ndirĩ ũndũ njookagĩrio;
o na gũtuĩka nĩhooyaga ndeithio, gũtirĩ kĩhooto nyonaga.
819:8 Maca 3:7; Koh 6:4Nĩahingĩire njĩra na niĩ ndingĩhota kũhĩtũka;
tũcĩra twakwa nĩatwĩkĩrĩte nduma.
919:9 Kĩam 43:28; Maca 5:16Nĩanjaũrĩte gĩtĩĩo gĩakwa,
na akanduta thũmbĩ mũtwe.
10Andarũrangaga kuuma mbarĩ ciothe nginya ngathira;
amunyaga mwĩhoko wakwa o ta mũtĩ.
1119:11 Ayub 16:9; Ayub 13:24Marakara make nĩmanjakanĩire;
andaraga hamwe na thũ ciake.
12Mbũtũ ciake cia ita injerekagĩra na hinya;
ciakaga ihumbu cia kũnjũkĩrĩra,
igathiũrũrũkĩria hema yakwa.
1319:13 Thab 69:8“Nĩanyamũranĩtie na ariũ a baba makaahutatĩra;
andũ arĩa tũyaine nao nĩmeĩndigithĩtie biũ.
1419:14 2Sam 15:12; Jer 20:10Andũ a mbarĩ ciitũ nĩmathiĩte makandiga;
arata akwa nĩmariganĩirwo nĩ niĩ.
1519:15 Kĩam 14:14; Koh 2:7Ageni akwa na ndungata ciakwa cia andũ-a-nja matuaga ta matanjũũĩ;
maanyonaga ta ndĩ mũndũ uumĩte kũndũ kũngĩ.
16Njĩtaga ndungata yakwa, no ndĩngĩnjĩtĩka,
o na ndĩmĩthaithĩte na kanua gakwa niĩ mwene.
1719:17 Thab 38:5Mĩhũmũ ya kanua gakwa nĩmĩnungu harĩ mũtumia wakwa;
nduĩkĩte wa kũmenwo harĩ ariũ a maitũ.
1819:18 2Ath 2:23O na tũhĩĩ tũrĩa tũnini nĩtũũnyararĩte,
rĩrĩa ndatuumĩrĩra no gũũthekerera tũũthekagĩrĩra.
1919:19 Thab 55:12-13; Joh 13:18Arata akwa arĩa manguhĩrĩirie othe nĩmathũire;
andũ arĩa nyendeete nĩmahutatĩire makaanjũkĩrĩra.
20Niĩ thirĩte ngatigara o gĩkonde na mahĩndĩ;
niĩ ndigarĩirwo no kĩni kĩa magego giiki.
21“Njiguĩrai tha, inyuĩ arata akwa, iguai tha,
nĩgũkorwo guoko kwa Ngai nĩkũngũthĩte.
2219:22 Thab 69:26; Isa 53:4Mũthingatanaga na niĩ o ta ũrĩa Mũrungu aathingataga nĩkĩ?
Mũtirĩ mũraiganwo nĩ nyama ciakwa?
2319:23 Thaam 17:14; Jer 17:1“Naarĩ korwo ciugo ciakwa nĩciandĩkĩtwo,
igakĩandĩkwo ibuku-inĩ rĩa gĩkũnjo,
24igakarwo na karamu ga kĩgera igũrũ rĩa ngocorai,
kana igakururwo rwaro-inĩ rwa ihiga itũũre nginya tene!
2519:25 Thab 78:35; Ayub 16:19Nĩnjũũĩ atĩ Mũngũũri arĩ muoyo,
na atĩ marigĩrĩrio-inĩ nĩwe ũkaarũgama thĩ ĩno.
2619:26 Math 5:8; 1Akor 13:12; 1Joh 3:2Nakĩo gĩkonde gĩkĩ gĩakwa kĩarĩkia gũthira,
na mwĩrĩ ũyũ wa nyama ũkorwo ũtarĩ ho,
hĩndĩ ĩyo nĩ ngoona Ngai;
27niĩ mwene nĩngamwĩonera na maitho,
niĩ mwene, ti mũndũ ũngĩ.
Ĩ ngoro yakwa ndĩkĩrĩ na wendo mũnene!
28“Mũngiuga atĩrĩ, ‘Ĩ nĩtũthingatane nake,
kuona atĩ nĩwe kĩhumo gĩa thĩĩna ũyũ,’
2919:29 Ayub 15:22; Koh 3:17inyuĩ ene nĩmwagĩrĩirwo nĩ gwĩtigĩra rũhiũ rwa njora;
nĩgũkorwo mangʼũrĩ nĩmakarehithia kũherithanio na rũhiũ rwa njora,
na hĩndĩ ĩyo nĩmũkamenya atĩ nĩ kũrĩ ũtuanĩri wa ciira.”
