Dwom 74
Asaf dwom.
1Ao Onyankopɔn, adɛn enti na woapo yɛn koraa yi?
Adɛn enti na wʼabofuo hye wʼadidibea nnwan?
2Kae nkurɔfoɔ a wotɔɔ wɔn teteete no,
abusua a ɛyɛ wʼagyapadeɛ a wogyee wɔn no,
Bepɔ Sion, baabi a woteɛ hɔ.
3Dane wo ho kyerɛ mmubuiɛ a ɛda so wɔ hɔ yi so,
saa ɔsɛeɛ a ɔtamfoɔ no de abrɛ wo kronkronbea no.
4Wʼatamfoɔ bobɔɔ mu wɔ baabi a wohyiaa yɛn no;
wɔasisi wɔn mfrankaa sɛ agyiraeɛhyɛdeɛ wɔ hɔ.
5Wɔyɛɛ wɔn sɛ nnipa a wɔrehwim mmonnua
de abubu nnua a ayɛ nkyɛkyerɛ.
6Wɔde wɔn mmonnua ne nname
bubuu nnua a wɔasene adi ho adwinneɛ no.
7Wɔhyee wo kronkronbea no dwerɛbee;
wɔguu baabi a wo Din teɛ no ho fi.
8Wɔkaa wɔ wɔn akoma mu sɛ, “Yɛbɛtiatia wɔn so ayɛ wɔn pasaa!”
Wɔhyee baabiara a wɔsom Onyankopɔn wɔ asase no so.
9Yɛnhunu wo nsɛnkyerɛnneɛ a ɛyɛ nwanwa biara bio;
adiyifoɔ no nyinaa asa,
na yɛn mu biara nnim nna dodoɔ a ɛbɛdie.
10Ao Onyankopɔn, wʼatamfoɔ bɛsere wo akɔsi da bɛn?
Wɔn a wɔkyiri woɔ no bɛgu wo din ho fi daa anaa?
11Adɛn enti na woatwe wo nsa, wo nsa nifa no?
Yi firi wʼatadeɛ mmobɔeɛ no mu na sɛe wɔn.
12Nanso, Ao Onyankopɔn, woyɛ me ɔhene firi tete;
wode nkwagyeɛ ba asase so.
13Ɛyɛ wo na wode wo tumi paee ɛpo mu no;
wopɛkyɛɛ nsuo mu ɔtweaseɛ no ti.
14Wopɛkyɛɛ Lewiatan no ti
na wode no maa ɛserɛ so abɔdeɛ sɛ wɔn aduane.
15Wo na womaa nsuwa ne nsutire tueeɛ;
na womaa nsubɔntene a ɛtene weweeɛ.
16Adekyeeɛ wɔ wo na adesaeɛ nso yɛ wo dea;
wode owia ne ɔsrane sisii hɔ.
17Ɛyɛ wo na wototoo asase so ahyeɛ nyinaa;
wobɔɔ ahuhuro ne awɔ mmerɛ.
18Ao Awurade, kae sɛdeɛ ɔtamfoɔ no sere woɔ,
sɛdeɛ nkwaseafoɔ agu wo din ho fi.
19Mfa wʼaborɔnoma nkwa mma nkekaboa;
mma wo werɛ mfiri wo nkurɔfoɔ a wɔrehunu amane no nkwa afebɔɔ.
20Ma wʼapam no ho nhia wo,
ɛfiri sɛ akakabensɛm ahyɛ asase no so sum ma.
21Mma wɔn a wɔahyɛ wɔn soɔ no anim nngu ase;
ma ahiafoɔ ne mmɔborɔfoɔ nkamfo wo din.
22Ao Onyankopɔn, ma wo ho so na ka wo ara wʼasɛm;
kae sɛdeɛ nkwaseafoɔ sere wo da mu nyinaa.
23Mmu wʼani ngu wɔn a wɔsɔre tia wo no nteateam so,
wʼatamfoɔ gyegyeegye a ɛkɔ soro daa no.
Psalm 74
A maskil of Asaph.
1God, why have you turned your back on us for so long?
Why are you so angry with us? We are your very own sheep.
2Remember the nation that you chose as your own so long ago.
Remember that you set us free from slavery to be your very own people.
Remember Mount Zion, where you lived.
3Walk through this place that has been torn down beyond repair.
See how completely your enemies have destroyed the temple!
4In the place where you used to meet with us,
your enemies have shouted, “We’ve won the battle!”
They have set up their flags to show they have beaten us.
5They acted like people cutting down a forest with axes.
6They smashed all the beautiful wooden walls
with their axes and hatchets.
7They burned your temple to the ground.
They polluted the place where your Name is.
8They had said in their hearts, “We will crush them completely!”
They burned every place where you were worshiped in the land.
9We don’t get signs from God anymore.
There aren’t any prophets left.
None of us knows how long that will last.
10God, how long will your enemies make fun of you?
Will they attack you with their words forever?
11Why don’t you help us? Why do you hold back your power?
Use your strong power to destroy your enemies!
12God, you have been my king for a long time.
You are the only God who can save anyone on earth.
13You parted the waters of the Red Sea by your power.
You broke the heads of that sea monster in Egypt.
14You crushed the heads of the sea monster Leviathan.
You fed it to the creatures of the desert.
15You opened up streams and springs.
You dried up rivers that flow all year long.
16You rule over the day and the night.
You created the sun and the moon.
17You decided where the borders of the earth would be.
You made both summer and winter.
18Lord, remember how your enemies have made fun of you.
Remember how foolish people have attacked you with their words.
19Don’t hand over Israel, your dove, to those wild animals.
Don’t forget your suffering people forever.
20Honor the covenant you made with us.
Horrible things are happening in every dark corner of the land.
21Don’t let your suffering people be put to shame.
May those who are poor and needy praise you.
22God, rise up. Stand up for your cause.
Remember how foolish people make fun of you all day long.
23Pay close attention to the shouts of your enemies.
The trouble they cause never stops.
