Salmo 18:16-24
Gikan sa langit gigunitan mo ako ug gihaw-as gikan sa lawom nga tubig.
Giluwas mo ako gikan sa akong gamhanang mga kaaway nga naglagot kanako,
kay wala akoy dag-anan kanila.
Gisulong nila ako sa dihang anaa ako sa kalisod,
apan gipanalipdan mo ako, Ginoo.
Giluwas mo ako sa katalagman kay nalipay ka kanako.
Gipanalanginan mo ako tungod kay matarong ang akong kinabuhi
ug wala ako magpakasala.
Kay gisunod ko ang imong mga pamaagi
ug wala ako mobiya kanimo, Ginoo, nga akong Dios.
Gituman ko ang tanan mong sugo
ug wala ko lapasa ang imong mga tulumanon.
Nahibalo ka nga walay ikasaway sa akong kinabuhi,
ug gilikayan ko ang pagpakasala.
Gigantihan mo ako tungod kay nakita mo nga matarong ang akong kinabuhi
ug wala ako magpakasala.
Menu
Menu
