Wɔde Yesu Kɔ Pilato Anim
1Adeɛ kyeeɛ no, asɔfoɔ mpanin ne Yudafoɔ mpanin kɔɔ agyina, hwehwɛɛ ɛkwan a wɔbɛfa so ama Roma aban abu Yesu kumfɔ. 2Afei, wɔde nkɔnsɔnkɔnsɔn guu Yesu, de no baa Pilato a ɔyɛ Roma amrado no anim.
Yuda Ahonu
3Saa ɛberɛ no ara mu, Yuda a ɔyii Yesu maeɛ no hunuu sɛ wɔabu Yesu kumfɔ no, ɔnuu ne ho yie. Enti, ɔsane de sika a ɔgye firii asɔfoɔ mpanin ne Yudafoɔ mpanin no nkyɛn no brɛɛ wɔn kaa sɛ, 4“Mayɛ bɔne, ɛfiri sɛ, mayi onipa a ɔnyɛɛ bɔne biara ama.”
Wɔn nso kaa sɛ, “Ɛmfa yɛn ho. Wo ara wʼasɛm.”
5Ɔtoo sika no guu asɔredan no mu, firii hɔ kɔhyɛɛ ahoma.
6Asɔfoɔ mpanin no sesaa sika no kaa sɛ, “Yɛrentumi mfa saa sika yi mfra yɛn toɔ a yɛagyeɛ mu. Ɛfiri sɛ, yɛn mmara mma ho ɛkwan sɛ yɛbɛgye sika a wɔde abɔ awudie ho paa.” 7Wɔdwennwenee ho sii gyinaeɛ sɛ, wɔde sika no bɛtɔ asase bi a wɔtu hɔ dɔteɛ de nwono nkukuo, na wɔde ɛhɔ ayɛ amusieeɛ ama ahɔhoɔ a wɔbɛwu wɔ Yerusalem no. 8Enti na wɔda so frɛ saa asase no sɛ, “Mogya Asase” de bɛsi ɛnnɛ yi. 9Yei maa deɛ Odiyifoɔ Yeremia kaa sɛ, “Wɔgyee dwetɛ mpɔ aduasa, ɛboɔ a Israelfoɔ sese hunuu sɛ ɛfata, 10ɛnna wɔfiri mu tɔɔ asase firii anwomfoɔ nkyɛn, sɛdeɛ Awurade hyɛɛ me” no baa mu.
Yesu Gyina Pilato Anim
11Afei, wɔde Yesu bɛgyinaa Pilato a ɔyɛ Roma amrado no anim. Ɔbisaa Yesu sɛ, “Wone Yudafoɔ Ɔhene no anaa?”
Yesu buaa sɛ, “Wo na woaka.”
12Nanso, ɛberɛ a asɔfoɔ mpanin ne Yudafoɔ mpanin reka nsɛm gu Yesu so no, wankasa. 13Pilato bisaa no sɛ, “Wonte deɛ wɔreka no anaa?” 14Nanso, Yesu anka hwee ma ɛyɛɛ amrado no nwanwa.
Wɔbu Yesu Kumfɔ
15Na ɛyɛ amrado no amanneɛ sɛ afe biara Twam Afahyɛ no mu, ɔgyaa odeduani baako a ɔman no pɛ sɛ wɔgyaa no. 16Saa afe no mu, na onipa bɔnefoɔ bi a wɔfrɛ no Baraba nso da afiase. 17Anɔpa no a nnipadɔm no hyiaa wɔ Pilato ahemfie anim hɔ no, Pilato bisaa wɔn sɛ, “Hwan na mopɛ sɛ megyaa no ma mo, Baraba anaa Yesu, mo Agyenkwa no?” 18Na ɔnim pefee sɛ Yudafoɔ mpanin no de ɔtan na akyere Yesu ɛfiri sɛ, na wagye edin.
19Pilato gu so redi Yesu asɛm no, ne yere soma ma wɔbɛka kyerɛɛ no sɛ, “Gyaa onipa tenenee no na ɔnkɔ ne baabi ɛfiri sɛ, anadwo yi, mesoo ne ho daeɛ a ɛyɛ hu yie maa me ho yeraa me.”
20Nanso, asɔfoɔ mpanin ne Yudafoɔ mpanin kasa kyerɛɛ ɛdɔm no sɛ, wɔmmisa na wɔnnyaa Baraba mma wɔn na wɔnkum Yesu.
21Enti, ɛberɛ a amrado no sane bisaa wɔn sɛ, “Nnipa baanu yi mu hwan na mopɛ nɛ megyaa no ma mo?”
Na ɛdɔm no bɔ gyee so sɛ, “Baraba!”
22Pilato bisaa wɔn bio sɛ, “Sɛ saa deɛ a, ɛnneɛ ɛdeɛn na menyɛ Yesu, mo Agyenkwa no?”
Wɔn nyinaa bɔ gyee so bio sɛ, “Bɔ no asɛnnua mu!”
23Pilato bisaa wɔn sɛ, “Adɛn nti? Bɔne bɛn na wayɛ?”
Nanso, wɔkɔɔ so bɔ gyee so ara sɛ, “Bɔ no asɛnnua mu! Bɔ no asɛnnua mu!”
24Afei, Pilato hunuu sɛ ɔyɛ asɛm no ho hwee a ɛnyɛ yie na basabasayɛ reba no, ɔmaa wɔsaa nsuo guu adeɛ mu brɛɛ no, ma ɔhohoroo ne nsa wɔ ɛdɔm no anim kaa sɛ, “Menni saa onipa tenenee yi mogya ho fɔ. Deɛ ɛbɛba biara no yɛ mo asɛm!”
25Nnipadɔm no sane bɔ gyee so bio sɛ, “Ne mogya mmɛgu yɛn ne yɛn mma tiri so.”
26Afei Pilato yii Baraba firii afiase hɔ de no maa wɔn. Ɔbɔɔ Yesu mmaa wieeɛ no, ɔde no maa Roma asraafoɔ no sɛ wɔmfa no nkɔ nkɔbɔ no asɛnnua mu.
Yesu Ho Fɛdie
27Asraafoɔ no de Yesu kɔɔ amrado aban mu hɔ ɛnna wɔfrɛɛ asraafodɔm baa hɔ. 28Wɔyii Yesu atadeɛ a na ɛhyɛ no no de batakari kɔkɔɔ bi hyɛɛ no, 29ɛnna wɔde nkasɛɛ atentene nwonoo ɛkyɛ hyɛɛ no, ɛnna wɔde dua bi hyɛɛ ne nsa nifa sɛ ahempoma, ɛnna wɔbubuu nkotodwe wɔ nʼanim hyɛɛ aseɛ bɔ gyee so, dii ne ho fɛ sɛ, “Yudafoɔ Ɔhene, wo nkwa so.” 30Wɔtetee ntasuo guu ne so na wɔgyee dua no firii ne nsam de paa nʼapampam. 31Wɔdii ne ho fɛ wieeɛ no, wɔworɔɔ batakari kɔkɔɔ a wɔde hyɛɛ no no, de ɔno ankasa nʼatadeɛ no sane hyɛɛ no bio. Afei, wɔde no kɔeɛ sɛ wɔrekɔbɔ no asɛnnua mu.
Wɔbɔ Yesu Asɛnnua Mu
32Ɛberɛ a wɔde no rekɔ baabi a wɔbɔ asɛnnua mu hɔ no, wɔhyiaa ɔbarima bi a wɔfrɛ no Simon a ɔfiri Kirene a ɛwɔ Abibirem. Wɔhyɛɛ no ma ɔsoaa Yesu asɛnnua no bi. 33Wɔde Yesu kɔɔ baabi a wɔfrɛ hɔ sɛ Golgota a nʼasekyerɛ ne “Nitire So.” 34Ɛhɔ na asraafoɔ no maa no nsã nwononwono bi sɛ ɔnnom. Yesu kaa nʼano no, wannom. 35Afei, wɔbɔɔ no asɛnnua mu. Ɛno akyi, wɔbɔɔ nʼatadeɛ no so ntonto kyekyɛ faeɛ. 36Afei, wɔn nyinaa tenatenaa ase wɛnee no. 37Wɔtwerɛɛ nsɛm a wɔka guu ne so no bi fam nʼatifi sɛ,
“Yesu, Yudafoɔ Ɔhene No Ni.”
38Wɔbɔɔ awudifoɔ baanu bi asɛnnua mu kaa Yesu ho. Na ɔbaako sɛn ne nifa so ɛnna ɔbaako nso sɛn ne benkum so. 39Nnipa a wɔsen faa baabi a wɔbɔɔ Yesu asɛnnua mu hɔ no nyinaa wosoo wɔn ti, dii Yesu ho fɛ sɛ, 40“Ɛnyɛ wo na woseɛ sɛ wobɛtumi abubu asɔredan na wode nnansa asi no? Sɛ wo na woseɛ sɛ woyɛ Onyankopɔn Ba ampa ara a, ɛnneɛ siane firi asɛnnua no so si fam ma yɛnhwɛ!” 41Saa ara nso na asɔfoɔ mpanin ne Yudafoɔ mpanin bɛdii ne ho fɛ sɛ, 42“Ɔgye afoforɔ, nanso ɔntumi nnye ne ho! Sɛ wone Israelfoɔ ɔhene no ampa ara a, siane firi asɛnnua no so si fam, na yɛnnye wo nni. 43Ɔde ne ho too Onyankopɔn so. Afei, ma Onyankopɔn nnye no! Wanka nso sɛ, ‘Meyɛ Onyankopɔn Ba?’ ” 44Awudifoɔ bi a wɔbɔɔ wɔne no asɛnnua mu no nso hyɛɛ aseɛ dii ne ho fɛw.
Yesu Wuiɛ
45Ɛberɛ a wɔbɔɔ Yesu asɛnnua mu no, esum duruu asase so afanan nyinaa firi owigyinaeɛ kɔpem nnɔnmiɛnsa. 46Ɛbɛyɛ nnɔnmiɛnsa berɛ mu no, Yesu teaam denden sɛ, “Eli, Eli, lama sabaktani?” Aseɛ kyerɛ sɛ, “Me Onyankopɔn, me Onyankopɔn, adɛn enti na woagya me?”
47Wɔn a wɔgyina hɔ no bi ante aseɛ susuu sɛ ɔrefrɛ Elia.
48Wɔn mu baako tuu mmirika kɔfaa sapɔ bi de bɔɔ nsã nwononwono bi mu de tuaa dua bi so de brɛɛ Yesu sɛ ɔnnom. 49Nanso, nnipa no nkaeɛ no kaa sɛ, “Gyaa no na yɛnhwɛ sɛ Elia bɛba abɛgye no anaa.”
50Afei, Yesu teaam denden bio gyaee ne honhom mu wuiɛ.
51Ɛhɔ ara, ntoma a ɛtwa asɔredan no mu no mu suanee mmienu firi soro kɔsii fam. Asase wosoeɛ. Abotan mu paapaeɛ. 52Adamena so buebueeɛ maa ateneneefoɔ a wɔawuwuo nyanenyaneeɛ. 53Yesu wusɔreɛ akyi no, wɔfifirii wɔn adamena mu kɔɔ Yerusalem, kɔyii wɔn ho adi kyerɛɛ nnipa bebree.
54Asraafoɔ a wɔwɔ hɔ no hunuu asase wosoɔ ne nsɛm a ɛsisii hɔ no, wɔn akoma tuu yie, ma wɔkaa sɛ, “Ampa ara, onipa yi yɛ Onyankopɔn Ba.”
55Saa ɛberɛ no na mmaa bebree a Yesu ho dɔ enti, wɔdii nʼakyi firi Galilea no gyinagyina akyiri baabi rehwɛ deɛ ɛrekɔ so. 56Mmaa no bi ne Maria Magdalene ne Maria a ɔyɛ Yakobo ne Yosef maame. Na Sebedeo mmammarima no maame nso ka ho.
Wɔsie Yesu
57Ɛduruu anwummerɛ no, osikani bi a wɔfrɛ no Yosef a ɔfiri Arimatea a na ɔyɛ Yesu suani no 58kɔɔ Pilato hɔ kɔsrɛɛ no sɛ ɔmfa Yesu amu no mma no. Ɛnna Pilato hyɛɛ sɛ wɔmfa amu no mma no. 59Yosef faa amu no de nwera kyekyeree ho, 60na ɔde no kɔtoo ɔno ankasa ne boda foforɔ bi a wɔatwa mu, piree ɛboɔ kɛseɛ bi hinii ano, ansa na ɔregya hɔ akɔ. 61Maria Magdalene ne Maria baako no deɛ, na wɔte nkyɛn baabi rewɛn ɔboda no.
Wɔwɛn Ɔboda No
62Adeɛ kyeeɛ a ɛyɛ da a ɛdi Twam Afahyɛ no ahosiesie akyi no, asɔfoɔ mpanin ne Farisifoɔ no kɔɔ Pilato nkyɛn, 63kɔka kyerɛɛ no sɛ, “Owura, ɔtorofoɔ no kaa ɛberɛ bi sɛ, ‘Nnansa akyi no, mɛsane aba nkwa mu bio.’ 64Yei enti, ma yɛn ɛkwan na yɛnkɔtare ɔboda no ano nkɔsi nnansa, sɛdeɛ ɛbɛyɛ a, nʼasuafoɔ no ntwa wɔn ho nkɔwia amu no mmɔ no dawuro sɛ wasɔre afiri awufoɔ mu. Na sɛ ɛkɔba saa deɛ a, anka akyire no nnaadaa bɛsene kane deɛ no.”
65Pilato ka kyerɛɛ wɔn sɛ, “Mowɔ awɛmfoɔ. Momma wɔnkɔwɛn.” 66Enti, wɔkɔtaree ɔboda no ano, maa awɛmfoɔ kɔwɛneeɛ sɛdeɛ ɛbɛyɛ a, obiara ntumi nkɔwura hɔ nkɔwia amu no.
猶大的下場
1到了清晨，眾祭司長和民間的長老商定要處死耶穌。 2他們把祂綁起來，押送到總督彼拉多那裡。
3出賣耶穌的猶大看見耶穌被定了罪，感到很後悔，就把那三十塊銀子還給祭司長和長老，說： 4「我出賣了清白無辜的人，我犯罪了！」
他們說：「那是你自己的事，跟我們有什麼關係？」
5猶大把錢扔在聖殿裡，出去上吊自盡了。
6祭司長們撿起銀子，說：「這是血錢，不可收進聖殿的庫房。」 7他們商議，決定用這些錢買下陶匠的地作為埋葬異鄉人的墳場。 8那塊地至今被稱為「血田」。 9這就應驗了耶利米先知的話：「他們用以色列人給祂估定的三十塊銀子， 10買了陶匠的一塊田，正如主指示我的。」
耶穌在彼拉多面前受審
11耶穌站在總督面前受審。總督問：「你是猶太人的王嗎？」
耶穌說：「如你所言。」
12當祭司長和長老控告祂時，祂一句話也不說。 13彼拉多就問：「你沒聽見他們對你的諸多控告嗎？」 14耶穌仍然一言不發，彼拉多感到十分驚奇。
15每逢逾越節，總督會照慣例按民眾的選擇釋放一個犯人。 16那時，有一個惡名昭彰的囚犯名叫巴拉巴。 17百姓聚在一起的時候，彼拉多就問他們：「你們要我給你們釋放誰？巴拉巴還是被稱為基督的耶穌？」 18因為彼拉多知道他們把耶穌抓來是因為嫉妒。
19彼拉多正坐堂斷案時，他夫人派人來對他說：「你不要插手這個義人的事！我今天在夢中因為這個人受了許多苦。」
20祭司長和長老卻慫恿百姓要求釋放巴拉巴，處死耶穌。 21總督再次問百姓：「這兩個人，你們要我釋放哪一個？」他們說：「巴拉巴！」
22彼拉多問：「那麼，我怎樣處置那個被稱為基督的耶穌呢？」
他們齊聲說：「把祂釘在十字架上！」
23彼拉多問：「為什麼？祂犯了什麼罪？」
他們卻更大聲地喊叫：「把祂釘在十字架上！」
24彼拉多見再說也無濟於事，反而會引起騷亂，於是拿了一盆水來，在眾人面前洗手，說：「流這義人的血，罪不在我，你們自己負責。」
25眾人都說：「流祂血的責任由我們和我們的子孫承擔！」
26於是，彼拉多為他們釋放了巴拉巴，下令將耶穌鞭打後，帶出去釘十字架。
耶穌受辱
27士兵把耶穌押進總督府，叫全營的士兵都聚集在祂周圍。 28他們剝下耶穌的衣服，替祂披上一件朱紅色的長袍， 29用荊棘編成冠冕，戴在祂頭上，又拿一根葦稈放在祂右手裡，跪在祂跟前戲弄祂，說：「猶太人的王萬歲！」 30然後向祂吐唾沫，拿過葦稈打祂的頭。 31他們戲弄完了，就脫去祂的袍子，給祂穿上原來的衣服，把祂押出去釘十字架。
釘十字架
32路上，他們遇見一個叫西門的古利奈人，就強迫他背耶穌的十字架。
33來到一個地方，名叫各各他——意思是「髑髏地」， 34士兵給耶穌喝摻了苦膽汁的酒，祂嚐了一口，不肯喝。
35他們把耶穌釘在十字架上，還抽籤分了祂的衣服， 36然後坐在那裡看守。 37他們在祂頭頂上掛了一個牌子，上面寫著祂的罪狀：「這是猶太人的王耶穌」。 38有兩個強盜也被釘在十字架上，一個在祂右邊，一個在祂左邊。 39過路的人都嘲笑祂，搖著頭說： 40「你這聲稱把聖殿拆毀又在三天內重建的人啊，救救自己吧！你要是上帝的兒子，就從十字架上下來吧！」
41祭司長、律法教師和長老也嘲諷說： 42「祂救了別人，卻救不了自己！祂要是以色列的王，就從十字架上跳下來吧！我們就信祂。 43祂說信靠上帝，如果上帝喜悅祂，就讓上帝來救祂吧！因為祂自稱是上帝的兒子。」 44甚至跟祂一同被釘十字架的強盜也這樣嘲笑祂。
耶穌之死
45從正午一直到下午三點，黑暗籠罩著整個大地。 46大約下午三點，耶穌大聲呼喊：「以利，以利，拉馬撒巴各大尼？」意思是：「我的上帝，我的上帝，你為什麼離棄我？」
47有些站在旁邊的人聽見了，就說：「這人在呼叫以利亞呢。」 48其中一人連忙跑去拿了一塊海綿，蘸滿酸酒，綁在葦稈上送給祂喝。 49其他人卻說：「等一下！我們看看以利亞會不會來救祂。」
50耶穌又大喊了一聲，就斷了氣。
51就在那時，聖殿裡的幔子從上到下裂成兩半，大地震動，岩石崩裂， 52墳墓打開，很多死去的聖徒復活過來。 53他們在耶穌復活後離開墳墓，進聖城向許多人顯現。
54看守耶穌的百夫長和士兵看見地震及所發生的一切，都很害怕，說：「這人真是上帝的兒子啊！」 55有好些婦女在遠處觀看，她們從加利利就跟隨了耶穌，服事祂。 56其中有抹大拉的瑪麗亞、雅各和約西的母親瑪麗亞以及西庇太兩個兒子的母親。
封石守墓
57傍晚，從亞利馬太來了一位名叫約瑟的富人，他是耶穌的門徒。 58他去求見彼拉多，要求領取耶穌的遺體，彼拉多就下令把耶穌的遺體交給他。 59約瑟領了遺體，用乾淨的細麻布裹好， 60安放在他為自己在岩壁上鑿出的新墓穴裡，並滾來一塊大石頭封閉墓穴的入口，然後離去。 61那時，抹大拉的瑪麗亞和另一個瑪麗亞坐在墳墓的對面。
62第二天，就是預備日之後的那天，祭司長和法利賽人一起來見彼拉多，說： 63「總督大人，我們記得那個騙子生前曾說，『三天之後，我必復活』， 64所以請你命人看守墳墓三天，以防祂的門徒偷走祂的屍體，然後對百姓說祂已經從死裡復活。這樣的迷惑會比以前的更厲害！」
65彼拉多說：「你們帶上衛兵，去那裡嚴加看守。」
66他們就帶著衛兵去了，在墓口的石頭上貼上封條，派人看守墓穴。
