Salmo 30:8-12 HLGN

Select book
Select chapter

Salmo 30:8-12

Nagpanawag ako sa imo, Ginoo, nga nagapakitluoy.

Siling ko,

“Ano bala ang makuha mo kon mapatay ako?

Makadayaw bala sa imo ang patay nga tawo?

Makasugid bala siya sang imo katutom?

Ginoo, pamatii ako kag kaluoyi.

Buligi ako!”

Gani, ginbayluhan mo ang akon pagpangasubo sang malipayon nga pagsaot.

Ginpauba mo sa akon ang sako nga ginsul-ob ko sang nagpangasubo ako,

kag ginhatagan mo ako sang kalipay,

agod indi lang ako maghipos, kundi magkanta ako sang mga pagdayaw sa imo.

Ginoo nga akon Dios, pasalamatan ko ikaw sa wala sing katapusan.

Read More of Salmo 30