Hulubaton 23:29-35
‒18‒
Sin-o ang tawo nga miserable, nagapangaway, nagareklamo, nagakapilasan nga sarang niya kuntani malikawan, kag nagapalamula ang iya mata? Siya amo ang tawo nga palahubog, nga mahilig magtilaw sang sari-sari nga ilimnon. Indi ka magpaganyat sa maisog nga bino, nga kanami tulukon sa baso kag suwabe imnon. Kay kon mahubog ka na, magalain ang imo pamatyag, nga daw sa ginkagat ka sang dalitan nga man-og. Kag bisan ano na lang ang imo makita, kag indi ka makahunahuna sing maayo. Ang pamatyag mo daw ara ka sa tunga sang lawod nga nagahigda sa ibabaw sang palo23:34 palo: malaba nga kahoy nga sa diin naangot ang layag sang barko. sang barko. Magasiling ka, “May naglampos kag nagsumbag sa akon, pero wala lang ako kabatyag. San-o pa ako maumpawan agod makainom ako liwat?”
Hulubaton 24:1-4
‒19‒
Indi ka magkahisa sa mga malaot ukon maghandom nga magpakig-abyan sa ila. Kay ang ila lang ginahunahuna kag ginahambal amo ang pagpamintas sa iban.
‒20‒
Kon maalamon ka, mapundar kag mapauswag mo ang imo panimalay.
