Asase A Aka No Mu Kyekyɛ
1Afei a asase no abedi Israelfo nsam no, Israelfo nyinaa boaa wɔn ho ano wɔ Silo18.1 Silo a efi Yerusalem kɔ hɔ no yɛ kilomita aduanan no bɛyɛɛ amanyɛsɛm ne gyidi som man wɔ Israel. Na Ahyiae Ntamadan no si hɔ ara kosii Samuel bere so (1 Sam 4.1-11) a wɔde kɔɔ Gibeon (1 Be 21.29). na wosii hyiadan. 2Nanso na aka mmusuakuw ason a wɔmfaa wɔn kyɛfa no mmaa wɔn ɛ.
3Enti Yosua bisaa wɔn se, “Moretwɛn akosi da bɛn ansa na moafa asase no nkae a Awurade, mo agyanom Nyankopɔn de ama mo no? 4Munyi nnipa baasa mfi abusuakuw biara mu na mɛsoma wɔn ama wɔakɔsra baabi a wonnii hɔ so no. Wɔsan ba a, wɔbɛkyerɛw nea wohui agu krataa so akyerɛ me sɛnea wɔbɛkyekyɛ agyapade no. 5Akwansrafo no bɛkyekyɛ asase no mu ason, na wɔmmfa Yuda asase a ɛda anafo fam ne Yosef asase a ɛwɔ atifi fam no nka ho. 6Afei, mɛbɔ ntonto a ɛho tew wɔ Awurade, yɛn Nyankopɔn anim, apɛ baabi a wɔde bɛma abusuakuw biara. 7Nanso Lewifo no rennya asase biara. Wɔn dwumadi sɛ Awurade asɔfo no bɛyɛ wɔn agyapade. Na Gad ne Ruben mmusuakuw ne Manase abusuakuw fa no nso nnya asase no bi bio, efisɛ wɔanya wɔn agyapade a Mose a ɔyɛ Awurade somfo de maa wɔn wɔ Asubɔnten Yordan apuei fam no dedaw.”
8Mmarima a wɔrekosusuw asase no rebɛkɔ no, Yosua hyɛɛ wɔn sɛ, “Monkɔkyekyɛ asase no, na monsan mfa nea muhui ho nsɛm a moakyerɛw agu krataa so mmrɛ me, na menam ntontobɔ kronkron a wɔbɛbɔ no Awurade anim wɔ Silo no so de asase no bɛma mmusuakuw no.” 9Mmarima no yɛɛ sɛnea wɔhyɛɛ wɔn no, kyekyɛɛ asase no nyinaa mu ason, kyerɛw nkurow a ɛwɔ asase no nkyekyɛ mu biara so. Wɔsan kɔɔ Yosua nkyɛn wɔ Silo atenae hɔ.
10Silo hɔ na Yosua bɔɔ ntonto kronkron wɔ Awurade anim de pɛɛ asasetaw a ɛsɛ sɛ abusuakuw biara fa.
Asase A Wɔde Maa Benyamin
11Asase no nkyekyɛ mu a edi kan no kɔɔ mmusua a ɛwɔ Benyamin abusuakuw no nsam. Na ɛda nsase a wɔde maa Yuda ne Yosef mmusuakuw no ntam.
12Atifi fam hye no fi Asubɔnten Yordan kɔ Yeriko nsian no atifi, na afei, afa bepɔw mantam ne Bet-Awen sare so akɔ atɔe fam. 13Ɔhye no fi hɔ kɔ Lus (a ɛyɛ Bet-El) wɔ anafo fam, na ɛtoa so kɔ Atarot-Adar ne bepɔw atifi a ɛwɔ Bet-Horon Anafo wɔ anafo fam.
14Afei ɔhye no fa anafo fam, nam bepɔw a anim hwɛ Bet-Horon wɔ atɔe fam no ntentenso, kosi Kiriat-Yearim, a ɛyɛ Kiriat-Baal akuraa; Yuda abusuakuw no nkurow no mu baako. Eyi ne atɔe fam hye.
15Anafo fam hye no, fi Kiriat-Yearim mfikyiri. Efi hɔ fa atɔe fam kɔ Neftoa nsuwansuwa asuti ho, 16na asian akɔ bepɔw a ɛwɔ Hinom bon a ɛwɔ Refaim bon no atifi fam no ase. Ɛtoa so kɔ Hinom wɔ anafo fam, na atwam wɔ nsian a na Yebusifo te no anafo fam na akodu En-Rogel. 17Ɔhye no fi En-Rogel a ɛkɔ atifi fam, kosi En-Semes na atoa so akɔpem Gelilot a ɛne Adumim di nhwɛanim na afei asian akɔ Bohan a na ɔyɛ Ruben babarima no bo ho. 18Ɛtoa so fa nsian a ɛhwɛ Yordan Bon no atifi fam. Afei ɔhye no kɔ obon no mu, 19ɛkɔfa Bet-Hogla nsian no atifi fam na akɔpem Nkyene Po no atifi awiei ano a ɛyɛ Asubɔnten Yordan anafo fam abɔe.
20Apuei fam hye no yɛ Asubɔnten Yordan.
Eyi ne agyapade a wɔde maa mmusua a wɔbɔ mu yɛ Benyamin abusuakuw no.
Nkurow A Wɔde Maa Benyamin
21Nkurow a wɔde maa mmusua a wɔbɔ mu yɛ Benyamin abusuakuw na edidi so yi:
Yeriko, Bet-Hogla ne Emek-Kesis, 22Bet-Araba, Semaraim ne Bet-El, 23Awim, Para ne Ofra, 24Kefar-Amonai, Ofni ne Geba, nkurow dumien ne wɔn nkuraa.
25Gibeon, Rama ne Beerot, 26Mispa, Kefira ne Mosa, 27Rekem, Yirpeel ne Tarala, 28Sela, Ha-Elef ne Yebusifo kuropɔn (a ɛyɛ Yerusalem), Gibea ne Kiriat-Yearim, nkurow dunan ne wɔn nkuraa.
Eyi ne agyapade a wɔde maa mmusua a wɔbɔ mu yɛ Benyamin abusuakuw no.
其餘土地的分配
1征服了這些地方以後，以色列全體會眾都聚集在示羅，把會幕設立在那裡。 2這時，以色列還有七個支派沒有分到產業。 3約書亞對他們說：「你們等到什麼時候才去佔領你們祖先的上帝耶和華賜給你們的土地呢？ 4你們每支派要派出三個人，我要差他們去偵察，按各支派應得的土地繪製地圖，然後回來稟告我。 5他們要把土地劃分作七份。猶大要留在南部自己的領土上，約瑟家族要留在北部自己的領土上。 6你們把這七份土地繪成地圖交給我，我要在我們的上帝耶和華面前為你們抽籤。 7你們當中的利未人沒有份，因為做耶和華的祭司這職任就是他們的產業。至於迦得支派、呂便支派和瑪拿西半個支派，摩西已把約旦河東的土地分給他們了。」
8那些畫地圖的人啟程出發的時候，約書亞囑咐他們說：「你們要走遍那裡，繪製地圖，然後回來稟告我，我要在示羅，在耶和華面前為你們抽籤。」 9於是，他們走遍那裡，把所有城邑分作七份，繪在冊上，然後回到示羅見約書亞。 10約書亞便在示羅按照以色列的支派，在耶和華面前為他們抽籤分地。
便雅憫支派分到的土地
11便雅憫支派按宗族抽籤分到的領土，座落在猶大和約瑟支派的領土之間。 12他們北部的邊界從約旦河起，沿耶利哥北面的山坡直上，往西穿過山區，直到伯·亞文的曠野； 13從那裡經路斯，即伯特利南面山坡到下伯·和崙南面山區的亞他綠·亞達。 14西面的邊界自伯·和崙對面山的西側向南直到猶大人的基列·巴力，即基列·耶琳。 15南部邊界從基列·耶琳的邊界開始向西直到尼弗多亞的水泉， 16又往下到欣嫩子谷對面的山麓，也就是利乏音谷北邊，然後往南，經欣嫩谷到耶布斯山南部，直到隱·羅結； 17然後，向北先後到隱·示麥，亞都冥山坡對面的基利綠，呂便的兒子波罕所立的大石， 18以及亞拉巴的對面，再往北下到亞拉巴； 19又沿著伯·曷拉的北面直到鹽海的北岸，也就是約旦河的南部河口。這是南部的邊界。 20東面以約旦河為界。這是便雅憫人按宗族分到的土地和四周的邊界。
21以下是便雅憫支派按宗族分到的城邑：耶利哥、伯·曷拉、伊麥·基悉、 22伯·亞拉巴、西瑪蓮、伯特利、 23亞文、巴拉、俄弗拉、 24基法·阿摩尼、俄弗尼、迦巴，共十二座城及其附近的鄉村。 25還有基遍、拉瑪、比錄、 26米斯巴、基非拉、摩撒、 27利堅、伊利毗勒、他拉拉、 28洗拉、以利弗、耶布斯——即耶路撒冷、基比亞、基列，共十四座城及其附近的鄉村。
這就是便雅憫各宗族所分到的土地。
