Hulubaton 4:10-19 HLGN

Select book
Select chapter

Hulubaton 4:10-19

Anak, pamatii kag batuna ang mga ginasiling ko sa imo, agod magalawig ang imo kabuhi. Gintudluan ko na ikaw sang kaalam, kon paano ka magkabuhi sing husto. Gani kon sundon mo ini, wala sing may makasablag sa imo pagkabuhi, kag indi ka maano. Indi gid pagkalimti ang mga pagtadlong ko sa imo pamatasan; tipigi ini sa imo tagipusuon kay magakabuhi ka sa sini.

Indi pagsunda ang ginahimo sang mga malaot. Likawi gid ina kag magpadayon ka sa imo pagkabuhi nga matarong. Kay indi sila makatulog kon indi sila makahimo sang malain ukon makapanglaglag sa iban. Ang kalautan kag ang pagpamintas daw pagkaon kag ilimnon para sa ila.

Ang pagkabuhi sang mga matarong pareho sa pagbutlak sang adlaw nga nagasanag pa gid hasta mag-udto. Pero ang pagkabuhi sang mga malaot pareho sa kadulom, kag indi nila mahibaluan kon ano ang kabangdanan sang ila pagkalaglag.

Read More of Hulubaton 4