Zabbuli 48:1-8 LCB

Zabbuli 48:1-8

Zabbuli 48

Oluyimba. Zabbuli ya Batabani ba Koola.

Mukama mukulu, asaanira okutenderezebwa ennyo

mu kibuga kya Katonda waffe, ku lusozi lwe olutukuvu.

Sayuuni lwe lusozi lwe olulungi olugulumivu,

olusanyusa ensi yonna.

Ku ntikko Zafoni kwe kuli

ekibuga kya Kabaka Omukulu;

Katonda mw’abeera;

yeeraze okuba ekigo kye.

Kale laba, bakabaka b’ensi baakuŋŋaana

ne bakyolekera bakirumbe;

bwe baakituukako ne bakyewuunya,

ne batya nnyo ne badduka;

nga bakankana,

ne bajjula obulumi ng’omukazi alumwa okuzaala.

Wabazikiriza ng’omuyaga ogw’ebuvanjuba

bwe guzikiriza ebyombo by’e Talusiisi.

Ebyo bye twawuliranga obuwulizi,

kaakano tubirabye

mu kibuga kya Mukama ow’Eggye,

mu kibuga kya Katonda waffe,

kyalinywereza ddala emirembe gyonna.

Read More of Zabbuli 48