Nnwom 140:6-13
Awurade, meka kyerɛ wo se, “Wone me Nyankopɔn.”
Awurade, tie me mmɔborɔsu.
Otumfo Awurade, me gyefo hoɔdenfo,
wokata me ti so wɔ ɔko da,
nyɛ amumɔyɛfo abisade mma wɔn, Awurade;
mma wɔn nhyehyɛe nnyɛ yiye.
Wɔatwa me ho ahyia,
nanso, ma amumɔyɛsɛm a efi wɔn anom no nsɛe wɔn.
Ma nnyansramma ngu wɔn so;
ma wɔntow wɔn ngu ogya mu,
ngu dontori amoa mu a wɔrensɔre bio.
Mma dinsɛefo ase ntim asase no so;
ma amanehunu ntaataa kitikitiyɛfo.
Minim sɛ Awurade bu ahiafo atɛntrenee
na odi onnibi asɛm ma no.
Ampa ara, atreneefo bɛkamfo wo din
na wɔn a wɔnam tee no bɛtena nkwa mu wɔ wʼanim.
Menu
Menu
