Salmo 119:41-48
Ginoo, ipakita ang imo paghigugma kag pagluwas sa akon, suno sa imo promisa.
Dayon masabat ko ang mga nagapakahuya sa akon,
kay nagasalig ako sa imo mga pulong.
Pahambala ako sang imo matuod nga mga pulong sa tanan nga tion,
kay ang akon paglaom ara lamang sa imo mga sugo.
Permi ko tumanon ang imo kasuguan hasta san-o.
Magakabuhi ako nga may kahilwayan,
kay nagatinguha gid ako sa pagtuman sang imo nga pagsulundan.
Indi ako magkahuya sa pagsugid sang imo mga pagpanudlo sa atubangan sang mga hari.
Nagakalipay gid ako sa pagsunod sa imo mga sugo nga akon ginahigugma.
Ginatahod ko ang imo mga sugo nga akon ginahigugma,
kag ginapamalandungan ko ang imo mga pagsulundan.
Menu
Menu
