Nnwom 31:1-8
Dwom 31
Dawid dwom.
Wo mu, Awurade na manya guankɔbea;
mma mʼanim ngu ase;
fi wo trenee mu gye me.
Yɛ aso ma me,
bra ntɛm begye me;
yɛ me bammɔ botan,
aban a mʼatamfo nsa renka me.
Sɛ woyɛ me botan ne mʼaban nti,
wo din nti di mʼanim na kyerɛ me kwan.
Gye me fi afiri a wɔasum me no mu,
efisɛ wo ne me guankɔbea.
Wo nsam na mede me kra hyɛ;
gye me bio, Awurade, Onyankopɔn nokwafo.
Mikyi wɔn a wɔsom abosom huhuw;
mede me ho to Awurade so.
Mʼani begye na madi ahurusi wɔ wo dɔ mu,
efisɛ wuhu mʼamanehunu,
na wunim me kra mu haw.
Womfaa me nhyɛɛ ɔtamfo no nsa
mmom wode me nan asisi petee mu.
Menu
Menu
