Salmo 134 – Ang Pulong Sa Dios APSD-CEB

Ang Pulong Sa Dios

Salmo 134:1-3

Salmo 134

Pagdapit alang sa Pagdayeg sa Dios

1Dayega ninyo ang Ginoo,

kamong tanan nga nagaalagad kaniya diha sa iyang templo panahon sa kagabhion.

2Ibayaw ninyo ang inyong mga kamot sa inyong pag-ampo diha sa sulod sa templo,

ug dayega ninyo ang Ginoo.

3Hinaut nga panalanginan kamo sa Ginoo nga anaa sa Zion,134:3 Zion: mao usab ang Jerusalem.

nga mao ang naghimo sa kalangitan ug sa kalibotan.