Salmo 102:1-11
Salmo 102102:0 Salmo 102 Ang ulohan sa Hebreo: Pag-ampo sa usa ka tawong nagaantos sa dihang luya na siya. Gibutyag niya ang iyang mulo ngadto sa Ginoo.
Ang Pag-ampo sa Tawo nga Nagaantos
Ginoo, pamatia ang akong pag-ampo.
Pamatia ang akong pagpangayo ug tabang kanimo.
Ayaw pagtago kanako sa panahon sa akong kalisod.
Pamatia ako kon motawag ako kanimo,
ug tubaga dayon ako.
Kay ang akong kinabuhi gakahanaw sama sa aso;
ang akong kabukogan daw gisunog.
Daw sagbot ako nga gitunob-tunoban ug nalaya;
ug nawad-an akog gana sa pagkaon.
Tungod sa akong kusog nga pag-agulo, bukog na lang ako ug panit.
Nagainusara ako sama sa langgam sa kamingawan
o sama sa ngiwngiw diha sa guba ug biniyaan nga dapit.
Dili ako makatulog;
sama ako sa langgam nga nagainusara sa atop sa balay.
Kanunay akong pakaulawan sa akong mga kaaway.
Gibiaybiay nila ako ug gigamit nila ang akong ngalan sa pagtunglo sa uban.
Wala na akoy kaon-kaon;
nagayaka na lang ako sa abo102:9 nagayaka na lang ako sa abo: Nagapakita kini sa pagsubo. ug naghilak,
tungod sa imong labihang kasuko kanako.
Daw sa imo akong gipunit ug gilabay.
Ang akong kinabuhi sama sa anino nga nagakahanaw.
Ug sama ako sa sagbot nga nagakalaya.
Menu
Menu
