Nnwom 119:161-168
Nya Ahofama Ma Awurade Mmara
Sodifo taataa me kwa,
nanso ɛyɛ wʼasɛm nko ara na misuro.
Mʼani gye wo bɔhyɛ ho
te sɛ obi a wanya asade kɛse.
Mikyi nkontompo
na medɔ wo mmara.
Mekamfo wo mpɛn ason da biara,
wo mmara a ɛteɛ no nti.
Wɔn a wɔdɔ wo mmara no wɔ asomdwoe mmoroso,
na biribiara rentumi mma wonhintiw.
Awurade, metwɛn wo nkwagye,
na midi wo mmara nsɛm so.
Midi wʼahyɛde so
na medɔ no yiye.
Midi wo nkyerɛkyerɛ ne wʼahyɛde so,
na wunim mʼakwan nyinaa.