Si Jehoshafat nga Hari sa Juda
1Ang mipuli kang Asa ingon nga hari mao ang iyang anak nga si Jehoshafat. Gipalig-on ni Jehoshafat ang iyang gingharian batok sa Israel. 2Gibutangan niyag mga sundalo ang tanang pinarilan nga mga lungsod sa Juda, ug gibutangan niyag mga kampo sa mga sundalo ang Juda ug ang mga lungsod sa Efraim nga nailog sa iyang amahan nga si Asa. 3Giubanan sa Ginoo si Jehoshafat tungod kay sa unang mga tuig sa iyang paghari gisunod niya ang pagkinabuhi sa iyang katigulangan nga si David. Wala siya modangop sa mga imahen ni Baal 4kondili ngadto sa Dios sa iyang amahan ug mituman sa iyang kasugoan imbis nga mosunod sa binuhatan sa mga taga-Israel. 5Gilig-on sa Ginoo ang gingharian ni Jehoshafat. Nagdalag mga gasa ang tanang taga-Juda ngadto kaniya, ug nahimo siyang labihan kaadunahan ug tinahod.
6Nagmatinud-anon siya sa pagsunod sa mga pamaagi sa Ginoo. Gipangguba niya ang mga simbahanan diha sa habog nga mga dapit ug ang mga poste nga simbolo sa diosa nga si Ashera nga gikan sa Juda.
7Sa ikatulo nga tuig sa iyang paghari, gipalakaw niya ang iyang mga opisyal nga sila si Ben Hail, Obadia, Zacarias, Netanel, ug Micaya aron sa pagpanudlo sa mga lungsod sa Juda. 8Kauban nila ang mga Levita nga sila si Shemaya, Netania, Zebadia, Asahel, Shemiramot, Jehonatan, Adonia, Tobia, Tob Adonia, ug ang mga pari nga sila si Elishama ug Jehoram. 9Gidala nila ang Libro sa Kasugoan sa Ginoo ug milibot sila sa tanang mga lungsod sa Juda ug nanudlo sa mga tawo.
10Nahadlok sa Ginoo ang tanang mga gingharian sa palibot sa Juda, busa wala kanilay nakiggira kang Jehoshafat. 11Ang uban nga mga Filistihanon nagdala kang Jehoshafat ug mga gasa ug pilak ingon nga buhis. Ug ang mga Arabo nagdala kaniyag 7,700 ka mga karnero ug 7,700 ka mga kanding. 12Busa misamot ang pagkagamhanan ni Jehoshafat. Nagpatukod siyag mga depensa sa Juda ug mga lungsod nga butangan ug mga bodega. 13Daghang mga kahimanan ang gitigom niya sa mga lungsod sa Juda. Nagbutang usab siyag mga hanas ug maisog nga mga sundalo didto sa Jerusalem. 14Ang iyang mga sundalo nalista sumala sa ilang mga kagikan nga gigrupo sa tag-1,000. Si Adnah maoy komander sa 300,000 ka maisog nga mga sundalo nga taga-Juda. 15Ang sunod kaniya mao si Jehohanan nga komander sa 280,000 ka mga sundalo. 16Sunod mao si Amasia nga anak ni Zicri, nga komander sa 200,000 ka maisog nga mga sundalo. Miboluntaryo siya alang sa buluhaton sa Ginoo.
17Si Eliada, nga usa ka banggiitan nga sundalo, mao ang komander sa 200,000 ka mga sundalo nga taga-Benjamin. Kini nga mga sundalo sangkap sa mga taming ug mga pana. 18Ang sunod kaniya mao si Jehozabad nga komander sa 180,000 ka armado nga mga sundalo.
19Mao kini sila ang mga tawong nagaalagad sa hari gawas sa mga sundalo nga iyang gibutang sa pinarilan nga mga lungsod sa tibuok nga Juda.
猶大王約沙法
1亞撒的兒子約沙法繼位，他發憤圖強對抗以色列。 2他派兵駐守猶大所有的堅城，又把守備軍安置在猶大和他父親亞撒所征服的以法蓮各城邑。 3耶和華與約沙法同在，因為他效法他祖先大衛起初所行的，沒有尋求巴力， 4只尋求他父親的上帝，遵行祂的誡命，沒有效法以色列人的行為。 5因此，耶和華鞏固他的王位，所有的猶大人都向他進貢，他極有財富和尊榮。 6他專心遵行耶和華的道，剷除猶大境內的邱壇和亞舍拉神像。
7他在執政第三年委派官員便·亥伊勒、俄巴底、撒迦利雅、拿坦業和米該亞到猶大各城教導民眾， 8與他們同去的還有利未人示瑪雅、尼探雅、西巴第雅、亞撒黑、示米拉末、約拿單、亞多尼雅、多比雅和駝·巴多尼雅，還有祭司以利沙瑪和約蘭。 9他們帶著耶和華的律法書，走遍猶大各城鎮教導民眾。 10猶大周圍的列國都懼怕耶和華，不敢與約沙法爭戰。 11一些非利士人向他進貢禮物和銀子，阿拉伯人也給他送來公綿羊和公山羊各七千七百隻。
12約沙法日漸強大，在猶大境內修建堡壘和儲貨城， 13在猶大各城儲備大量物資。他又在耶路撒冷屯駐精兵， 14其人數按宗族記在下面。
猶大族有千夫長押拿，率領精兵三十萬； 15其次是千夫長約哈難，率領軍兵二十八萬； 16其次是自願事奉耶和華的細基利的兒子亞瑪斯雅，率領精兵二十萬。 17便雅憫族有勇士以利雅大，率領手持弓箭和盾牌的軍兵二十萬； 18其次是約薩拔，率領全副武裝的軍兵十八萬。 19以上都是服侍王的軍兵，不包括王派去駐守猶大各堅城的軍兵。
