Hulubaton 26:23-28
Kon ginatago mo ang malain mo nga panghunahuna paagi sa manami nga paghambal, pareho ka sang kolon nga ginhaklapan sang pilak nga indi puro.26:23 ginhaklapan sang pilak nga indi puro: ukon, ginsilakan.
Ang kaaway manami maghambal-hambal, pero gali nagahunahuna siya sa pagpangdaya. Bisan makagalanyat siya kon maghambal, indi ka magpati sa iya, kay makangilil-ad gid ang iya mga ginahunahuna. Mahimo nga magpakuno-kuno siya agod matago niya ang iya kaakig, pero makita gihapon sang tanan ang malain niya nga mga binuhatan.
Ang nagakutkot sang buho para mahulog ang iban, siya mismo ang mahulog. Ang nagapaligid sang bato para maligidan ang iban, siya mismo ang maligidan.
Ginakainitan sang butigon nga tawo ang mga tawo nga biktima sang iya kabutigan.
Ang tawo nga nagadayaw-dayaw sa imo makalaglag sa imo.
Hulubaton 27:1-4
Indi ka magpabugal parte sa imo himuon buwas, kay wala ka kahibalo kon ano ang matabo sa imo buwas.
Indi pagdayawa ang imo kaugalingon; pabay-i nga ang iban ang magdayaw sa imo.
Mabug-at ang bato kag ang balas, pero mas mabug-at batyagon kon paakigon ka sang buang-buang nga tawo.
Delikado ang tawo nga akig, pero mas delikado ang tawo nga nagapangimon.
