Nnwom 116:12-19
Ɛdeɛn na mɛtumi de atua Awurade ka
wɔ ne papa a wayɛ ama me nyinaa?
Mɛma nkwagyeɛ kuruwa no so
na mabɔ Awurade din.
Mɛdi ɛbɔ a mahyɛ Awurade no nyinaa so
wɔ ne nkurɔfoɔ nyinaa anim.
Nʼahotefoɔ wuo
yɛ aboɔden wɔ Awurade ani so.
Ao Awurade, ampa ara meyɛ wo ɔsomfoɔ;
meyɛ wo ɔsomfoɔ, wʼafenaa babarima;
wayi me afiri me mpɔkyerɛ mu.
Mɛbɔ aseda afɔdeɛ ama wo
na mabɔ Awurade din.
Mɛdi me bɔ a mahyɛ Awurade no so
wɔ ne nkurɔfoɔ nyinaa anim,
wɔ adihɔ a ɛwɔ Awurade fie
wɔ wo mfimfini, Ao Yerusalem.
Monkamfo Awurade.
Menu
Menu
