Salmo 21:8-13
Ang imong gahom mao ang magpildi sa tanan mong mga kaaway.
Kon magpakita ka na laglagon mo sila,
ug mahisama sila sa nagadilaab nga hurnohan.
Sa imong kasuko ipalamoy mo sila sa kalayo.
Pamatyon mo ang tanan nilang mga kaliwat,
ug wala gayoy mahibilin kanila.
Nagaplano silag daotan batok kanimo,
apan dili gayod sila magmalampuson.
Kay mangikyas sila inigkakita nila nga gibinat mo ang imong pana ug gipunting kanila.
Dalaygon ka, Ginoo, tungod sa imong kusog.
Magaawit kami ug mga pagdayeg tungod sa imong gahom.
Menu
Menu
