Yesu Sa Nyarewa
1Bere a Yesu sian bepɔw no, dɔm dii nʼakyi. 2Ɔkwatani bi baa Yesu nkyɛn bɛkotow no srɛɛ no se, “Me wura, mesrɛ wo, sɛ ɛyɛ wo pɛ a, sa me yare.”
3Yesu teɛɛ ne nsa de kaa ɔkwatani no kae se, “Mɛsa wo yare. Wo ho mfi!” Amono mu hɔ ara, kwata no fii ne ho. 4Yesu ka kyerɛɛ no se, “Wo ne obiara nni wʼayaresa yi ho nkɔmmɔ. Kɔ na fa wo ho kɔkyerɛ ɔsɔfo, na bɔ afɔre a Mose hyɛɛ sɛ wɔmmɔ sɛ adansede no.”
5Yesu kɔɔ Kapernaum. Oduu hɔ no, Roma asraafo ɔha so panyin bi baa ne kyɛn bebuu no nkotodwe kae se, 6“Awurade, mʼabofra abubu gu hɔ a ɔrehu amane; mesrɛ wo, bɛsa no yare ma me.”
7Yesu ka kyerɛɛ no se, “Mɛba abɛsa no yare.”
8Asraafo ha so panyin no tee Yesu asɛm a ɔkae no, ɔkae se, “Awurade, memfata sɛ woba me fi. Ka biribi na mʼabofra no ho bɛyɛ no den. 9Meyɛ obi a mehyɛ tumi ase, na mesan wɔ asraafo a wɔhyɛ mʼase. Meka kyerɛ wɔn mu bi sɛ ɔnkɔ a, ɔkɔ. Meka kyerɛ ɔfoforo se ɔmmra a, ɔba. Saa ara nso na mehyɛ me somfo sɛ ɔnyɛ biribi a, ɔyɛ ara ne no.”
10Yesu tee saa asɛm no, ɛyɛɛ no nwonwa. Ɔdan nʼani, ka kyerɛɛ nnipadɔm a wodi nʼakyi no se, “Israelman mu nyinaa, minhuu gyidi a ɛte sɛɛ da. 11Na mereka akyerɛ mo se, nnipa pii befi apuei ne atɔe aba na wɔne Abraham, Isak ne Yakob abɛtena ase wɔ ɔsoro Ahenni no mu. 12Na Israelfo a wosiesiee ɔsoro ahenni maa wɔn no mu pii wɔ hɔ a wɔde wɔn nsa begu wɔn ti atwa agyaadwo na wɔatow wɔn agu sum kabii mu ama ɔyaw.”
13Yesu ka kyerɛɛ asraafo so panyin no se, “Kɔ fie. Nea wugye di no mmra mu saa mma wo!” Abofra no ho tɔɔ no saa bere no ara mu!
Yesu Sa Petro Ase Yare
14Yesu kɔɔ Petro fi. Ɔkɔtoo sɛ atiridii akyere Petro asebea ma ɔda hɔ. 15Yesu soo ne nsa mu maa atiridii no tu fii no so. Ɔsɔre noaa aduan maa wɔn.
16Saa da no anwummere no, wɔde wɔn a wɔwɔ ahonhommɔne pii brɛɛ Yesu. Nʼanom asɛm a ɔkae no maa ahonhommɔne no nyinaa tu yerae, na wɔn a wɔyare no nyinaa nso ho tɔɔ wɔn. 17Eyi maa nea Odiyifo Yesaia kae se,
“Ɔfaa yɛn ahoɔmmerɛw,
na ɔsoaa yɛn nyarewa nyinaa” no baa mu.
Yesu Akyidi
18Yesu huu sɛ dɔm no redɔɔso no, ɔka kyerɛɛ nʼasuafo no se, wontwa ɔtare no nkɔ nʼagya nohɔ. 19Ɛhɔ ara Yudani kyerɛkyerɛfo bi ka kyerɛɛ Yesu se, “Kyerɛkyerɛfo, baabiara a wobɛkɔ no, medi wʼakyi!”
20Yesu buaa no se, “Sakraman wɔ wɔn abon, wim nnomaa nso wɔ mmerebuw, nanso me, Onipa Ba no de, minni baabi a mede me ti to!”
21Asuafo no mu baako bɛka kyerɛɛ no se, “Owura, ma me kwan na minkosie mʼagya ansa na mabedi wʼakyi.”
22Nanso Yesu ka kyerɛɛ no se, “Di mʼakyi. Wɔn a wɔawu no nsie wɔn awufo.”
Yesu Brɛ Ahum Ase
23Yesu saa nyarewa no wiee no, ɔkɔtenaa ɔkorow mu na nʼasuafo no dii nʼakyi. 24Prɛko pɛ, ahum kɛse bi tu maa asorɔkye bu bɛkataa ɔkorow no so. Nanso na Yesu de, wada. 25Nʼasuafo no de nteɛteɛmu kɔɔ ne nkyɛn, konyan no kae se, “Awurade! Gye yɛn na yɛreyɛ amem!”
26Yesu nyanee no, ɔka kyerɛɛ wɔn se, “Mo a mo gyidi sua, adɛn na moabɔ hu saa?” Ɛhɔ ara, ɔsɔre teɛteɛɛ ahum ne asorɔkye no ma ɛyɛɛ dinn.
27Asuafo no ho dwiriw wɔn yiye. Wobisabisaa wɔn ho wɔn ho se, “Onipa bɛn mpo ni a ahum ne ɛpo tie no yi?”
Yesu Tu Ahohommɔne
28Yesu ne nʼasuafo no duu asuogya wɔ Gadarafo asase so no, nnipa baanu bi a ahonhommɔne wɔ wɔn so fii amusiei behyiaa no. Esiane sɛ na saa nnipa yi yɛ keka nti, na obiara ntumi mfa faako a wɔwɔ hɔ. 29Wohuu no pɛ, wofii ase teɛteɛɛ mu se, “Onyankopɔn Ba, dɛn na worehwehwɛ afi yɛn nkyɛn? Woaba ha sɛ worebɛyɛ yɛn ayayade wɔ bere a mmere no nsoe ana?”
30Saa bere koro no ara mu, na mprakokuw bi redidi wɔ nkyɛn baabi. 31Ahonhommɔne no srɛɛ Yesu se, “Sɛ wutu yɛn a, fa yɛn kɔhyɛ mprakokuw yi mu.”
32Yesu teɛɛ wɔn se, “Mumfi!” Ɛhɔ ara ahonhommɔne no fii nnipa no mu, kowuraa mprako no mu. Mprakokuw no nyinaa de mmirika sian bepɔw no, koguu ɛpo no mu ma ɛfaa wɔn. 33Ntɛm ara, wɔn a wɔhwɛ mprako no so no tuu mmirika kɔɔ kurom, kɔkaa nea asi no kyerɛɛ nkurɔfo. 34Kurom hɔfo no tee nea aba no, wɔbɔɔ twi kɔɔ nea Yesu wɔ hɔ no. Wohuu Yesu no, wɔsrɛɛ no sɛ omfi wɔn man mu hɔ nkɔ.
痲瘋病痊癒
1耶穌下山的時候，有許多人跟著。 2有一個患痲瘋病的人跑來跪在祂跟前，說：「主啊，如果你肯，一定能使我潔淨。」
3耶穌伸手摸他，說：「我肯，你潔淨了吧！」那人的痲瘋病就立刻潔淨了。
4耶穌對他說：「不要把這事告訴別人，要去讓祭司查看你的身體，並且照摩西的規定獻祭，向眾人證明你已經潔淨了。」
百夫長的信心
5耶穌到了迦百農，一個百夫長前來向祂求助，說： 6「主啊，我的僕人癱瘓，躺在家裡，非常痛苦。」
7耶穌說：「我這就去醫治他。」
8百夫長說：「主啊，我不配讓你親自來我家。你只要說一句話，我僕人就會痊癒。 9因為我有上司，也有部下。我命令我的部下去，他就去；要他來，他就來。我吩咐僕人做什麼事，他一定照辦。」
10耶穌聽了，感到驚奇，便對跟隨祂的人說：「我實在告訴你們，我在以色列從未見過信心這麼大的人。 11我告訴你們，將來有許多從東從西來的人會在天國與亞伯拉罕、以撒和雅各一同歡宴。 12但那些本應承受天國的人反會被趕出去，在黑暗裡哀哭切齒。」
13耶穌對百夫長說：「你回去吧！就照你所信的給你成就。」就在那時候，他的僕人便痊癒了。
治病趕鬼
14耶穌來到彼得家，看見彼得的岳母正在發燒，躺在床上。 15耶穌一摸她的手，燒就退了。她便起來服侍耶穌。
16當天晚上，有人帶著許多被鬼附身的人來見耶穌。耶穌一句話就把鬼趕出去了，並醫好了所有的病人。 17這是要應驗以賽亞先知的話：「祂擔當了我們的軟弱，背負了我們的疾病。」
跟從耶穌的代價
18耶穌看到人群圍著祂，就吩咐門徒渡到湖對岸。 19這時，有一位律法教師上前對耶穌說：「老師，無論你往哪裡去，我都要跟從你。」
20耶穌說：「狐狸有洞，飛鳥有窩，人子卻沒有安枕之處。」
21另一個門徒對耶穌說：「主啊，請讓我先回去安葬我的父親。」 22耶穌對他說：「跟從我，讓死人去埋葬他們的死人吧！」
平靜風浪
23耶穌上了船，門徒也跟著祂上了船。 24忽然，湖面上狂風大作，波濤洶湧，船快要被巨浪吞沒，耶穌卻在睡覺。
25門徒連忙叫醒耶穌，說：「主啊，救命！我們快淹死了！」
26耶穌答道：「你們的信心太小了，為什麼害怕呢？」於是祂起來斥責風和浪，風浪就完全平靜了。
27門徒很驚奇，說：「祂究竟是什麼人？連風浪都聽祂的！」
治好兩個被鬼附身的人
28耶穌到了對岸加大拉8·28 「加大拉」即格拉森地區。人的地方，有兩個被鬼附身的人從墳地裡出來見祂。他們非常凶惡，沒有人敢從那裡經過。 29他們喊著說：「上帝的兒子啊！我們和你有什麼關係？時候還沒有到，你就來叫我們受苦嗎？」
30當時，有一大群豬在附近吃食。 31鬼就哀求耶穌：「如果你要趕我們出去，就讓我們進入豬群吧！」
32耶穌說：「去吧！」
於是，鬼從那二人身上出來，進入豬群，整群豬就一路奔下陡坡，衝進湖裡淹死了。 33放豬的人逃進城，把事情的經過以及被鬼附身者的遭遇告訴了城裡的人。 34於是，全城的人都出來見耶穌，見到後，便請求祂離開那地方。
