Salmo 118:17-29
Dili pa ako mamatay; magpabilin pa akong buhi.
Isaysay ko ang gipanghimo sa Ginoo.
Gisilotan ako pag-ayo sa Ginoo,
apan wala niya itugot nga mamatay ako.
Ablihi ang mga pultahan sa templo sa Ginoo118:19 mga pultahan sa templo sa Ginoo: o, mga pultahan sa katarong. alang kanako, kay mosulod ako ug magpasalamat sa Ginoo.
Mao kini ang pultahan sa Ginoo diin ang mga matarong lang ang makasulod.
Magpasalamat ako kanimo, Ginoo, kay gitubag mo ang akong pag-ampo.
Ikaw ang kaluwasan alang kanako.
Ang bato nga gisalikway sa mga panday mao pa hinuon ang nahimong pundasyon nga bato.
Gihimo kini sa Ginoo ug katingalahan kaayo kini.
Mao kini ang adlaw diin gipadaog kita sa Ginoo,118:24 diin gipadaog kita sa Ginoo: sa literal, nga gibuhat sa Ginoo. busa maglipay ug magsadya kita.
Ginoo, nagapangamuyo kami kanimo, luwasa intawon kami.
Hatagi kami ug kalamposan.
Hinaut nga panalanginan sa Ginoo ang hari nga iyang pinadala.
Ug kamong mga tawo, hinaut nga panalanginan usab kamo sa Ginoo gikan dinhi sa iyang templo.118:26 Sumala sa mga eksperto sa Biblia ang mga pari sa templo mao ang nagsulti niini nga mga bersikulo.
Ang Ginoo, Dios; ug maayo kaayo siya kanato.
Magdala kita ug mga sanga sa kahoy sa pagsaulog sa pista, ug molibot kita sa halaran.
Ginoo, ikaw ang akong Dios;
nagapasalamat ako ug nagadayeg kanimo.
Pasalamati ang Ginoo, kay maayo siya;
ang iyang gugma walay kataposan.
Menu
Menu
